മൂ​ന്നാ​ർ: ക​ഴി​ഞ്ഞ ഒ​രാ​ഴ്ച​യ്ക്കി​ട​യി​ൽ നി​ര​ന്ത​രം കാ​ട്ടാ​ന ആ​ക്ര​മ​ണ​ങ്ങ​ൾ ഉ​ണ്ടാ​യ സാ​ഹ​ച​ര്യ​ത്തി​ൽ മൂ​ന്നാ​ർ തോ​ട്ടം​മേ​ഖ​ല പ​ക​ച്ചുനി​ൽ​ക്കു​ക​യാ​ണ്. ശ​നി​യാ​ഴ്ച വി​ദേ​ശ വി​നോ​ദ സ​ഞ്ചാ​രി​ക​ൾ സ​ഞ്ച​രി​ച്ച വാ​ഹ​നം കാ​ട്ടാ​ന ആ​ക്ര​മി​ച്ച​തി​നു പി​ന്നാ​ലെ ക​ഴി​ഞ്ഞ ദി​വ​സം അ​തേസ്ഥ​ല​ത്ത് വീ​ണ്ടും കാ​ട്ടാ​ന​യു​ടെ ആ​ക്ര​മ​ണ​മു​ണ്ടാ​യി.

കൊ​ച്ചി - ധ​നു​ഷ്കോ​ടി ദേ​ശീ​യ പാ​ത​യി​ൽ മൂ​ന്നാ​റി​ൽനി​ന്നു ദേ​വി​കു​ള​ത്തേ​ക്ക് പോ​കു​ന്ന വ​ഴി​യി​ൽ ലാ​ഡ്ബ്രൂ​ക്ക് ബം​ഗ്ലാ​വി​നു സ​മീ​പ​ത്താ​ണ് ആ​ക്ര​മ​ണം. റോ​ഡി​ൽ നി​ല​യ​റു​പ്പി​ച്ച കാ​ട്ടാ​ന അ​തുവ​ഴി വ​ന്ന പി​ക്ക്-​അ​പ്പ് വാ​നാ​ണ് ഇ​ന്ന​ലെ ആ​ക്ര​മി​ച്ച​ത്. വാ​ഹ​ന​ത്തി​ന്‍റെ മു​ക​ൾ വ​ശ​വും മു​ൻ​വ​ശ​ത്തെ ചി​ല്ലും ത​ക​ർ​ന്നു. വാ​ഹ​ന​ത്തി​ലു​ണ്ടാ​യി​രു​ന്ന ഡ്രൈ​വ​റും സ​ഹാ​യി​യും പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു. ആ​ക്ര​മ​ണ​ത്തി​നു ശേ​ഷം ആ​ന പി​ൻ​വാ​ങ്ങി​യ​തോ​ടെ​യാ​ണ് ഡ്രൈ​വ​റും സ​ഹാ​യി​യും ര​ക്ഷ​പ്പെ​ട്ട​ത്.

ക​ഴി​ഞ്ഞ ഒ​രാ​ഴ്ച​യ്ക്കി​ടെ നാ​ലു വാ​ഹ​ന​ങ്ങ​ളാ​ണ് കാ​ട്ടാ​ന ആ​ക്ര​മി​ച്ച​ത്. ക​ഴി​ഞ്ഞ വെ​ള്ളി​യാ​ഴ്ച മൂ​ന്നാ​റി​ൽനി​ന്നു മ​റ​യൂ​രി​ലേ​ക്ക് പോ​യ ബൈ​ക്കി​ൽ യാ​ത്ര​ക്കാ​രി​ക്കു​നേ​രേ കാ​ട്ടു​കൊ​ന്പ​ന്‍റെ ആ​ക്രമണ​മു​ണ്ടാ​യി. യു​വ​തി​യു​ടെ ഇ​ടു​പ്പെ​ല്ലി​ന് ഒ​ടി​വു​ണ്ടാ​യെ​ങ്കി​ലും യു​വ​തി​യും മ​ക​നും അ​ത്ഭു​ത​ക​ര​മാ​യി ര​ക്ഷ​പ്പെ​ട്ടു. തൊ​ട്ട​ടു​ത്ത ദി​വ​സം ത​ന്നെ​യാ​ണ് മൂ​ന്നാ​റി​ൽനി​ന്നു തേ​ക്ക​ടി​ക്ക് പു​റ​പ്പെ​ട്ട വി​ദേ​ശ​വി​നോ​ദസ​ഞ്ചാ​രി​ക​ളു​ടെ കാ​ർ കാ​ട്ടാ​ന ഉ​ന്തി റോ​ഡി​ലേ​ക്ക് മ​റി​ച്ചി​ട്ട​ത്.

ശ​നി​യാ​ഴ്ച രാ​ത്രി മൂ​ന്നാ​റി​ൽനി​ന്നു ക​ന്നി​മ​ല​യി​ലു​ള്ള വീ​ട്ടി​ലേ​ക്ക മ​ട​ങ്ങി​യ യു​വാ​ക്ക​ളെ​യും കാ​ട്ടാ​ന ആ​ക്ര​മി​ച്ചു.

ബൈ​ക്കി​ൽനി​ന്നു തെ​റി​ച്ചുവീ​ണ യു​വാ​ക്ക​ളെ മൂ​ന്നാ​റി​ലെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ച് ചി​കി​ത്സ ന​ൽ​കി. ഇ​തി​നു പി​ന്നാ​ലെ​യാ​ണ് ഞാ​യ​റാ​ഴ്ച ദേ​വി​കു​ളം റോ​ഡി​ൽ പി​ക്ക് അ​പ്പ് വാ​നി​നു​നേ​രേ​യും കാ​ട്ടാ​ന​യു​ടെ ആ​ക്ര​മ​ണം ഉ​ണ്ടാ​യ​ത്.

മ​ദ​പ്പാ​ട് ക​ണ്ടെ​ത്തി​യ പ​ട​യ​പ്പ​യാ​ണ് ര​ണ്ടുവ​ട്ട​വും ബൈ​ക്ക് യാ​ത്രി​ക​രെ ആ​ക്ര​മി​ച്ച​ത്. ദേ​വി​കു​ളം, ക​ന്നി​മ​ല, ലോ​ക്കാ​ട്, ന​മ​യ​ക്കാ​ട്, ചെ​ണ്ടു​വ​ര, ഗ്രാം​‌‌‌സ്‌ലാൻ​ഡ് എ​ന്നീ എ​സ്റ്റേ​റ്റു​ക​ളി​ലാ​ണ് ആ​ന സാ​ന്നി​ധ്യം ഏ​റ്റ​വും രൂ​ക്ഷ​മാ​യി​ട്ടു​ള്ള​ത്.

കാ​ട്ടാ​ന​ക​ളെ നി​രീ​ക്ഷി​ക്കാ​ൻ ആ​ർ​ആ​ർ​ടി​യെ നി​യോ​ഗി​ച്ചി​ട്ടു​ണ്ടെ​ങ്കി​ലും ആ​ന​ക​ളു​ടെ ആ​ക്ര​മ​ണം ത​ട​യാ​ൻ സാ​ധി​ക്കാ​ത്ത അ​വ​സ്ഥ​യാ​ണ്.