National News
"തെരഞ്ഞെടുപ്പ് കുറ്റമറ്റത്; വ്യാ​ജ ആ​രോ​പ​ണ​ത്തിന് ശി​ക്ഷ'; മുന്നറിയിപ്പുമായി മുഖ്യ തെരഞ്ഞെടുപ്പു കമ്മീഷണർ
തെരഞ്ഞെടുപ്പ് കുറ്റമറ്റത്; വ്യാ​ജ ആ​രോ​പ​ണ​ത്തിന് ശി​ക്ഷ ; മുന്നറിയിപ്പുമായി മുഖ്യ തെരഞ്ഞെടുപ്പു കമ്മീഷണർ
Tuesday, June 4, 2024 2:09 AM IST
സെ​ബി​ൻ ജോ​സ​ഫ്

ന്യൂ​ഡ​ൽ​ഹി: ഏ​ഴു ഘ​ട്ട​ങ്ങ​ളി​ലാ​യി ന​ട​ന്ന ലോ​ക്സ​ഭാ തെ​ര​ഞ്ഞെ​ടു​പ്പ് പ്ര​ക്രി​യ കു​റ്റ​മ​റ്റ​താ​യി​രു​ന്നെ​ന്നും പ്ര​തി​പ​ക്ഷ​ പാ​ർ​ട്ടി​ക​ൾ പ്ര​ച​രി​പ്പി​ക്കു​ന്ന ആ​രോ​പ​ണ​ങ്ങ​ൾ വ്യാ​ജ​മാ​ണെ​ന്നും മു​ഖ്യ​ തെ​ര​ഞ്ഞെ​ടു​പ്പു ക​മ്മീ​ഷ​ണ​ർ രാ​ജീ​വ് കു​മാ​ർ. ഇ​ന്ന് വോ​ട്ടെ​ണ്ണ​ൽ ന​ട​ക്കു​ന്ന​തി​നു മു​ന്നോ​ടി​യാ​യി ഇ​ന്ന​ലെ ന​ട​ത്തി​യ വാ​ർ​ത്താ​സ​മ്മേ​ള​ന​ത്തി​ലാ​ണ് അ​ദ്ദേ​ഹം ഇ​ക്കാ​ര്യം വ്യ​ക്ത​മാ​ക്കി​യ​ത്.

വോ​ട്ടെ​ണ്ണ​ലി​നു​ മു​ന്പ് ജി​ല്ലാ മ​ജി​സ്ട്രേ​റ്റു​മാ​രെ കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത് ഷാ ​ഫോ​ണി​ൽ വി​ളി​ച്ചെ​ന്ന കോ​ണ്‍ഗ്ര​സ് ജ​ന​റ​ൽ സെ​ക്ര​ട്ട​റി ജ​യ്റാം ര​മേ​ശി​ന്‍റെ ആ​രോ​പ​ണ​ത്തി​ലാ​യി​രു​ന്നു മു​ഖ്യ​ തെ​ര​ഞ്ഞെ​ടു​പ്പു ക​മ്മീ​ഷ​ണ​റു​ടെ പ​രാ​മ​ർ​ശം.

തെ​ര​ഞ്ഞെ​ടു​പ്പി​ന്‍റെ ചു​മ​ത​ല​യു​ള്ള അ​റു​നൂ​റി​ല​ധി​കം ക​ള​ക്‌​ട​ർ​മാ​രെ സ്വാ​ധീ​നി​ക്കാ​ൻ ഷാ​യ്ക്ക് ആ​കു​മോ​യെ​ന്നും അ​ദ്ദേ​ഹം ചോ​ദി​ച്ചു. വ്യാ​ജ ആ​രോ​പ​ണ​ങ്ങ​ൾ പ്ര​ച​രി​പ്പി​ച്ചാ​ൽ ന​ട​പ​ടി സ്വീ​ക​രി​ക്കു​മെ​ന്നും അ​ദ്ദേ​ഹം മൂ​ന്ന​റി​യി​പ്പ് ന​ൽ​കി. പ്ര​തി​പ​ക്ഷ​നേ​താ​ക്ക​ളു​ടെ ആ​വ​ശ്യ​ത്തെ​ത്തു​ട​ർ​ന്ന് വോ​ട്ടെ​ണ്ണ​ൽ കേ​ന്ദ്ര​ത്തി​ൽ സി​സി​ടി​വി കാ​മ​റ​ക​ൾ സ്ഥാ​പി​ച്ചി​ട്ടു​ണ്ടെ​ന്നും അ​ദ്ദേ​ഹം വ്യ​ക്ത​മാ​ക്കി.

