ഭാര്യയുടെ മരണം: ആസാം ആഭ്യന്തര സെക്രട്ടറി ജീവനൊടുക്കി
Wednesday, June 19, 2024 1:32 AM IST
ഗോഹട്ടി: ആസാം ആഭ്യന്തര സെക്രട്ടറിയും ഐപിഎസ് ഉദ്യോഗസ്ഥനുമായ ഷിലാദിത്യ ചെടിയ (44) ജീവനൊടുക്കി.
ഭാര്യയുടെ വേർപാടിൽ മനംനൊന്ത് ഗോഹട്ടിയിലെ സ്വകാര്യ ആശുപത്രി മുറിയിൽ ഇയാൾ ഇന്നലെ പുലർച്ചെ സ്വയം വെടിവച്ച് മരിക്കുകയായിരുന്നു. അർബുദബാധിതയായിരുന്ന ഭാര്യയുടെ ചികിത്സാർത്ഥം ഷിലാദിത്യ നാലു മാസമായി അവധിയിലായിരുന്നു.
രോഗം മൂർച്ഛിച്ച ഭാര്യ ഇന്നലെ പുലർച്ചെ 4.30നാണ് സ്വകാര്യ ആശുപത്രിയിൽ മരിച്ചത്. വിവരമറിഞ്ഞ ഷിലാദിത്യ മുറിയിലെത്തി സ്വയം നിറയൊഴിക്കുകയായിരുന്നു.
2009 ബാച്ച് ആസാം കേഡർ ഐപിഎസ് ഓഫീസറാണ്. വിവരമറിഞ്ഞ് ഡിജിപിയുൾപ്പെടെ ഉന്നത പോലീസ് ഓഫീസർമാർ ആശുപത്രിയിലെത്തി.