ഇംഗ്ലണ്ടിനു കാലിടറുന്നു
Saturday, October 26, 2024 1:10 AM IST
റാവൽപിണ്ടി: പാക്കിസ്ഥാനെതിരായ മൂന്നാം ടെസ്റ്റ് ക്രിക്കറ്റിൽ ഇംഗ്ലണ്ട് പ്രതിസന്ധിയിൽ. ഒന്നാം ഇന്നിംഗ്സ് ലീഡ് വഴങ്ങിയശേഷം രണ്ടാം ഇന്നിംഗ്സിനു ക്രീസിലെത്തിയ ഇംഗ്ലണ്ട് രണ്ടാം ദിനം മത്സരം അവസാനിക്കുന്പോൾ 24/3 എന്ന അവസ്ഥയിലാണ്. സ്കോർ: ഇംഗ്ലണ്ട് 267, 24/3. പാക്കിസ്ഥാൻ 344.
സൗദ് ഷക്കീലിന്റെ (134 റണ്സ്) സെഞ്ചുറിയാണ് പാക്കിസ്ഥാന് ഒന്നാം ഇന്നിംഗ്സ് ലീഡ് സമ്മാനിച്ചത്. നൊമാൻ അലിക്കൊപ്പം (45) എട്ടാം വിക്കറ്റിൽ 88 റണ്സിന്റെയും സാജിദ് ഖാനൊപ്പം (48 നോട്ടൗട്ട്) ഒന്പതാം വിക്കറ്റിൽ 72 റണ്സിന്റെയും കൂട്ടുകെട്ട് ഷക്കീൽ സ്ഥാപിച്ചത് പാക്കിസ്ഥാനെ 300 കടത്തി.
രണ്ടാം ഇന്നിംഗ്സിനു ക്രീസിലെത്തിയ ഇംഗ്ലണ്ടിന് സാക്ക് ക്രൗളി (2), ബെൻ ഡക്കറ്റ് (12), ഒല്ലി പോപ്പ് (1) എന്നിവരെ നഷ്ടപ്പെട്ടു.