വോ​ട്ടിം​ഗി​ന്‍റെ ഒ​രു ഘ​ട്ട​ത്തി​ലും വാ​ർ​ത്താ​സ​മ്മേ​ള​നം ന​ട​ത്താ​തി​രു​ന്ന​തി​ന് തെ​ര​ഞ്ഞെ​ടു​പ്പു ക​മ്മീ​ഷ​നെ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ പ​രി​ഹ​സി​ച്ച​തി​നെ​യും അ​ദ്ദേ​ഹം വി​മ​ർ​ശി​ച്ചു. തെ​ര​ഞ്ഞെ​ടു​പ്പ് ക​മ്മീ​ഷ​ണ​ർ​മാ​രെ കാ​ണാ​താ​യി എ​ന്നാ​രോ​പി​ച്ച് ‘ലാ​പ​ത്ത ലേ​ഡീ​സ്’ എ​ന്ന ഹി​ന്ദി ച​ല​ച്ചി​ത്ര​ത്തെ അ​ടി​സ്ഥാ​ന​മാ​ക്കി ‘ലാ​പ​ത്ത ജെ​ന്‍റി​ൽ​മാ​ൻ’ എ​ന്ന മീം ​സ​മൂ​ഹ​മാ​ധ്യ​മ​ങ്ങ​ളി​ലൂ​ടെ പ്ര​ച​രി​ച്ചി​രു​ന്നു.

തെ​ര​ഞ്ഞെ​ടു​പ്പ് ക​മ്മീ​ഷ​ണ​ർ​മാ​ർ എ​വി​ടെ​യും പോ​യി​ട്ടി​ല്ല. വോ​ട്ടെ​ടു​പ്പി​നി​ടെ ​ക​മ്മീ​ഷ​ൻ 100 പ​ത്ര​ക്കു​റി​പ്പു​ക​ൾ ത​യാ​റാ​ക്കി ന​ൽ​കി​യി​രു​ന്നു. ക​മ്മീ​ഷ​ന്‍റെ വെ​ബ്സൈ​റ്റി​ലൂ​ടെ പോ​ളിം​ഗ് വി​വ​രം പ്ര​സി​ദ്ധീ​ക​രി​ച്ച​താ​യും രാ​ജീ​വ് കു​മാ​ർ ചൂണ്ടിക്കാണിച്ചു.

64.2 കോ​ടി പേ​ർ വോ​ട്ട് ചെ​യ്ത​തി​ൽ 31.2 കോ​ടി സ്ത്രീ​ക​ളാ​യി​രു​ന്നു. സ്ത്രീ​വോ​ട്ട​ർ​മാ​രു​ടെ പ​ങ്കാ​ളി​ത്ത​ത്തെ പ്ര​ശം​സി​ച്ച് മു​ഖ്യ തെ​ര​ഞ്ഞെ​ടു​പ്പ് ക​മ്മീ​ഷ​ണ​റും സ​ഹ ക​മ്മീ​ഷ​ണ​ർ​മാ​രാ​യ ഗ്യാ​നേ​ഷ് കു​മാ​റും സു​ഖ്ബീ​ർ​സിം​ഗ് സ​ന്ധു​വും വേ​ദി​യി​ലും സ​ദ​സി​ലു​മു​ള്ള​വ​രും എ​ഴു​ന്നേ​റ്റു നി​ന്ന് ക​ര​ഘോ​ഷം മു​ഴ​ക്കി.

രാ​ജ്യ​ത്തെ എ​ല്ലാ സ്ഥ​ല​ത്തു​മെ​ത്തി പോ​ളിം​ഗ് സാ​ധ്യ​മാ​ക്കി. ജ​മ്മു-​കാ​ഷ്മീ​രി​ലും മ​ണി​പ്പു​രി​ലും മി​ക​ച്ച പോ​ളിം​ഗ് രേ​ഖ​പ്പെ​ടു​ത്തി. പ​ശ്ചി​മ​ബം​ഗാ​ളി​ല​ട​ക്കം ഒ​റ്റ​പ്പെ​ട്ട ആ​ക്ര​മ​ണ​ങ്ങ​ളാ​ണ് ഉ​ണ്ടാ​യ​ത്. പൊ​തു​വി​ൽ തെ​ര​ഞ്ഞെ​ടു​പ്പ് സ​മാ​ധ​ാന​പ​ര​മാ​യി​രു​ന്നു- മു​ഖ്യ തെ​ര​ഞ്ഞെ​ടു​പ്പ് ക​മ്മീ​ഷ​ണ​ർ വി​ശ​ദീ​ക​രി​ച്ചു.

