കെയ്ൻ വില്യംസണ് രണ്ടാം ടെസ്റ്റിലും കളിക്കില്ല
Tuesday, October 22, 2024 11:52 PM IST
പൂന: ഇന്ത്യക്കെതിരായ രണ്ടാം ടെസ്റ്റ് ക്രിക്കറ്റിലും ന്യൂസിലൻഡ് സ്റ്റാർ ബാറ്റർ കെയ്ൻ വില്യംസണ് തിരിച്ചെത്തില്ല. പരിക്കിനെത്തുടർന്ന് ഒന്നാം ടെസ്റ്റിൽ കളിക്കാതിരുന്ന വില്യംസണ്, പൂനയിൽ നാളെ ആരംഭിക്കുന്ന രണ്ടാം പോരാട്ടത്തിലും ഉണ്ടാകില്ല.
കിവീസ് മുഖ്യപരിശീലകൻ ഗാരി സ്റ്റെഡാണ് ഇക്കാര്യം അറിയിച്ചത്. ശ്രീലങ്കയ്ക്കെതിരായ പരന്പരയ്ക്കിടെയാണ് വില്യംസണിനു പരിക്കേറ്റത്.
മൂന്നു മത്സര പരന്പരയിൽ ന്യൂസിലൻഡ് 1-0നു മുന്നിലാണ്. ബംഗളൂരുവിൽ നടന്ന ഒന്നാം ടെസ്റ്റിൽ ന്യൂസിലൻഡ് എട്ടു വിക്കറ്റന് ഇന്ത്യയെ തോൽപ്പിച്ചിരുന്നു. നീണ്ട 36 വർഷത്തിനുശേഷമാണ് ന്യൂസിലൻഡ് ഇന്ത്യൻ മണ്ണിൽ ഒരു ടെസ്റ്റ് ജയിക്കുന്നത്.