സെൻട്രൽ കേരള സഹോദയ കായികമേള: വാഴക്കുളം കാർമൽ ചാന്പ്യൻമാർ
Sunday, October 27, 2024 2:26 AM IST
വാഴക്കുളം: സെൻട്രൽ കേരള സഹോദയ സിബിഎസ്ഇ സ്കൂൾ കായികമേളയിൽ ആതിഥേയരായ വാഴക്കുളം കാർമൽ സിഎംഐ പബ്ലിക് സ്കൂളിന് ഓവറോൾ ചാന്പ്യൻഷിപ്പ്. 554 പോയിന്റോടെയാണ് കാർമൽ സ്കൂൾ ഒന്നാമതെത്തിയത്. 496 പോയിന്റ് നേടിയ മൂവാറ്റുപുഴ നിർമല പബ്ലിക് സ്കൂളാണ് ഓവറോൾ റണ്ണറപ്പ്.
232 പോയിന്റുകളോടെ ചാലക്കുടി സിഎംഐ പബ്ലിക് സ്കൂൾ സെക്കൻഡ് റണ്ണറപ്പായി. മൂന്നു ദിവസങ്ങളായി കാർമൽ പബ്ലിക് സ്കൂൾ ഗ്രൗണ്ടിൽ നടന്നു വന്ന കായിക മേളയിൽ കിഡീസ്, സീനിയർ, സൂപ്പർ സീനിയർ വിഭാഗങ്ങളിൽ കാർമൽ സ്കൂൾ ചാന്പ്യൻമാരായപ്പോൾ സബ് ജൂണിയർ, ജൂണിയർ വിഭാഗം ചാന്പ്യൻഷിപ്പുകൾ നിർമല പബ്ലിക് സ്കൂൾ സ്വന്തമാക്കി.
സമാപന സമ്മേളനം മഞ്ഞള്ളൂർ പഞ്ചായത്ത് പ്രസിഡന്റ് ആൻസി ജോസ് ഉദ്ഘാടനം ചെയ്തു. യോഗത്തിൽ മൂവാറ്റുപുഴ കാർമൽ പ്രൊവിൻഷ്യാൾ ഫാ. മാത്യു മഞ്ഞക്കുന്നേൽ അധ്യക്ഷത വഹിച്ചു. കോണ്ഫെഡറേഷൻ ഓഫ് സഹോദയ കോംപ്ലക്സസ് സംസ്ഥാന പ്രസിഡന്റും കാർമൽ സ്കൂൾ ഡയറക്ടറുമായ റവ.ഡോ. സിജൻ പോൾ ഊന്നുകല്ലേൽ, സ്കൂൾ മാനേജർ ഫാ. തോമസ് മഞ്ഞക്കുന്നേൽ, കാർമൽ സ്കൂൾ പ്രിൻസിപ്പൽ ഫാ. ജോണ്സണ് വെട്ടിക്കുഴിയിൽ, പിടിഎ പ്രസിഡന്റ് പ്രിൻസ് ടി. ജോർജ്, സ്പോർട്സ് കോ-ഓർഡിനേറ്റർ സി.സി സുഭാഷ് എന്നിവർ പ്രസംഗിച്ചു.
വ്യക്തിഗത ചാന്പ്യൻമാർ വാഴക്കുളം: കാർമൽ സിഎംഐ പബ്ലിക് സ്കൂളിൽ നടന്ന സെൻട്രൽ കേരള സഹോദയ കായികമേളയിൽ വ്യക്തിഗത ചാന്പ്യൻമാരായവർ. കെവിൻ സിജോ (കിഡീസ് ബോയ്സ്) കാർമൽ പബ്ലിക് സ്കൂൾ വാഴക്കുളം, ടെസാ ജോബിൻ ( കിഡീസ് ഗേൾസ്) നിർമല പബ്ലിക് സ്കൂൾ മൂവാറ്റുപുഴ, ഗോവിന്ദ് ടി. സന്തോഷ് (സബ് ജൂണിയർ ബോയ്സ്) സിഎംഐ പബ്ലിക് സ്കൂൾ ചാലക്കുടി, ആയിഷ ഷഫീക്ക് (സബ് ജൂണിയർ ഗേൾസ്) നിർമല പബ്ലിക് സ്കൂൾ മൂവാറ്റുപുഴ, റൈഹാൻ റഷീദ് ( ജൂണിയർ ബോയ്സ്) സിഎംഐ പബ്ലിക് സ്കൂൾ ചാലക്കുടി, ജൂവൽ എൽസ സെബാസ്റ്റ്യൻ (ജൂണിയർ ഗേൾസ്) കാർമൽ പബ്ലിക് സ്കൂൾ വാഴക്കുളം, ധ്യാൻ വാമറ്റം ( സീനിയർ ബോയ്സ്) കാർമൽ പബ്ലിക് സ്കൂൾ വാഴക്കുളം, ലിയ രാജേഷ് ( സീനിയർ ഗേൾസ്) കാർമൽ പബ്ലിക് സ്കൂൾ വാഴക്കുളം, മാത്യു അലക്സ് ( സൂപ്പർ സീനിയർ ബോയ്സ്) കാർമൽ പബ്ലിക് സ്കൂൾ വാഴക്കുളം, അന്നു റോസ് ബിനോയി ( സൂപ്പർ സീനിയർ ഗേൾസ്) കാർമൽ പബ്ലിക് സ്കൂൾ വാഴക്കുളം, ഹൃതിക അശോക് മേനോൻ ( സൂപ്പർ സീനിയർ ഗേൾസ്) സ്റ്റെല്ല മാരീസ് കോണ്വെന്റ് സ്കൂൾ എറണാകുളം.