കു​മ​ളി: ശേ​ഖ​രി​ക്കു​ന്ന മാ​ലി​ന്യം ത​രം​തി​രി​ക്ക​ലി​നാ​യി പ​ഞ്ചാ​യ​ത്തു​ക​ൾ വ​ർ​ഷംതോ​റും മു​ട​ക്കു​ന്ന​ത് കോ​ടി​ക​ൾ. വി​വി​ധ വി​ക​സ​ന പ്ര​വ​ർ​ത്ത​ന​ങ്ങ​ൾ​ക്ക് വി​നി​യോ​ഗി​ക്കേ​ണ്ട തു​ക​യാ​ണ് ഇ​ത്ത​ര​ത്തി​ൽ വി​നി​യോ​ഗി​ക്കു​ന്ന​തുമൂ​ലം പ​ഞ്ചാ​യ​ത്തു​ക​ൾ​ക്ക് ന​ഷ്ട​മാ​കു​ന്ന​ത്. ഒ​രു കി​ലോ മാ​ലി​ന്യം ത​രം​തി​രി​ക്കു​ന്ന​തി​ന് കി​ലോ​ക്ക് 10.40 രൂ​പ​യാ​ണ് ക്ലീ​ൻ കേ​ര​ള ക​ന്പ​നി​ക്ക് പ​ഞ്ചാ​യ​ത്തു​ക​ൾ ന​ൽ​കു​ന്ന​ത്. ജൈ​വ​വും അ​ജൈ​വു​മാ​യ മാ​ലി​ന്യ​ങ്ങ​ൾ ത​രം​തി​രി​ച്ച് വേ​ണം സ്ഥാ​പ​ന​ങ്ങ​ളി​ൽനി​ന്നും വീ​ടു​ക​ളി​ൽനി​ന്നും ന​ൽ​കേ​ണ്ട​ത്.

മാ​ലി​ന്യ പ്ലാ​ന്‍റു​ക​ളി​ൽ ദി​വ​സേ​ന പ​ല ത​ര​ത്തി​ലു​ള്ള ട​ണ്‍ ക​ണ​ക്കി​ന് മാ​ലി​ന്യ​ങ്ങ​ളാ​ണെ​ത്തു​ക. ത​രംതി​രി​ക്കാ​തെ പ്ലാ​ന്‍റി​ൽ എ​ത്തി​യാ​ൽ ഇ​വ​യു​ടെ സം​സ്ക​ര​ണം ത​ന്നെ അ​വ​താ​ള​ത്തി​ലാ​കും. ഇ​തോ​ടെ മാ​ലി​ന്യ​ങ്ങ​ൾ പ്ലാ​ന്‍റി​ൽ കു​മി​ഞ്ഞുകൂ​ടു​ന്ന അ​വ​സ്ഥ​യും ഉ​ണ്ടാ​കും. കു​മ​ളി പ​ഞ്ചാ​യ​ത്തി​ന്‍റെ മാ​ലി​ന്യപ്ലാ​ന്‍റി​ൽ പ​ല​പ്പോ​ഴും ഈ ​പ്ര​തി​സ​ന്ധി ഉ​ണ്ടാ​യി​ട്ടു​ണ്ട്.

2024 ഒ​ക്ടോ​ബ​ർ മു​ത​ലു​ള്ള മൂ​ന്ന് മാ​സ​ക്കാ​ല​യ​ള​വി​ൽ കു​മ​ളി പ​ഞ്ചാ​യ​ത്ത് മാ​ലി​ന്യം ത​രം​തി​രി​ക്കു​ന്ന​തി​ന് ക്ലീ​ൻ കേ​ര​ള ക​ന്പ​നി​ക്ക് ന​ൽ​കി​യ​ത് 21 ല​ക്ഷം രൂ​പ​യാ​ണ്. ഒ​രു വ​ർ​ഷ​ത്തെ ക​ണ​ക്കെ​ടു​ക്കു​ന്പോ​ൾ ഇ​ത് കോ​ടി​ക​ളാ​കു​മെ​ന്ന് കു​മ​ളി പ​ഞ്ചാ​യ​ത്ത് സെ​ക്ര​ട്ട​റി ആ​ർ. അ​ശോ​ക് കു​മാ​ർ പ​റ​ഞ്ഞു. ചെ​ല​വി​ന​ത്തി​ൽ മ​റ്റ് പ​ഞ്ചാ​യ​ത്തു​ക​ളു​ടെയും സ്ഥി​തി വ്യ​ത്യ​സ്ത​മ​ല്ല. തു​ട​ർ​ച്ച​യാ​യ ബോ​ധ​വ​ത്ക​ര​ണം ന​ട​ത്തി​യി​ട്ടും വ​ൻ​കി​ട സ്ഥാ​പ​ന​ങ്ങ​ൾ വ​രെ മാ​ലി​ന്യ​ങ്ങ​ൾ ത​രം​തി​രി​ക്കാ​തെ ന​ല്കു​ന്നു​ണ്ടെ​ന്ന് സെ​ക്ര​ട്ട​റി പ​റ​ഞ്ഞു.

