National News
പ്ര​വ​ർ​ത്ത​കസ​മി​തി പ്ര​മേ​യം: രാഹുൽ നയിക്കണം; സോണിയ വീണ്ടും സിപിപി അധ്യക്ഷ
പ്ര​വ​ർ​ത്ത​കസ​മി​തി പ്ര​മേ​യം: രാഹുൽ നയിക്കണം; സോണിയ വീണ്ടും സിപിപി അധ്യക്ഷ
Sunday, June 9, 2024 1:09 AM IST
ജോ​ർ​ജ് ക​ള്ളി​വ​യ​ലി​ൽ

ന്യൂ​ഡ​ൽ​ഹി: കോ​ണ്‍ഗ്ര​സ് മു​ൻ അ​ധ്യ​ക്ഷ​ൻ രാ​ഹു​ൽ ഗാ​ന്ധി​യെ ലോ​ക്സ​ഭ​യി​ലെ പ്ര​തി​പ​ക്ഷ നേ​താ​വാ​ക്കാ​നു​ള്ള പ്ര​മേ​യം പ്ര​വ​ർ​ത്ത​ക സ​മി​തി പാ​സാ​ക്കി. കോ​ണ്‍ഗ്ര​സ് പാ​ർ​ല​മെ​ന്‍റ​റി പാ​ർ​ട്ടി (സി​പി​പി) അ​ധ്യ​ക്ഷ​യാ​യി സോ​ണി​യ ഗാ​ന്ധി​യെ വീ​ണ്ടും ലോ​ക്സ​ഭ​യി​ലെ​യും രാ​ജ്യ​സ​ഭ​യി​ലെ​യും പാ​ർ​ട്ടി എം​പി​മാ​രു​ടെ യോ​ഗം തെ​ര​ഞ്ഞെ​ടു​ത്തു.

പ്ര​തി​പ​ക്ഷ​നേ​താ​വി​നെ അ​ട​ക്കം പാ​ർ​ല​മെ​ന്‍റി​ലെ കോ​ണ്‍ഗ്ര​സി​ന്‍റെ ഭാ​ര​വാ​ഹി​ക​ളെ ചെ​യ​ർ​പേ​ഴ്സ​ണാ​യ സോ​ണി​യ​യാ​ണു നി​യ​മി​ക്കു​ക. പ്ര​തി​പ​ക്ഷ നേ​തൃ​സ്ഥാ​നം ഏ​റ്റെ​ടു​ക്ക​ണ​മെ​ന്ന കോ​ണ്‍ഗ്ര​സ് എം​പി​മാ​രു​ടെ​യും വി​ശാ​ല പ്ര​വ​ർ​ത്ത​ക സ​മി​തി​യു​ടെ​യും ആ​വ​ശ്യം രാ​ഹു​ൽ അം​ഗീ​ക​രി​ച്ചേ​ക്കു​മെ​ന്നാ​ണു സൂ​ച​ന.

പ്ര​തി​പ​ക്ഷ നേ​തൃ​സ്ഥാ​ന​ത്തി​ന്‍റെ കാ​ര്യ​ത്തി​ലും റാ​യ്ബ​റേ​ലി, വ​യ​നാ​ട് മ​ണ്ഡ​ല​ങ്ങ​ളി​ൽ ഏ​തു നി​ല​നി​ർ​ത്ത​ണ​മെ​ന്ന​തി​ലും വൈ​കാ​തെ രാ​ഹു​ൽ തീ​രു​മാ​ന​മെ​ടു​ക്കു​മെ​ന്ന് എ​ഐ​സി​സി​യു​ടെ സം​ഘ​ട​നാ​ചു​മ​ത​ല​യു​ള്ള ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ൽ അ​റി​യി​ച്ചു.

ലോ​ക്സ​ഭ​യി​ലെ പ്ര​തി​പ​ക്ഷ നേ​താ​വി​ന്‍റെ ഉ​ത്ത​ര​വാ​ദി​ത്വം ഏ​റ്റെ​ടു​ക്കാ​ൻ രാ​ഹു​ൽ ഗാ​ന്ധി​യോ​ട് പ്ര​വ​ർ​ത്ത​ക സ​മി​തി യോ​ഗം ഏ​ക​ക​ണ്ഠ​മാ​യി അ​ഭ്യ​ർ​ഥി​ച്ചു​വെ​ന്ന് വേ​ണു​ഗോ​പാ​ൽ പ​റ​ഞ്ഞു.

