കടിഞ്ഞാണ് ദക്ഷിണാഫ്രിക്കയ്ക്ക്
Tuesday, October 22, 2024 11:52 PM IST
മിർപുർ: ബംഗ്ലാദേശിനെതിരായ ഒന്നാം ടെസ്റ്റ് ക്രിക്കറ്റിൽ സന്ദർശകരായ ദക്ഷിണാഫ്രിക്കയ്ക്കു മുൻതൂക്കം.
രണ്ടാം ദിനം അവസാനിക്കുന്പോൾ ബംഗ്ലാദേശ് രണ്ടാം ഇന്നിംഗ്സിൽ മൂന്നു വിക്കറ്റ് നഷ്ടത്തിൽ 101 റണ്സ് എടുത്തിട്ടുണ്ട്. ഏഴു വിക്കറ്റ് കൈയിലിരിക്കേ 101 റണ്സിനു പിന്നിലാണ് ആതിഥേയർ. സ്കോർ: ബംഗ്ലാദേശ് 106, 101/3. ദക്ഷിണാഫ്രിക്ക 308.
ആറു വിക്കറ്റ് നഷ്ടത്തിൽ 140 റണ്സ് എന്ന സ്കോറിൽ ഒന്നാം ഇന്നിംഗ്സ് രണ്ടാം ദിനമായ ഇന്നലെ പുനരാരംഭിച്ച ദക്ഷിണാഫ്രിക്ക, 308നു പുറത്തായി.
വിക്കറ്റ് കീപ്പർ ബാറ്ററായ കയ്ൽ വെറെയ്ന്റെ സെഞ്ചുറിയായിരുന്നു രണ്ടാം ദിനത്തിൽ ദക്ഷിണാഫ്രിക്കൻ ഇന്നിംഗ്സിലെ പ്രത്യേകത. 144 പന്ത് നേരിട്ട വെറെയ്ൻ 114 റണ്സ് നേടി.
വെറെയ്ന്റെ രണ്ടാം ടെസ്റ്റ് സെഞ്ചുറിയാണ്. വിയാൻ മൾഡർ 54 റണ്സ് സ്വന്തമാക്കി. ഏഴാം വിക്കറ്റിൽ കയ്ൽ വെറെയ്നും വിയാൻ മൾഡറും ചേർന്ന് 119 റണ്സ് കൂട്ടുകെട്ട് സ്ഥാപിച്ചതാണ് ദക്ഷിണാഫ്രിക്കൻ സ്കോർ 300 കടത്തിയത്.