കൊള്ളയടിക്കുന്നതും അടിച്ചമർത്തുന്നതും ദുഷ്ടഭരണവുമായ ഇസ്രായേലിനെ തങ്ങൾക്കുള്ളതെന്തും ഉപയോഗിച്ച് നേരിടാനും അദ്ദേഹം ആഹ്വാനം ചെയ്തു. ഇസ്രേലിവിരുദ്ധ ശക്തികൾ ഹിസ്ബുള്ളയ്ക്കൊപ്പം നിൽക്കണം. ലബനനിലെ ശക്തമായ ഹിസ്ബുള്ളയെ തകർക്കാൻ സയണിസ്റ്റ് ക്രിമിനലുകൾക്കു കഴിയില്ലെന്നും അദ്ദേഹം വ്യക്തമാക്കി.
അതേസമയം, ഹിസ്ബുള്ള തലവൻ ഹസൻ നസറുള്ളയുടെ കൊലപാതകത്തിൽ പ്രതിഷേധിച്ച് ഇന്നലെ ഇറാനിലുടനീളം പ്രകടനങ്ങൾ നടന്നു. ഇസ്രയേലിനോടു പ്രതികാരം ചെയ്യണമെന്നാവശ്യപ്പെടുന്ന മുദ്രാവാക്യങ്ങളുയർത്തിയായിരുന്നു പ്രകടനം. പ്രതിഷേധക്കാർ ഇസ്രയേൽ, അമേരിക്കൻ പതാകകൾ കത്തിക്കുകയും ചെയ്തു.