തൃ​ശൂ​ർ: സാം​സ്കാ​രി​ക​ന​ഗ​ര​ത്തി​നു തി​ല​ക​ക്കു​റി ചാ​ർ​ത്തി ശ​ക്ത​ൻ​ന​ഗ​റി​ൽ ത​ല​യു​യ​ർ​ത്തി​നി​ന്നി​രു​ന്ന ശ​ക്ത​ൻ ത​ന്പു​രാ​ന്‍റെ പ്ര​തി​മ കൂ​ടു​ത​ൽ പ്രൗ​ഢി​യോ​ടെ തി​രി​ച്ചെ​ത്തി.
19.5 ല​ക്ഷം രൂ​പ ചെ​ല​വി​ട്ട് അ​റ്റ​കു​റ്റ​പ്പ​ണി​ക​ൾ തീ​ർ​ത്ത് വെ​ങ്ക​ല​ത്തി​ലാ​ണു പു​തി​യ പ്ര​തി​മ നി​ർ​മി​ച്ചി​ട്ടു​ള്ള​ത്. പ​ത്ത​ടി ഉ​യ​ര​മു​ള്ള പ്ര​തി​മ​യ്ക്ക് ഒ​ന്ന​ര​ട​ൺ ഭാ​ര​മു​ണ്ട്. ച​തു​രാ​കൃ​തി​യി​ലു​ള്ള കോ​ൺ​ക്രീ​റ്റ് പീ​ഠ​ത്തി​ൽ ക്രെ​യി​ൻ ഉ​പ​യോ​ഗി​ച്ചാ​ണു പ്ര​തി​മ സ്ഥാ​പി​ച്ച​ത്. പീ​ഠ​ത്തി​ൽ പ​തി​ക്കാ​നു​ള്ള കൃ​ഷ്ണ​ശി​ല ത​മി​ഴ്നാ​ട്ടി​ൽ​നി​ന്നു കൊ​ണ്ടു​വ​രും. അ​തി​നു​ശേ​ഷം റൗ​ണ്ട്എ​ബൗ​ട്ട് ചെ​ടി​ക​ളും മ​റ്റും പി​ടി​പ്പി​ച്ചു കൂ​ടു​ത​ൽ മോ​ടി​കൂ​ട്ടും. ഒ​രു മാ​സ​ത്തി​നു​ശേ​ഷ​മാ​യി​രി​ക്കും പ്ര​തി​മ അ​നാ​ച്ഛാ​ദ​നം. ഇ​പ്പോ​ൾ സ്ഥാ​പി​ച്ചി​ട്ടു​ള്ള പ്ര​തി​മ തു​ണി​ക​ൾ ഉ​പ​യോ​ഗി​ച്ചു മ​റ​ച്ചി​ട്ടു​ണ്ട്.

തി​രു​വ​ന​ന്ത​പു​രം കേ​ശ​വ​ദാ​സ​പു​രം സ്വ​ദേ​ശി​യാ​യ ശി​ല്പി കു​ന്നു​വി​ള എം. ​മു​ര​ളി​യാ​ണ് അ​റ്റ​കു​റ്റ​പ്പ​ണി​ക​ൾ ന​ട​ത്തി​യ​ത്. പ്ര​തി​മ അ​വി​ടേ​ക്കെ​ത്തി​ച്ചാ​ണ് അ​റ്റ​കു​റ്റ​പ്പ​ണി​ക​ൾ നി​ർ​വ​ഹി​ച്ച​ത്. പ്ര​തി​മ നി​ർ​മി​ച്ച​തും ഇ​ദ്ദേ​ഹ​മാ​ണ്. കെ​എ​സ്ആ​ർ​ടി​സി വ​ക​യാ​യും എം​എ​ൽ​എ​യു​ടെ ഫ​ണ്ടി​ൽ​നി​ന്നു​മാ​ണ് അ​റ്റ​കു​റ്റ​പ്പ​ണി​ക​ൾ​ക്കു​ള്ള പ​ണം ക​ണ്ടെ​ത്തി​യ​ത്.

2013ൽ ​സ്ഥാ​പി​ച്ച പ്ര​തി​മ ക​ഴി​ഞ്ഞ ജൂ​ൺ ഒ​ന്പ​തി​നു പു​ല​ർ​ച്ചെ കെ​എ​സ്ആ​ർ​ടി​സി ലോ​ഫ്ലോ​ർ ബ​സി​ടി​ച്ചു ത​ക​രു​ക​യാ​യി​രു​ന്നു. പി​ന്നീ​ടു പ്ര​തി​മ​നി​ർ​മാ​ണം വൈ​കി​യ​പ്പോ​ൾ ഉ​ട​ൻ സ്ഥാ​പി​ച്ചി​ല്ലെ​ങ്കി​ൽ താ​ൻ പ്ര​തി​മ സ്ഥാ​പി​ക്കു​മെ​ന്ന കേ​ന്ദ്ര​മ​ന്ത്രി സു​രേ​ഷ്ഗോ​പി​യു​ടെ പ്ര​സ്താ​വ​ന വി​വാ​ദ​ത്തി​നി​ട​യാ​ക്കി​യി​രു​ന്നു.