ന്യൂ​ഡ​ൽ​ഹി: ബാ​ങ്കു​ക​ളെ മോ​ദി സ​ർ​ക്കാ​ർ പ​ണം ശേ​ഖ​രി​ക്കു​ന്ന​തി​നു​ള്ള ‘ക​ള​‌ക‌്ഷ​ൻ ഏ​ജ​ന്‍റു’​മാ​രാ​ക്കി മാ​റ്റി​യെ​ന്ന് കോ​ണ്‍ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ.

സേ​വിം​ഗ്സ് അ​ക്കൗ​ണ്ടു​ക​ളി​ലും ജ​ൻ​ധ​ൻ അ​ക്കൗ​ണ്ടു​ക​ളി​ലും മി​നി​മം ബാ​ല​ൻ​സ് കാ​ത്തു​സൂ​ക്ഷി​ക്കാ​ത്ത​തി​നാ​ൽ 2018നും 2024​നും ഇ​ട​യി​ൽ മോ​ദി സ​ർ​ക്കാ​ർ 43,500 കോ​ടി രൂ​പ​യെ​ങ്കി​ലും ഊ​റ്റി​യെ​ടു​ത്തി​ട്ടു​ണ്ടെ​ന്ന് ഖാ​ർ​ഗെ സ​മൂ​ഹ​മാ​ധ്യ​മ​മാ​യ എ​ക്സി​ൽ കു​റി​ച്ചു. ജ​ന​ങ്ങ​ളെ കൊ​ള്ള​യ​ടി​ക്കാ​ൻ മ​റ്റു ബാ​ങ്ക് ചാ​ർ​ജു​ക​ളു​മു​ണ്ടെ​ന്നു ഖാ​ർ​ഗെ വി​ശ​ദീ​ക​രി​ച്ചു.

ഉ​പ​യോ​ക്താ​വി​ന്‍റെ അ​ക്കൗ​ണ്ടു​ക​ൾ ഒ​രു നി​ശ്ചി​ത കാ​ല​യ​ള​വു​വ​രെ നി​ർ​ജീ​വ​മാ​ണെ​ങ്കി​ൽ ‘ഇ​നാ​ക്റ്റീ​വ് ഫീ’​യാ​യി എ​ല്ലാ വ​ർ​ഷ​വും 100 രൂ​പ വ​രെ ഈ​ടാ​ക്കു​ന്നു​വെ​ന്ന് ഖാ​ർ​ഗെ പ​റ​ഞ്ഞു. ബാ​ങ്ക് സ്റ്റേ​റ്റ്മെ​ന്‍റ് വി​ത​ര​ണ​ത്തി​നാ​യി 50 മു​ത​ൽ 100 രൂ​പ വ​രെ, എ​സ്എം​എ​സ് അ​റി​യി​പ്പു​ക​ൾ​ക്കാ​യി ഒ​രു പാ​ദ​ത്തി​ൽ 20 മു​ത​ൽ 25 രൂ​പ വ​രെ, ലോ​ണ്‍ പ്രോ​സ​സിം​ഗ് ഫീ​യാ​യി ഒ​ന്നു മു​ത​ൽ മൂ​ന്നു ശ​ത​മാ​നം വ​രെ​യും ബാ​ങ്കു​ക​ൾ ഈ​ടാ​ക്കു​ന്നു​വെ​ന്ന് ഖാ​ർ​ഗെ വി​വ​രി​ച്ചു.


വാ​യ്പ​ക​ൾ നി​ശ്ചി​ത​സ​മ​യ​ത്തി​നു മു​ന്പേ അ​ട​ച്ചു​തീ​ർ​ക്കു​ക​യാ​ണെ​ങ്കി​ൽ അ​തി​നു പി​ഴ​യാ​യി ചാ​ർ​ജു​ക​ളും ഉ​പ​യോ​ക്താ​വി​നു​മേ​ൽ ഏ​ർ​പ്പെ​ടു​ത്തു​ന്നു​ണ്ടെ​ന്നും ഇ​തു കൂ​ടാ​തെ നാ​ഷ​ണ​ൽ ഇ​ല​ക്‌​ട്രോ​ണി​ക്സ് ഫ​ണ്ട് ട്രാ​ൻ​സ്ഫ​ർ (എ​ൻ​ഇ​എ​ഫ്ടി) ചാ​ർ​ജു​ക​ളും ഡി​മാ​ൻ​ഡ് ഡ്രാ​ഫ്റ്റ് (ഡി​ഡി) ചാ​ർ​ജു​ക​ളും അ​ധി​ക ബാ​ധ്യ​ത​യാ​ണെ​ന്നും ഖാ​ർ​ഗെ പ​റ​ഞ്ഞു.

മു​ന്പു കേ​ന്ദ്ര സ​ർ​ക്കാ​ർ ഇ​ത്ത​രം ചാ​ർ​ജു​ക​ളി​ൽ​നി​ന്ന് ല​ഭി​ക്കു​ന്ന തു​ക​യു​ടെ വി​വ​ര​ങ്ങ​ൾ ല​ഭ്യ​മാ​ക്കി​യി​രു​ന്നു​വെ​ന്നും എ​ന്നാ​ൽ ഇ​പ്പോ​ൾ അ​ത്ത​രം വി​വ​ര​ങ്ങ​ൾ റി​സ​ർ​വ് ബാ​ങ്ക് ഓ​ഫ് ഇ​ന്ത്യ കൈ​കാ​ര്യം ചെ​യ്യാ​റി​ല്ലെ​ന്ന മ​റു​പ​ടി​യാ​ണ് ല​ഭി​ക്കു​ന്ന​തെ​ന്നും ഖാ​ർ​ഗെ പ​റ​ഞ്ഞു. വി​ല​ക്ക​യ​റ്റ​വും അ​നി​യ​ന്ത്രി​ത​മാ​യ കൊ​ള്ള​യു​മാ​ണ് ജ​ന​ങ്ങ​ളെ പി​ഴി​യാ​നു​ള്ള ബി​ജെ​പി​യു​ടെ മ​ന്ത്ര​മെ​ന്ന് ഖാ​ർ​ഗെ പ​രി​ഹ​സി​ച്ചു.