പ​ഴ​യ പാ​ർ​ല​മെ​ന്‍റ് മ​ന്ദി​ര​ത്തി​ലെ സെ​ൻ​ട്ര​ൽ ഹാ​ളി​ൽ ഇ​ന്ന​ലെ ന​ട​ന്ന എം​പി​മാ​രു​ടെ യോ​ഗ​മാ​ണ് സോ​ണി​യ​യെ വീ​ണ്ടും സി​പി​പി അ​ധ്യ​ക്ഷ​യാ​യി ഐ​ക​ക​ണ്ഠ്യേ​ന തെ​ര​ഞ്ഞെ​ടു​ത്ത​ത്. നി​ല​വി​ൽ രാ​ജ്യ​സ​ഭാം​ഗ​മാ​ണു സോ​ണി​യ. രാ​ജ്യ​സ​ഭ​യി​ലെ പ്ര​തി​പ​ക്ഷ നേ​താ​വു​കൂ​ടി​യാ​യ കോ​ണ്‍ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ​യാ​ണ് സോ​ണി​യ​യു​ടെ പേ​രു നി​ർ​ദേ​ശി​ച്ച​ത്. കെ​പി​സി​സി പ്ര​സി​ഡ​ന്‍റ് കെ. ​സു​ധാ​ക​ര​ൻ, താ​രി​ഖ് അ​ൻ​വ​ർ, ഗൗ​ര​വ് ഗൊ​ഗോ​യ് എ​ന്നി​വ​ർ പി​ന്തു​ണ​ച്ചു.

ഡ​ൽ​ഹി​യി​ലെ അ​ശോ​ക ഹോ​ട്ട​ലി​ൽ ന​ട​ന്ന കോ​ണ്‍ഗ്ര​സ് പ്ര​വ​ർ​ത്ത​കസ​മി​തി​യാ​ണ് ലോ​ക്സ​ഭ​യി​ലെ പ്ര​തി​പ​ക്ഷ നേ​തൃ​ത്വം ഏ​റ്റെ​ടു​ക്ക​ണ​മെ​ന്ന് രാ​ഹു​ലി​നോ​ട് അ​ഭ്യ​ർ​ഥി​ക്കു​ന്ന പ്ര​മേ​യം ഏ​ക​ക​ണ്ഠ​മാ​യി പാ​സാ​ക്കി​യ​ത്. 175 പേ​ർ വി​ശാ​ല പ്ര​വ​ർ​ത്ത​ക സ​മി​തി യോ​ഗ​ത്തി​ൽ പ​ങ്കെ​ടു​ത്തു. പി​ന്നീ​ട് ന​ട​ന്ന സി​പി​പി യോ​ഗ​ത്തി​ലും എം​പി​മാ​ർ ഇ​തേ​യാ​വ​ശ്യം ഉ​ന്ന​യി​ച്ചു.

സോ​ണി​യ​യ്ക്കും ഖാ​ർ​ഗെ​യ്ക്കും പു​റ​മെ രാ​ഹു​ൽ ഗാ​ന്ധി​യും പ്രി​യ​ങ്ക ഗാ​ന്ധി വ​ദ്ര​യും പ്ര​വ​ർ​ത്ത​ക​സി​മി​തി, സി​പി​പി യോ​ഗ​ങ്ങ​ളി​ൽ പ​ങ്കെ​ടു​ത്തു. തെ​ര​ഞ്ഞെ​ടു​പ്പു​ഫ​ലം വ​ന്ന​ശേ​ഷം ബു​ധ​നാ​ഴ്ച ഡ​ൽ​ഹി​യി​ൽ ന​ട​ന്ന പ്ര​തി​പ​ക്ഷ ഇ​ന്ത്യ സ​ഖ്യം യോ​ഗ​ത്തി​നെ​ത്തി​യ നേ​താ​ക്ക​ളും രാ​ഹു​ലി​നോ​ട് പ്ര​തി​പ​ക്ഷ നേ​തൃ​സ്ഥാ​നം ഏ​റ്റെ​ടു​ക്ക​ണ​മെ​ന്ന് അ​ഭ്യ​ർ​ഥി​ച്ചി​രു​ന്നു.

പ്ര​ധാ​ന​മ​ന്ത്രി മോ​ദി​ക്കും കേ​ന്ദ്ര​സ​ർ​ക്കാ​രി​നു​മെ​തി​രേ പാ​ർ​ല​മെ​ന്‍റി​ലും പു​റ​ത്തും രാ​ഹു​ൽ നേ​രി​ട്ടു പോ​രാ​ട്ടം ന​യി​ക്ക​ണ​മെ​ന്ന് പ്ര​തി​പ​ക്ഷ​വും കോ​ണ്‍ഗ്ര​സ് നേ​താ​ക്ക​ളും എം​പി​മാ​രും ഒ​ന്ന​ട​ങ്കം ആ​വ​ശ്യ​പ്പെ​ട്ട​തി​നാ​ൽ രാ​ഹു​ൽ പ​ദ​വി സ്വീ​ക​രി​ച്ചേ​ക്കു​മെ​ന്നാ​ണ് ക​രു​തു​ന്ന​ത്.