താ​ര​പ്ര​ചാ​ര​ക​രെ നി​യ​ന്ത്രി​ക്കാ​ൻ പാ​ർ​ട്ടി​ക​ൾ​ക്ക് നി​ർ​ദേ​ശം ന​ൽ​കി​യി​രു​ന്നു. ഇ​തു​മാ​യി ബ​ന്ധ​പ്പെ​ട്ട് ല​ഭി​ച്ച പ​രാ​തി​ക​ളി​ൽ 90 ശ​ത​മാ​ന​വും തീ​ർ​പ്പാ​ക്കി. ഉ​ന്ന​ത​നേ​താ​ക്ക​ൾ​ക്കെ​തി​രേ വ​രെ കേ​സെ​ടു​ത്തു. നേ​താ​ക്ക​ൾ എ​ത്തി​യ ഹെ​ലി​കോ​പ്റ്റ​റു​ക​ളി​ൽ വ​രെ പ​രി​ശോ​ധ​ന ന​ട​ത്തി. പെ​രു​മാ​റ്റ​ച്ച​ട്ടം നി​ല​വി​ൽ വ​ന്ന​തി​നു​ശേ​ഷം അ​ന​ധി​കൃ​ത​മാ​യി ക​ട​ത്താ​ൻ ശ്ര​മി​ച്ച 1,054 കോ​ടി രൂ​പ പി​ടി​ച്ചെ​ടു​ത്തു. ആ​കെ പ​തി​നാ​യി​രം കോ​ടി രൂ​പ മൂ​ല്യ​മു​ള്ള സാ​ധ​ന​ങ്ങ​ളും 4,391 കോ​ടി രൂ​പ​യു​ടെ മ​യ​ക്കു​മ​രു​ന്നും പി​ടി​കൂ​ടി.

സൂ​റ​ത്തി​ലും ഇ​ൻ​ഡോ​റി​ലും എ​തി​രി​ല്ലാ​ത്ത​തി​നാ​ൽ ബി​ജെ​പി സ്ഥാ​നാ​ർ​ഥി​ക​ളെ വി​ജ​യി​യാ​യി പ്ര​ഖ്യാ​പി​ച്ച​തി​ൽ നി​യ​മ​ത​ട​സ​മി​ല്ലേ​യെ​ന്ന ചോ​ദ്യ​ത്തി​ന്, ജ​ന​പ്രാ​തി​നി​ധ്യ നി​യ​മ​പ്ര​കാ​രം നാ​മ​നി​ർ​ദേ​ശ​പ​ത്രി​ക സ​മ​ർ​പ്പി​ച്ച​ശേ​ഷം മ​റ്റു സ്ഥാ​നാ​ർ​ഥി​ക​ൾ പ​ത്രി​ക പി​ൻ​വ​ലി​ച്ചാ​ൽ നി​ല​വി​ലു​ള്ള​യാ​ളെ വി​ജ​യി​യാ​യി പ്ര​ഖ്യാ​പി​ക്കു​മെ​ന്നാ​യി​രു​ന്നു ക​മ്മീ​ഷ​ണ​റു​ടെ മ​റു​പ​ടി. ത​പാ​ൽ ബാ​ല​റ്റു​ക​​ളു​ടെ എ​ണ്ണം കൂ​ടി. അ​തി​നാ​ലാ​ണ് എ​ണ്ണു​ന്ന​തി​ൽ താ​മ​സം വ​രു​ന്ന​ത്.

ഈ ​തെ​ര​ഞ്ഞെ​ടു​പ്പി​ൽ​നി​ന്ന് ചി​ല​തു പ​ഠി​ക്കാ​ൻ സാ​ധി​ച്ച​താ​യും മു​ഖ്യ​തെ​ര​ഞ്ഞെ​ടു​പ്പു ക​മ്മീ​ഷ​ണ​ർ പ​റ​ഞ്ഞു. ഒ​രു മാ​സംകൊ​ണ്ട് തെ​ര​ഞ്ഞെ​ടു​പ്പ് പൂ​ർ​ത്തി​യാ​ക്ക​ണം. അ​ത്യു​ഷ്ണ​സ​മ​യ​ത്ത് തെ​ര​ഞ്ഞെ​ടു​പ്പ് ന​ട​ത്തി​യ​ത് ചി​ല പ്ര​ശ്ന​ങ്ങ​ൾ സൃ​ഷ്‌​ടി​ച്ചു.

വ്യാ​ജ​പ്ര​ചാ​ര​ണം ത​ട​യു​ന്ന​തി​നു​ള്ള മാ​ർ​ഗം സ്വീ​ക​രി​ക്ക​ണം. ഭീ​ക​രാ​ക്ര​മ​ണം പോ​ലെ​യു​ള്ള​വ ത​ട​യു​ന്ന​തി​നു​ള്ള മാ​ർ​ഗ​വും സ്വീ​ക​രി​ക്ക​ണം. തി​ങ്ക​ൾ, വെ​ള്ളി ദി​വ​സ​ങ്ങ​ളി​ൽ വോ​ട്ടിം​ഗ് പാ​ടി​ല്ല. ഇ​തു സ​ർ​ക്കാ​ർ ഓ​ഫീ​സു​ക​ളു​ടെ പ്ര​വ​ർ​ത്ത​ന​ത്തെ പ്ര​തി​കൂ​ല​മാ​യി ബാ​ധി​ച്ചെ​ന്നും അ​ദ്ദേ​ഹം പ​റ​ഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.