ഇന്ത്യ എയ്ക്കു ജയം
Tuesday, October 22, 2024 1:03 AM IST
അമേരത്ത്: എമേർജിംഗ് ടീം ഏഷ്യ കപ്പ് ക്രിക്കറ്റിൽ ഇന്ത്യ എയ്ക്കു രണ്ടാം ജയം. ഗ്രൂപ്പ് ബിയിൽ ഇന്ത്യ തങ്ങളുടെ രണ്ടാം മത്സരത്തിൽ ഏഴു വിക്കറ്റുകൾക്ക് യുഎഇയെ തോൽപ്പിച്ചു.
ടോസ് നേടിയ ബാറ്റ് ചെയ്ത് യുഎഇ 16.5 ഓവറിൽ എല്ലാവരും പുറത്തായി. 50 റണ്സ് നേടിയ രാഹുൽ ചോപ്രയാണ് ടോപ് സ്കോറർ. രസിഖ് സലാം മൂന്നും രമണ്ദീപ് സിംഗ് രണ്ടും വിക്കറ്റ് വീഴ്ത്തി.
മറുപടി ബാറ്റിംഗിൽ ഇന്ത്യ എ 10.5 ഓവറിൽ മൂന്നു വിക്കറ്റ് നഷ്ടത്തിൽ 111 റണ്സുമായി ലക്ഷ്യം മറികടന്നു. അഭിഷേക് ശർമയുടെ (58) തകർപ്പൻ ബാറ്റിംഗാണ് ഇന്ത്യയുടെ ജയം അനായാസമാക്കിയത്.