സന്ദേശ്ഖലി അക്രമം: മുഖ്യമന്ത്രി ഇടപെടണമെന്ന് ഗവർണർ : Deepika.com National News |

Click here for detailed news of all items

സന്ദേശ്ഖലി അക്രമം: മുഖ്യമന്ത്രി ഇടപെടണമെന്ന് ഗവർണർ

Monday, June 3, 2024 3:59 AM IST

കൊൽക്കത്ത: പശ്ചിമബംഗാളിലെ സന്ദേശ്ഖലിയിൽ തെരഞ്ഞെടുപ്പിനുശേഷം നടന്ന അക്രമസംഭവങ്ങൾ ആശങ്കാജനകമാണെന്നു ഗവർണർ സി.വി. ആനന്ദബോസ്.

സമാധാനം പുനഃസ്ഥാപിക്കാൻ മുഖ്യമന്ത്രി മമത ബാനർജി അടിയന്തരമായി ഇടപെടണമെന്നും ഗവർണർ ആവശ്യപ്പെട്ടു. ശനിയാഴ്ച വോട്ടെടുപ്പ് പൂർത്തിയായി മണിക്കൂറുകൾക്കുള്ളിൽ സ്ത്രീക്കു നേരേ അക്രമം നടന്നുവെന്നതിന്‍റെ വിവരം ലഭിച്ചു. പ്രശ്നത്തിൽ മുഖ്യമന്ത്രി സ്വീകരിക്കേണ്ട നടപടികൾ അറിയിച്ചിട്ടുണ്ട്.

അക്രമം തുടർന്നാൽ രാജ്ഭവന്‍റെ വാതിലുകൾ ഇരകൾക്കായി തുറന്നിടും. മതിയായ സംരക്ഷണം ഒരുക്കുമെന്നും ഗവർണർ പറഞ്ഞു. തെരഞ്ഞെടുപ്പിന്‍റെ തലേന്ന് പോലീസിനെതിരേ ആക്രമണം നടന്നുവെന്നാരോപിച്ചാണ് വോട്ടെടുപ്പ് ദിവസം രാത്രി സന്ദേശ്ഖലിയിൽ പോലീസ് സംഘം ഒരാളെ അറസ്റ്റ് ചെയ്യാനൊരുങ്ങിയത്. ഇതേത്തുടർന്ന് സ്ത്രീകളും പോലീസും തമ്മിൽ വാക്കേറ്റമായി. സന്ദേശ്ഖലിയിലെ അഗർഹാത്തിയിൽ ദ്രുതകർമസേനാംഗങ്ങളെ സ്ത്രീകൾ തടയുകയായിരുന്നു. പ്രതിഷേധക്കാർ റോഡ് ഉപരോധിക്കുകയും ചെയ്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.