മണിപ്പുരിൽ കലാപകാരികൾ പിടിയിൽ
Wednesday, June 19, 2024 2:05 AM IST
ഇംഫാൽ: മണിപ്പുരിലെ തെങ്നോപാലിൽ മൂന്നു കലാപകാരികളെ പോലീസ് പിടികൂടി. കാങ്പോക്പിയിൽനിന്ന് ആയുധങ്ങളും വെടിക്കോപ്പുകളും പിടിച്ചെടുത്തതായും മണിപ്പുർ പോലീസ് അറിയിച്ചു.
ഇംഫാൽ താഴ്വര കേന്ദ്രീകരിച്ചു പ്രവർത്തിക്കുന്ന കലാപകാരികളെയാണ് തെങ്നോപാലിലെ ലാംലോംഗിൽനിന്ന് പോലീസ് പിടികൂടിയത്.
കാങ്പോക്പിയിലെ ഗഞ്ച്പിഗഞ്ചിൽ നിന്നാണ് ആയുധങ്ങളും വെടിക്കോപ്പുകളും പിടിച്ചെടുത്തത്. സംഘർഷാവസ്ഥ നിലനിൽക്കുന്ന ജിരിബാമിൽ ആസാമിലെയും മണിപ്പുരിലെയും പോലീസ് സംഘം പരിശോധന നടത്തി.
അതിർത്തി ജില്ലയിലെന്പാടും പട്രോളിംഗ് ശക്തിപ്പെടുത്തായതായും പോലീസ് അറിയിച്ചു.