ഇടതുപക്ഷക്കാർ ഷാഫിക്കു വോട്ടു ചെയ്തെന്ന് എ.കെ. ബാലൻ
Thursday, October 24, 2024 2:09 AM IST
പാലക്കാട്: 2021 നിയമസഭാ തെരഞ്ഞെടുപ്പിൽ ഇടതുപക്ഷക്കാർ ഷാഫി പറന്പിലിനു വോട്ടു ചെയ്തുവെന്ന ഡോ. പി. സരിന്റെ അഭിപ്രായം ആവർത്തിച്ച് സിപിഎം കേന്ദ്ര കമ്മിറ്റിയംഗം എ.കെ. ബാലൻ.
സരിൻ പറഞ്ഞതിൽ ഒരു അപകടവുമില്ല. സിപിഎമ്മിന്റെയോ എൽഡിഎഫ് ഘടകകക്ഷികളുടേതോ അല്ലാത്ത ഒരുവിഭാഗം വോട്ട് ഞങ്ങൾക്കുണ്ട്.
ആ വോട്ടിന്റെ ഒരുഭാഗം കോണ്ഗ്രസിലേക്കു പോയി. ബിജെപി ജയിക്കാൻ പാടില്ല എന്നുള്ളതുകൊണ്ടാണ് ഇങ്ങനെയുണ്ടായതെന്നും എ.കെ. ബാലൻ പറഞ്ഞു. സരിൻ പറഞ്ഞത്, അത് നൂറു ശതമാനം ശരിയാണെന്ന് ബാലൻ കൂട്ടിച്ചേർത്തു.