പാരാ സ്വിമ്മിംഗ്: കേരളം തിളങ്ങി
Wednesday, October 23, 2024 11:59 PM IST
തൃശൂർ: ഗോവയിൽ നടന്ന 24-മത് നാഷണൽ പാരാ സ്വിമ്മിംഗിൽ കേരളത്തിന് അഞ്ചു സ്വർണം, നാലു വെള്ളി, ഒരു വെങ്കലം എന്നിങ്ങനെ 10 മെഡൽ.
ആസിം വെള്ളിമന മൂന്നും (കോഴിക്കോട്), ടോമി (കോട്ടയം), മുഹമ്മദ് മിന്ഹാജ് (തൃശൂർ) എന്നിവർ ഓരോ സ്വർണം വീതം നേടി.
ജീവ ശിവ, മുഹമ്മദ് മിന്ഹാജ് എന്നിവർ രണ്ടു വെള്ളി വീതവും ചിത്ര വെങ്കലവും നേടി. ഭിന്നശേഷിക്കാരുടെ ഉന്നമനത്തിനായി പ്രവർത്തിക്കുന്ന തൃശൂരിലെ ദർശന ക്ലബ് പ്രസിഡന്റ് ഫാ. സോളമൻ കടമ്പാട്ടുപറമ്പിൽ സിഎംഐയുടെ നേതൃത്വത്തിൽ വിവിധ ജില്ലകളിൽനിന്നായി 16 താരങ്ങൾ ചാന്പ്യൻഷിപ്പിൽ പങ്കെടുത്തു.