15 ലക്ഷം കുടുംബങ്ങള്‍ക്കു സഹകരണ ഓണം വിപണിയിലൂടെ നേരിട്ട് പ്രയോജനം ലഭിക്കുമെന്നും കണ്‍സ്യൂമര്‍ ഫെഡ് ചെയര്‍മാന്‍ എം. മെഹബൂബ് പറഞ്ഞു. ഓണച്ചന്തയുടെ സംസ്ഥാനതല ഉദ്ഘാടനം ആറിന് തിരുവനന്തപുരത്ത് മുഖ്യമന്ത്രി പിണറായി വിജയന്‍ നിര്‍വഹിക്കും. സഹകരണമന്ത്രി വി.എന്‍. വാസവന്‍ അധ്യക്ഷത വഹിക്കും.
എറണാകുളം പ്രസ്‌ക്ലബില്‍ നടന്ന പത്രസമ്മേളനത്തില്‍ എംഡി എം. സലിം, വൈസ്‌ചെയര്‍മാന്‍ അഡ്വ. ഇസ്മയില്‍, പര്‍ച്ചേസ് മാനേജര്‍ ദിനേശ്‌ലാല്‍, ഭരണവിഭാഗം മാനേജര്‍ ശ്യാം എന്നിവരും പങ്കെടുത്തു.