വാർണർ ‘ഫ്രീ’
Saturday, October 26, 2024 1:10 AM IST
സിഡ്നി: ഡേവിഡ് വാർണറിന് ഏർപ്പെടുത്തിയ നേതൃത്വ വിലക്ക് നീക്കി ക്രിക്കറ്റ് ഓസ്ട്രേലിയ (സിഎ). മൂന്നംഗ റിവ്യൂ പാനലാണ് ഡേവിഡ് വാർണറിന്റെ ക്യാപ്റ്റൻസി വിലക്ക് ഏകകണ്ഠമായി നീക്കിയത്.
2018ൽ ഉയർന്ന ഒത്തുകളി വിവാദത്തിനു പിന്നാലെയാണ് വാർണറിനു ക്രിക്കറ്റ് ഓസ്ട്രേലിയ ലീഡർഷിപ് റോളുകളിൽ വിലക്കേർപ്പെടുത്തിയത്. വിലക്കു നീങ്ങിയതോടെ ആഭ്യന്തര ടൂർണമെന്റുകളിൽ വാർണറിനു ക്യാപ്റ്റനാകാം.
2024 ജനുവരിയിൽ പാക്കിസ്ഥാനെതിരായ ടെസ്റ്റ് ക്രിക്കറ്റ് പോരാട്ടത്തോടെ വാർണർ ഓസ്ട്രേലിയൻ ടീമിൽനിന്നു വിരമിക്കൽ പ്രഖ്യാപിച്ചിരുന്നു. ഓസ്ട്രേലിയൻ ജഴ്സിയിൽ 112 ടെസ്റ്റും 161 ഏകദിനവും 110 ട്വന്റി-20യും വാർണർ കളിച്ചിട്ടുണ്ട്.