ലിവർപൂൾ ഒന്നിൽ
Tuesday, October 22, 2024 1:03 AM IST
ലിവർപൂൾ: ഇംഗ്ലീഷ് പ്രീമിയർ ലീഗ് ഫുട്ബോളിൽ ലിവർപൂൾ ഒന്നാം സ്ഥാനത്തെത്തി. സ്വന്തം ആൻഫീൽഡിൽ നടന്ന മത്സരത്തിൽ ലിവർപൂൾ 2-1നു ചെൽസിയെ തോൽപ്പിച്ചു.
കുർട്ടിസ് ജോണ്സ് ആണു വിജയ ഗോൾ നേടിയത്. ജനുവരിക്കുശേഷം ജോണ്സ് നേടുന്ന ആദ്യ ഗോളാണിത്. അർനെ സ്ലോട്ട് പരിശീലകനായി സ്ഥാനമേറ്റശേഷം 11 കളിയിൽ പത്തിലും ലിവർപൂൾ ജയിച്ചു.
വാശിയേറിയ പോരാട്ടത്തിൽ അതുവരെയുള്ള മത്സരത്തിന്റെ ഒഴുക്കിനു വിപരീതമായി 29-ാം മിനിറ്റിൽ മുഹമ്മദ് സലയുടെ പെനാൽറ്റി ലിവർപൂളിനെ മുന്നിലെത്തിച്ചു. ഇടവേളയ്ക്കു തിരിച്ചെത്തിയതേ നിക്കോളസ് ജാക്സണ് (48’) ചെൽസിക്കു സമനില നൽകി. 51-ാം മിനിറ്റിൽ സലയുടെ ക്രോസിൽനിന്നു ജോണ്സ് ചെൽസിയുടെ വലകുലുക്കി.
എട്ടു കളിയിൽ ലിവർപൂളിന് 21 പോയിന്റാണുള്ളത്; രണ്ടാമതുള്ള മാഞ്ചസ്റ്റർ സിറ്റിക്ക് 20 പോയിന്റും.