കഴിഞ്ഞ ലോക്സഭാ തെരഞ്ഞെടുപ്പിൽ 16 സംസ്ഥാനങ്ങളിലും ഒരു കേന്ദ്രഭരണ പ്രദേശത്തുമായി 108 പൊതുയോഗങ്ങളിലും റോഡ്ഷോകളിലും പ്രിയങ്ക പങ്കെടുത്തിരുന്നു. വയനാടിനെ സംബന്ധിച്ചും പ്രിയങ്ക പുതുമുഖമല്ല. രാഹുലിനൊപ്പം 2019 ലും 2024 ലും തെരഞ്ഞെടുപ്പ് പ്രചാരണങ്ങളിൽ സജീവമായിരുന്നു.
അതിയായ സന്തോഷം: പ്രിയങ്ക ഗാന്ധി വയനാടിനെ പ്രതിനിധീകരിക്കാൻ കഴിയുന്നതിൽ അതിയായ സന്തോഷമുണ്ട്. രാഹുൽ ഗാന്ധിയുടെ അഭാവം വയനാട്ടുകാരെ അനുഭവിപ്പിക്കില്ല. ഞാൻ കഠിനാധ്വാനം ചെയ്യും. എല്ലാവരേയും സന്തോഷിപ്പിക്കാനും ഒരു നല്ല പ്രതിനിധിയാകാനും ശ്രമിക്കും.
റായ്ബറേലിയുമായും അമേഠിയുമായും എനിക്ക് അഭേദ്യമായ ബന്ധമുണ്ട്. അതു തകർക്കാൻ കഴിയില്ല. റായ്ബറേലിയിലെ തന്റെ സഹോദരനെയും സഹായിക്കും. തങ്ങൾ രണ്ടുപേരും റായ്ബറേലിയിലും വയനാട്ടിലും ഉണ്ടാകും.