വിനീഷ്യസ് ട്രിക്കിൽ റയൽ
Wednesday, October 23, 2024 11:59 PM IST
മാഡ്രിഡ്: യുവേഫ ചാന്പ്യൻസ് ലീഗ് ഫുട്ബോളിൽ സ്പാനിഷ് വന്പന്മാരായ റയൽ മാഡ്രിഡിനു മിന്നും ജയം. ഹോം മത്സരത്തിൽ റയൽ മാഡ്രിഡ് 5-2നു ജർമൻ ക്ലബ്ബായ ബൊറൂസിയ ഡോർട്ട്മുണ്ടിനെ കീഴടക്കി.
ബ്രസീൽ താരം വിനീഷ്യസ് ജൂണിയറിന്റെ ഹാട്രിക്കാണു റയലിന് ആധികാരിക ജയം നൽകിയത്. 62, 86, 90+3 മിനിറ്റുകളിൽ വിനീഷ്യസ് വലകുലുക്കി. 34 മിനിറ്റിനുള്ളിൽ 2-0ന്റെ ലീഡ് നേടിയശേഷമായിരുന്നു ബൊറൂസിയയുടെ തോൽവി.
മറ്റു മത്സരങ്ങളിൽ ഇറ്റാലിയൻ ക്ലബ്ബ് എസി മിലാൻ 3-1നു ക്ലബ് ബ്രൂഗിനെ കീഴടക്കി. അതേസമയം, യുവന്റസ് 0-1നു സ്റ്റഡ്ഗഡിനോടു പരാജയപ്പെട്ടു. ഫ്രഞ്ച് ക്ലബ് പിഎസ്ജിയും ഡച്ച് ടീം ഐന്തോവനും 1-1 സമനിലയിൽ പിരിഞ്ഞു.
ഇംഗ്ലീഷ് ക്ലബ്ബായ ആസ്റ്റണ് വില്ല ഹോം മത്സരത്തിൽ 2-0നു ബൊലോഗ്നയെ തോൽപ്പിച്ചു. 1981 ഒക് ടോബറിനുശേഷം ആദ്യമായാണ് ആസ്റ്റണ് വില്ല ചാന്പ്യൻസ് ലീഗ്/യൂറോപ്യൻ കപ്പിൽ തുടർച്ചയായ മൂന്നു മത്സരങ്ങളിൽ ജയിക്കുന്നത്. ആഴ്സണൽ 1-0നു ഷാക്തർ ഡോണെറ്റ്സിനെ കീഴടക്കി മൂന്നു പോയിന്റ് സ്വന്തമാക്കി.
മൂന്നു റൗണ്ട് പൂർത്തിയായപ്പോൾ ഒന്പതു പോയിന്റുമായി ആസ്റ്റണ് വില്ലയാണ് ഒന്നാം സ്ഥാനത്ത്.