കേന്ദ്ര സർക്കാർ തിടുക്കപ്പെട്ട് സവാളക്കയറ്റുമതിക്കു നിരോധനമേർപ്പെടുത്തിയതിനെതിരേ മഹാരാഷ്ട്രയിൽ കർഷകർ പ്രതിഷേധത്തിലാണ്. നാസിക്കിലെ ദേവ്ലയിൽ നിരോധനമേർപ്പെടുത്തിയുള്ള കേന്ദ്ര വിജ്ഞാപനത്തിന്റെ പകർപ്പ് കർഷകർ കത്തിച്ചു. വിഞ്ചൂറിൽ പ്രതിഷേധിച്ച കർഷകർ ഛത്രപതി സംഭാജിനഗർ ദേശീയപാത ഉപരോധിച്ചു.
ബംഗ്ലാദേശിൽ ഇരുട്ടിവെളുത്തപ്പോൾ വില ഇരട്ടി ഇന്ത്യയിൽനിന്നുള്ള കയറ്റുമതി നിരോധനത്തെത്തുടർന്ന് അയൽരാജ്യമായ ബംഗ്ലാദേശിൽ സവാളവില ഇരട്ടിയായി. നിൽഫാമരിയിലെ മൊത്തവിൽപ്പനകേന്ദ്രത്തിൽ ഒരു കിലോഗ്രാം സവാളയ്ക്ക് 70-80 ബംഗ്ലാദേശി ടാക്ക വരെ വില വർധിച്ചു. നിലവിൽ 180-200 ബംഗ്ലാദേശി ടാക്കയാണ് ഒരു കിലോഗ്രാം സവാളയ്ക്കു മൊത്തവില്പന വിപണിയിലെ വില. ചില്ലറവിപണിയിൽ ഇത് 210-220 ബംഗ്ലാദേശി ടാക്ക വരെയാകും.