കു​മ​ളി പ​ഞ്ചാ​യ​ത്ത് സെ​ക്ര​ട്ട​റി, അ​സി​സ്റ്റ​ന്‍റ് എ​ൻ​ജ​നി​യ​ർ എ​ന്നി​വ​ര​ട​ങ്ങു​ന്ന സം​ഘം മാ​ലി​ന്യം ശേ​ഖ​രി​ക്കു​ന്ന സ്ഥാ​പ​ന​ങ്ങ​ളി​ലെ​ത്തി ക​ളി​ഞ്ഞ ദി​വ​സം മി​ന്ന​ൽ പ​രി​ശോ​ധ​ന ന​ട​ത്തി. കു​മ​ളി കൊ​ളു​ത്തു പാ​ല​ത്തി​ന് സ​മീ​പ​മു​ള്ള റി​സോ​ർ​ട്ടി​ലെ​ത്തി ഇ​വി​ടെനി​ന്നും പ​ഞ്ചാ​യ​ത്തി​ന്‍റെ ലോ​റി​യി​ൽ ക​യ​റ്റി​യ മാ​ലി​ന്യ​ങ്ങ​ൾ താ​ഴെ ഇ​റ​ക്കി പ​രി​ശോ​ധി​ച്ചു.

പ്ലാ​സ്റ്റി​ക് ഗ്ളാ​സു​ക​ളും പേ​പ്പ​ർ ഗ്ലാ​സു​ക​ള​ട​ക്ക​മു​ള്ള​വ വേ​ർതി​രി​ക്കാ​തെ പ്ലാ​സ്റ്റി​ക് സ​ഞ്ചി​യി​ൽ നി​ക്ഷേ​പി​ച്ച​താ​യി ക​ണ്ടെ​ത്തി. സ്ഥാ​പ​ന​ത്തി​ന്‍റെ ബ​ന്ധ​പ്പെ​ട്ട​വ​രെ വി​ളി​ച്ചുവ​രു​ത്തി സെ​ക്ര​ട്ട​റി നി​യ​മ​ലം​ഘ​നം ബോ​ധ്യ​പ്പെ​ടു​ത്തി. ഈ ​സ്ഥാ​പ​ന​ത്തി​ന് നോ​ട്ടീ​സ് ന​ൽ​കു​മെ​ന്നും സെ​ക്ര​ട്ട​റി അ​റി​യി​ച്ചു.

കൊ​ളു​ത്തു പാ​ല​ത്തി​ന് സ​മീ​പം റോ​ഡ​രി​കി​ൽ മാ​ലി​ന്യം വ​ലി​ച്ചെ​റി​ഞ്ഞ​യാ​ൾ​ക്ക് പ​തി​നാ​യി​രം രൂ​പ പ​ഞ്ചാ​യ​ത്ത് പി​ഴ​യി​ട്ടി​രു​ന്നു. ഇ​തി​ന്‍റെ വീ​ഡി​യോ പ​ഞ്ചാ​യ​ത്തി​ന് ല​ഭി​ച്ചി​രു​ന്നു. മാ​ലി​ന്യ​ങ്ങ​ൾ വ​ലി​ച്ചെ​റി​യു​ന്ന​വ​രെ ക​ണ്ടെ​ത്താ​ൻ സ​ഹാ​യി​ക്കു​ന്ന വീ​ഡി​യോ ഫോ​ട്ടോ വാ​ട്സാ​പ്പി​ൽ പ​ഞ്ചാ​യ​ത്തി​ലേ​ക്ക് ന​ൽ​കു​ന്ന​വ​ർ​ക്ക് 2500 രൂ​പ സ​മ്മാ​ന​മാ​യി ല​ഭി​ക്കും.