മ​ട്ടാ​ഞ്ചേ​രി: ജൂ​ത പ​ള്ളി​യു​ടെ മു​റ്റ​ത്ത് ക​ഷ്മീരി​ക​ളു​ടെ സ​മൂ​ഹ നോ​മ്പ് തു​റ മ​ത സൗ​ഹാ​ർ​ദ​ത്തി​ന്‍റെ വേ​ദി​യാ​യി. കൊ​ച്ചി​യി​ലെ ക​ഷ്മീരി​ക​ൾ ന​ട​ത്തി​യ സ​മൂ​ഹ നോ​മ്പു തു​റ​യാ​ണ് ജൂ​ത​പ​ള്ളി​യു​ടെ മു​റ്റ​ത്ത് സൗ​ഹാ​ർ​ദ​ത്തി​ന്‍റെ തി​രി കൊ​ളു​ത്തി​യ​ത്.

ജൂ​ത തെ​രു​വി​ൽ സി​ന​ഗോ​ഗ് മു​റ്റ​ത്ത് സം​ഘ​ടി​പ്പി​ച്ച ഇ​ഫ്താ​റി​ൽ ജൂ​ത പ​ള്ളി ട്ര​സ്റ്റി​ക​ൾ അ​ട​ക്കം കൊ​ച്ചി​യി​ലെ വി​വി​ധ മ​ത​സ്ഥ​ർ പ​ങ്കെ​ടു​ത്തു. ജൂ​ത​പ്പ​ള്ളി മു​റ്റ​ത്ത് ബാ​ങ്ക് വി​ളി ഉ​യ​ർ​ന്ന​തോ​ടെ നോ​മ്പു​തു​റ​യും ന​മ​സ്ക്കാ​ര​വും ന​ട​ന്നു.

മു​പ്പ​തോ​ളം കാഷ്മീ​രി ക​ച്ച​വ​ട​ക്കാ​രാ​ണ് മ​ട്ടാ​ഞ്ചേ​രി ജൂ​ത തെ​രു​വി​ലു​ള്ള​ത്. ഫോ​ർ​ട്ട് കൊ​ച്ചി​യി​ലും ഇ​രു​പ​തോ​ളം ക​ച്ച​വ​ട​ക്കാ​രു​ണ്ട്. ഇ​വ​രു​ടെ ക​ാഷ്മീ​രി അ​സോ​സി​യേ​ഷ​നാ​ണ് ഇ​ഫ്താ​ർ സം​ഘ​ടി​പ്പി​ച്ച​ത്. ക​ഴി​ഞ്ഞ വ​ർ​ഷ​വും സ​മൂ​ഹ ഇ​ഫ്താ​ർ സം​ഘ​ടി​പ്പി​ച്ചി​രു​ന്നു.​ കാഷ്മീ​രി​ക​ൾ കു​ടും​ബ​സ​മേ​ത​മാ​ണ് കൊ​ച്ചി​യി​ൽ താ​മ​സി​ക്കു​ന്ന​ത്.

കൊ​ച്ചി​യി​ലെ കാഷ്മീ​രി​ക​ളു​ടെ സ​മൂ​ഹ നോ​മ്പ് തു​റ നാ​ട്ടു​കാ​ർ​ക്കും ഏ​റെ ഹൃ​ദ്യ​മാ​യി മാ​റി. ന​മ​സ്ക്കാ​ര​ത്തി​ന് ഐ​ഷ മ​സ്ജി​ദ് ഇ​മാം ഹാ​ഫി​സ് മു​ഹ​മ്മ​ദ് അ​ഫ്രോ​സ് അ​ൻ​സാ​രി നേ​തൃ​ത്വം ന​ൽ​കി.