റോം: ​അ​നാ​രോ​ഗ്യം മൂ​ലം പെ​സ​ഹാ​വ്യാ​ഴ​ത്തി​ലെ കാ​ൽ​ക​ഴു​ക​ൾ ശു​ശ്രൂ​ഷ ഒ​ഴി​വാ​ക്കി​യെ​ങ്കി​ലും റോ​മി​ലെ റെ​ജീ​ന ചേ​ലി ത​ട​വ​റ സ​ന്ദ​ർ​ശ​നം മു​ട​ക്കാ​ൻ ഫ്രാ​ൻ​സി​സ് മാ​ർ​പാ​പ്പ ത​യാ​റാ​യി​ല്ല. ത​ട​വു​കാ​ർ ആ​ർ​പ്പു​വി​ളി​ക​ളോ​ടെ​യാ​ണ് മാ​ർ​പാ​പ്പ​യെ വ​ര​വേ​റ്റ​ത്.

വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള, വി​വി​ധ പ്രാ​യ​ക്കാ​രാ​യ 70 ത​ട​വു​കാ​രു​മാ​യി അ​ദ്ദേ​ഹം നേ​രി​ട്ടു കൂ​ടി​ക്കാ​ഴ്ച ന​ട​ത്തി. ഓ​രോ ത​ട​വു​കാ​ര​നെ​യും മാ​ർ​പാ​പ്പ നേ​രി​ട്ടു ക​ണ്ടു. ചി​ല​ർ മാ​ർ​പാ​പ്പ​യോ​ടു സം​സാ​രി​ച്ചു. ചി​ല​ർ മു​ട്ടു​കു​ത്തി അ​ദ്ദേ​ഹ​ത്തി​ന്‍റെ കൈ​ക​ളി​ൽ ചും​ബി​ച്ചു.

“പെ​സ​ഹാ​വ്യാ​ഴ​ത്തി​ൽ ത​ട​വ​റ​യി​ലെ​ത്തി ഈ​ശോ​യെ​പ്പോ​ലെ കാ​ൽ ക​ഴു​ക​ണ​മെ​ന്നാ​ണ് എ​ന്നും എ​ന്‍റെ ആ​ഗ്ര​ഹം. ഈ ​വ​ർ​ഷം എ​ന്നെ​ക്കൊ​ണ്ട​തി​നു പ​റ്റി​ല്ല. പ​ക്ഷേ നി​ങ്ങ​ൾ​ക്കൊ​പ്പ​മു​ണ്ടാ​യി​രി​ക്ക​ണ​മെ​ന്ന് ഞാ​ൻ ക​രു​തി. നി​ങ്ങ​ളു​ടെ കു​ടും​ബ​ത്തി​നു​വേ​ണ്ടി ഞാ​ൻ പ്രാ​ർ​ഥി​ക്കു​ന്നു” - മാ​ർ​പാ​പ്പ പ​റ​ഞ്ഞു. ജ​യി​ൽ ജീ​വ​ന​ക്കാ​രു​മാ​യും കൂ​ടി​ക്കാ​ഴ്ച ന​ട​ത്തി​യ മാ​ർ​പാ​പ്പ അ​ര​മ​ണി​ക്കൂ​റി​നു​ശേ​ഷം വ​ത്തി​ക്കാ​നി​ലേ​ക്കു മ​ട​ങ്ങി.


അ​ടി​മ​ച്ച​ർ​ത്ത​പ്പെ​ട്ട​വ​രെ​യും പാ​ർ​ശ്വ​വ​ത്ക​രി​ക്ക​പ്പെ​ട്ട​വ​രെ​യും ചേ​ർ​ത്തു​നി​ർ​ത്തു​ന്ന ഫ്രാ​ൻ​സി​സ് മാ​ർ​പാ​പ്പ 2013ൽ ​സ്ഥാ​ന​മേ​റ്റെ​ടു​ത്ത​തു മു​ത​ൽ ഈ ​ത​ട​വ​റ​യി​ലാ​ണ് കാ​ൽ​ക​ഴു​ക​ൽ ശു​ശ്രൂ​ഷ നി​ർ​വ​ഹി​ക്കു​ന്ന​ത്.