എഡിഎം നവീൻ ബാബുവിന്റെ മരണം; അന്വേഷണ റിപ്പോർട്ട് വൈകുന്നു
Thursday, October 24, 2024 3:11 AM IST
തിരുവനന്തപുരം: കണ്ണൂർ എഡിഎം നവീൻബാബുവിന്റെ മരണവുമായി ബന്ധപ്പെട്ട് വകുപ്പ്തല അന്വേഷണം നടത്തുന്ന ലാൻഡ് റവന്യൂ ജോയിന്റ് കമ്മീഷണർ എ.ഗീതയുടെ റിപ്പോർട്ട് വൈകുന്നു. അന്വേഷണ റിപ്പോർട്ട് ഇന്നലെ വൈകുന്നേരം വരെ കൈമാറിയിട്ടില്ല.
മന്ത്രിസഭായോഗം ഉണ്ടായിരുന്നതിനാൽ ഇന്നലെ റവന്യൂവകുപ്പ് മന്ത്രി കെ.രാജൻ തലസ്ഥാനത്തുണ്ടായിരുന്നു. അന്വേഷണ റിപ്പോർട്ട് റവന്യൂ വകുപ്പ് പ്രിൻസിപ്പൽ സെക്രട്ടറി ടിങ്കുബിസ്വാളിന് കൈമാറാനാണ് നിർദേശം.
റിപ്പോർട്ട് പഠിച്ചശേഷം പ്രിൻസിപ്പൽ സെക്രട്ടറിയുടെ ശിപാർശ കുറിപ്പോടു കൂടിയാകും മന്ത്രിക്ക് ലഭിക്കുക. റവന്യൂവകുപ്പ് ഉദ്യോഗസ്ഥരുടെ ഭാഗത്ത് വീഴ്ചയുണ്ടായിട്ടുണ്ടോ എന്നതാണ് പ്രധാനമായും അന്വേഷിക്കുന്നത്.