ആമസോണ്‍ പാഴ്സലിൽ ജീവനുള്ള മൂർഖൻ! : Deepika.com National News |

Click here for detailed news of all items

ആമസോണ്‍ പാഴ്സലിൽ ജീവനുള്ള മൂർഖൻ!

Thursday, June 20, 2024 2:38 AM IST

ബംഗളൂരു: ഓണ്‍ലൈൻ ഷോപ്പിംഗ് സൈറ്റായ ആമസോണിൽനിന്നു ഗെയിം കണ്‍ട്രോളർ ഓർഡർ ചെയ്ത ദന്പതികൾക്കു കിട്ടിയത് ജീവനുള്ള മൂർഖൻ പാന്പ്! ബംഗളൂരുവിൽ താമസിക്കുന്ന സർജാപുർ സ്വദേശികളായ ഐടി പ്രഫഷണലുകൾക്കാണ് പാന്പിനെ ലഭിച്ചത്. രണ്ടു ദിവസം മുന്പാണ് ഇവർ ആമസോണിൽനിന്ന് എക്സ്ബോക്സ് കണ്‍ട്രോളർ ഓർഡർ ചെയ്തത്.

കഴിഞ്ഞ ദിവസം പാഴ്സൽ ഡെലിവറി ഏജന്‍റ് നേരിട്ടു കൈമാറി. തുടർന്ന് പാഴ്സലിന്‍റെ കവർ പൊട്ടിച്ചപ്പോഴാണ് മൂർഖൻ പാന്പിനെ കണ്ടു ഞെട്ടിയത്. വിഷമുള്ള പാന്പ് പാക്കേജിംഗ് ടേപ്പിൽ കുടുങ്ങിയതിനാൽ അപകടമുണ്ടായില്ലെന്ന് ദന്പതികൾ പറയുന്നു. “ആമസോണിൽനിന്നു പണം മുഴുവൻ തിരികെ ലഭിച്ചു.

എന്നാൽ, ഉഗ്രവിഷമുള്ള പാന്പ് ഞങ്ങളെ കടിക്കുകയോ എന്തെങ്കിലും സംഭവിക്കുകയും ചെയ്തിരുന്നുവെങ്കിൽ, ആര് ഉത്തരവാദിത്വം പറയും? ഇത് ആമസോണിന്‍റെ അശ്രദ്ധയും മോശം സർവീസും മൂലം സംഭവിച്ച സുരക്ഷാലംഘനമാണ്”- ദന്പതികൾ സോഷ്യൽ മീഡിയയിൽ കുറിച്ചു.

ആമസോണ്‍ ഓർഡറുമായി ബന്ധപ്പെട്ട് ഉപയോക്താവിനുണ്ടായ അസൗകര്യത്തിൽ ഖേദം പ്രകടിപ്പിക്കുന്നുവെന്ന് ആമസോണ്‍ അധികൃതർ പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.