ഹെവിയാണ്!
ഹെവി-ഡ്യൂട്ടി സ്റ്റെയിൻലെസ് സ്റ്റീൽ ബോഡി ഘടനയുള്ള വാഹനമാണു സൈബർ ട്രക്ക്. വാഹനത്തിന്റെ മൊത്തഭാരം 3.1 ടണ്ണാണ്. അതുകൊണ്ടുതന്നെ യൂറോപ്യൻ രാജ്യങ്ങളിൽ ഉടൻ സൈബർട്രക്ക് എത്താനിടയില്ലെന്നും റിപ്പോർട്ടുകളുണ്ട്.
വാഹനത്തിന്റെ ഉടമയെ തിരിച്ചറിഞ്ഞ് സെൻസർ സംവിധാനത്തിന്റെ സഹായത്തോടെ സ്വയം പ്രവർത്തിക്കും. കാബിനിൽ 17 ഇഞ്ച് ടച്ച് സ്ക്രീനുള്ള വാഹനത്തിൽ ആറു പേർക്കു സഞ്ചരിക്കാം. പിൻസീറ്റ് യാത്രക്കാർക്കായി 9.4 ഇഞ്ച് ടച്ച് സ്ക്രീനുണ്ട്. വെറും 2.9 സെക്കൻഡിൽ പൂജ്യത്തിൽനിന്ന് 100 കിലോമീറ്റർ വേഗം കൈവരിക്കുന്ന വാഹനത്തിന്, സിംഗിൾ ചാർജിൽ 547 കിലോമീറ്റർ ഡ്രൈവിംഗ് റേഞ്ച് ലഭിക്കുമെന്നാണു കന്പനിയുടെ വാഗ്ദാനം. വേരിയന്റിന് അനുസരിച്ച് ഇതു വ്യത്യാസപ്പെടും.
ബോണ്ടിന്റെ ബന്ധു 1977ൽ പുറത്തിറങ്ങിയ ജെയിംസ് ബോണ്ട് സിനിമയായ ‘ദി സ്പൈ ഹൂ ലവ്ഡ് മീ’ എന്ന ചിത്രത്തിൽ ഉപയോഗിച്ചിട്ടുള്ള അന്തർവാഹിനി കാറിൽനിന്നു ഭാഗികമായി പ്രചോദനം ഉൾക്കൊണ്ടതാണു സൈബർട്രക്ക്. ലോട്ടസ് എസ്പ്രിറ്റ് എന്ന കാറിന്റെ മോഡിഫൈഡ് വേർഷനാണ് സിനിമയിൽ ഉപയോഗിച്ചത്. 1976 മുതൽ 2004 വരെ ലോട്ടസ് എസ്പ്രിറ്റ് നിർമിച്ചിരുന്നു.