മുനന്പം സമരത്തിൽ കൈകോർത്ത് കത്തോലിക്ക കോൺഗ്രസ്
Wednesday, October 23, 2024 2:15 AM IST
കൊച്ചി: ഉപതെരഞ്ഞെടുപ്പിനു മുന്പ് മുനമ്പം ജനതയോട് വഖഫ് വിഷയത്തിൽ നിലപാട് പറയാൻ രാഷ്ട്രീയപാർട്ടികൾ തയാറാകണമെന്നു കത്തോലിക്ക കോൺഗ്രസ് ഗ്ലോബൽ സമിതി.
റവന്യു അവകാശങ്ങൾ നിഷേധിക്കപ്പെടുന്നതിനെതിരേ പ്രദേശവാസികൾ നടത്തുന്ന അനിശ്ചിതകാല നിരാഹാരസമരത്തിന് ഐക്യദാർഢ്യമറിയിച്ച് കത്തോലിക്ക കോൺഗ്രസ് ഗ്ലോബൽ സമിതി ഭാരവാഹികൾ മുനന്പം സന്ദർശിച്ചു.
വഖഫ് നിയമത്തിൽ കേന്ദ്രസർക്കാർ കൊണ്ടുവന്നിരിക്കുന്ന ഭേദഗതി അനിവാര്യവും സ്വാഗതാർഹവുമാണ്. മുനമ്പം പ്രദേശത്തെ പ്രശ്നങ്ങളിൽ താത്കാലികമായ ഒത്തുതീർപ്പ് ഉണ്ടായാലും പിന്നീട് ഇത് ആവർത്തിക്കില്ലെന്ന് ഉറപ്പാക്കാൻ നിയമ ഭേദഗതി അനിവാര്യമാണ്.
അധ്വാനിച്ചുണ്ടാക്കിയ പണം കൊടുത്തു വാങ്ങിയ ഭൂമിയുടെ അവകാശത്തിനായി പോരാടുന്ന മുനമ്പം നിവാസികൾക്കു കത്തോലിക്ക കോൺഗ്രസിന്റെ പൂർണ പിന്തുണയുണ്ടാകുമെന്നും ഭാരവാഹികൾ അറിയിച്ചു.
ഗ്ലോബൽ ജനറൽ സെക്രട്ടറി ഡോ. ജോസ്കുട്ടി ജെ. ഒഴുകയിൽ, വൈസ് പ്രസിഡന്റുമാരായ പ്രഫ. കെ.എം. ഫ്രാൻസിസ്, ബെന്നി ആന്റണി, സെക്രട്ടറി പത്രോസ് വടക്കുംചേരി, ഡേവിസ് ഊക്കൻ, ഡെന്നി തെക്കിനേടത്ത്, ജയ്മോൻ തൊട്ടുപുറം, ജിന്നറ്റ് പരിയാരം, മുനമ്പം സമരസമിതി കൺവീനർ ജോസഫ് ബെന്നി തുടങ്ങിയവർ പ്രസംഗിച്ചു.