മ​ഹാ​രാ​ഷ്‌​ട്ര​യി​ലെ സാം​ഗ്ലി​യി​ൽ കോ​ണ്‍ഗ്ര​സ് വി​മ​ത​നാ​യി മ​ത്സ​രി​ച്ചു ജ​യി​ച്ച വി​ശാ​ൽ പ​ട്ടേ​ൽ രേ​ഖാ​മൂ​ലം കോ​ണ്‍ഗ്ര​സി​ന് പി​ന്തു​ണ അ​റി​യി​ച്ച​തോ​ടെ ഫ​ല​ത്തി​ൽ പാ​ർ​ട്ടി​ക്ക് 100 എം​പി​മാ​രു​ണ്ട്. കോ​ണ്‍ഗ്ര​സ് വി​മ​ത​നാ​യി ജ​യി​ച്ച ബി​ഹാ​റി​ലെ പ​പ്പു യാ​ദ​വും പാ​ർ​ട്ടി​ക്ക് പി​ന്തു​ണ ന​ൽ​കു​മെ​ന്നു സൂ​ചി​പ്പി​ച്ചു. കോ​ണ്‍ഗ്ര​സ് പി​ന്തു​ണ​യോ​ടെ ജ​യി​ച്ച രാ​ജ​സ്ഥാ​നി​ലെ രാ​ഷ്‌​ട്രീ​യ ലോ​ക്‌​താ​ന്ത്രി​ക് പാ​ർ​ട്ടി എം​പി ഹ​നു​മാ​ൻ ബേ​നി​വാ​ളും പി​ന്തു​ണ പ്ര​ഖ്യാ​പി​ച്ചി​ട്ടു​ണ്ട്.

എതിരാളികളില്ലാതെ സോ​ണി​യ

കോ​ണ്‍ഗ്ര​സ് പാ​ർ​ല​മെ​ന്‍റ​റി പാ​ർ​ട്ടി അ​ധ്യ​ക്ഷ​യാ​യി 25 വ​ർ​ഷം പൂ​ർ​ത്തി​യാ​ക്കി​യ​പ്പോ​ഴാ​ണ് സോ​ണി​യ ഗാ​ന്ധി​യെ ഇ​ന്ന​ലെ വീ​ണ്ടും അ​തേ പ​ദ​വി​യി​ലേ​ക്ക് ഐ​ക​ക​ണ്ഠ്യേ​ന തെ​ര​ഞ്ഞെ​ടു​ത്ത​ത്.

1999ൽ ​സോ​ണി​യ​യെ സി​പി​പി അ​ധ്യ​ക്ഷ​യാ​യി ആ​ദ്യം തെ​ര​ഞ്ഞെ​ടു​ത്ത​പ്പോ​ൾ ല​ക്ഷ​ദ്വീ​പി​ൽ നി​ന്നു​ള്ള പി.​എം. സ​ഈ​ദ് ആ​ണ് പേ​രു നി​ർ​ദേ​ശി​ച്ച​ത്.

ഗൗ​ര​വ് ഗൊ​ഗോ​യി​യു​ടെ പി​താ​വ് ത​രു​ണ്‍ ഗൊ​ഗോ​യ്, എ​ൻ.​ഡി. തി​വാ​രി, ജാ​ഫ​ർ ഷെ​രീ​ഫ് തു​ട​ങ്ങി​യ​വ​രാ​ണു പി​ന്തു​ണ​ച്ച​ത്. മ​ത്സ​ര​ത്തി​നു​പോ​ലും മ​റ്റാ​രും ഇ​ല്ലാ​തി​രു​ന്ന​തി​നാ​ൽ അ​ന്നു​മു​ത​ൽ എ​ല്ലാ ത​വ​ണ​യും ഐ​ക​ക​ണ്ഠ്യേ​ന​യാ​ണു സോ​ണി​യ തെ​ര​ഞ്ഞെ​ടു​ക്ക​പ്പെ​ട്ട​ത്. മാ​ധ​വ​റാ​വു സി​ന്ധ്യ, രാ​ജേ​ഷ് പൈ​ല​റ്റ് അ​ട​ക്ക​മു​ള്ള നേ​താ​ക്ക​ളെ​ല്ലാം സോ​ണി​യ​യെ​യാ​ണു പി​ന്തു​ണ​ച്ച​ത്.

ലോ​ക്സ​ഭാ തെ​ര​ഞ്ഞെ​ടു​പ്പി​നു​ശേ​ഷം കോ​ണ്‍ഗ്ര​സ് എം​പി​മാ​രു​ടെ ആ​ദ്യ സി​പി​പി യോ​ഗം ന​ട​ക്കാ​റു​ള്ള പാ​ർ​ല​മെ​ന്‍റ് സെ​ൻ​ട്ര​ൽ ഹാ​ളി​ലാ​ണ് ഇ​ന്ന​ലെ​യും യോ​ഗം ന​ട​ന്ന​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.