ക​ടു​ത്തു​രു​ത്തി: ക​ടു​ത്തു​രു​ത്തി വെ​ള്ളാ​ശേ​രി​യി​ല്‍ ആ​ള്‍​ത്താ​മ​സ​മി​ല്ലാ​തെ അ​ട​ഞ്ഞുകി​ട​ന്ന സ​ഹോ​ര​ങ്ങ​ളു​ടെ വീ​ടു​ക​ള്‍ കു​ത്തി​ത്തുറ​ന്ന് മോ​ഷ​ണം. അ​ടു​ത്ത​ടു​ത്തു​ള്ള വീ​ടു​ക​ളി​ലാ​ണ് മോ​ഷ​ണം ന​ട​ന്ന​ത്. ര​ണ്ട് വീ​ടു​ക​ളി​ല്‍ ക​യ​റി​യി​ട്ടും വി​ല​പി​ടി​പ്പു​ള്ള ഒ​ന്നും കി​ട്ടാ​ഞ്ഞതി​നാ​ല്‍ സ​മീ​പ​ത്ത് ആ​ള്‍​ത്താമ​സ​മി​ല്ലാ​ത്ത മൂ​ന്നാ​മ​ത്തെ വീ​ട്ടി​ല്‍ ക​യ​റാ​തെ മോ​ഷ്ടാ​ക്ക​ള്‍ മ​ട​ങ്ങി.

വെ​ള്ളാ​ശേ​രി ചെ​ന്ന​ക്കു​ടി സി.​ഒ. വ​ര്‍​ഗീ​സി(വ​ര്‍​ക്കി​ക്കുഞ്ഞ്)ന്‍റെ ​മ​ക്ക​ളാ​യ ബി​ജു, ഫി​ലി​പ്പ് എ​ന്നി​വ​രു​ടെ വീ​ടു​ക​ളി​ലാ​ണ് മോ​ഷ​ണം ന​ട​ന്ന​ത്. ഇ​വ​രു​ടെ സ​ഹോ​ദ​ര​നാ​യ സ​മീ​പ​ത്തെ സാ​ജു​വി​ന്‍റെ വീ​ട്ടിലാണ് മോ​ഷ്ടാ​ക്ക​ള്‍ ക​യ​റാ​തെ വി​ട്ടു ക​ള​ഞ്ഞ​ത്. മൂ​ന്നു​പേ​രും വി​ദേ​ശ​ത്താ​യ​തി​നാ​ല്‍ വീ​ടു​ക​ള്‍ അ​ട​ച്ചി​ട്ടി​രി​ക്കു​ക​യാ​ണ്. സാ​ജു​വി​ന്‍റെ വീ​ട്ടി​ല്‍ സി​സി ടി​വി കാ​മ​റ സ്ഥാ​പി​ച്ചി​ട്ടു​ണ്ട്. മ​റ്റ് ര​ണ്ട് വീ​ടു​ക​ളി​ല്‍ കാ​മ​റ​ക​ള്‍ ഇ​ല്ല.

വ്യാ​ഴാ​ഴ്ച പു​ല​ര്‍​ച്ചെ​യാ​ണ് മോ​ഷ​ണം ന​ട​ന്ന​തെ​ന്ന് ക​രു​തു​ന്നു. റെ​യി​ല്‍​വേപാ​ള​ത്തി​ന് സ​മീ​പ​ത്താ​ണ് വീ​ടു​ക​ള്‍ സ്ഥി​തി ചെ​യ്യു​ന്ന​ത്. മു​ന്‍​വ​ശ​ത്തെ ത​ടിവാ​തി​ലു​ക​ളു​ടെ ലോ​ക്കു​ള്ള ഭാ​ഗം മ​ഴു​വോ ക​മ്പി​യോ പോ​ലു​ള്ള വ​സ്തു​ ഉ​പ​യോ​ഗി​ച്ചു കു​ത്തിപ്പൊ​ളി​ച്ചാ​ണ് മോ​ഷ്ടാ​ക്ക​ള്‍ അ​ക​ത്ത് പ്ര​വേ​ശി​ച്ച​ത്. ര​ണ്ട് വീ​ടു​ക​ളു​ടെ​യും വാ​തി​ലു​ക​ള്‍ ഇ​ത്ത​ര​ത്തി​ല്‍ ത​ക​ര്‍​ത്തി​ട്ടു​ണ്ട്.

വീ​ടി​നു​ള്ളി​ല്‍ ക​യ​റി​യ മോ​ഷ്ടാ​ക്ക​ള്‍ മു​റി​ക​ളി​ലെ അ​ല​മാ​ര​ക​ള്‍ തു​റ​ന്ന് തു​ണി​ക​ള്‍ ഉ​ള്‍​പ്പെ​ടെ ഏ​ല്ലാം വാ​രിവ​ലി​ച്ചി​ട്ട നി​ല​യി​ലാ​ണ്. താ​ക്കോ​ല്‍ ഉ​ണ്ടാ​യി​രു​ന്ന അ​ല​മാ​ര​ക​ള്‍​ക്ക് മ​റ്റു നാ​ശ​മു​ണ്ടാ​യി​ട്ടി​ല്ലെ​ങ്കി​ലും താ​ക്കോ​ല്‍ ഇ​ല്ലാ​ത്ത​വ കു​ത്തിപ്പൊ​ളി​ച്ച​തി​നാ​ല്‍ ഉ​പ​യോ​ഗശൂ​ന്യ​മാ​യ നി​ല​യി​ലാ​ണ്.

ബു​ധ​നാ​ഴ്ച പ​ക​ല്‍ വ​ര്‍​ക്കി​ക്കുഞ്ഞ് (82) ഈ ​വീ​ടു​ക​ളു​ടെ സ​മീ​പം വ​ന്നി​രു​ന്നു. ഇ​ന്ന​ലെ​യും സാ​ധാ​ര​ണ​പോ​ലെ വീ​ടു​ക​ള്‍​ക്കു സ​മീ​പ​മെ​ത്തി​യ​പ്പോ​ഴാ​ണ് മോ​ഷ​ണം ന​ട​ന്ന വി​വ​ര​മ​റി​യു​ന്ന​ത്. തു​ട​ര്‍​ന്ന് ക​ടു​ത്തു​രു​ത്തി പോ​ലീ​സി​ല്‍ വി​വ​ര​മ​റി​യി​ച്ചു. പോ​ലീ​സ് സ്ഥലത്തെത്തി വി​വ​ര​ങ്ങ​ള്‍ ശേ​ഖ​രി​ച്ചു. വീ​ട്ടു​കാ​രു​ടെ പ​രാ​തി​യി​ല്‍ അ​ന്വേ​ഷ​ണ​മാ​രം​ഭി​ച്ച​താ​യി ക​ടു​ത്തു​രു​ത്തി എ​സ്എ​ച്ച്ഒ ടി.​എ​സ് റെ​നീ​ഷ് അ​റി​യി​ച്ചു.

സ്‌​റ്റേ​ഷ​ന്‍ പ​രി​ധി​യി​ല്‍ ആ​ളി​ല്ലാ​തെ പൂ​ട്ടി​ക്കിട​ക്കു​ന്ന വീ​ടു​ക​ളി​ല്‍ ദി​വ​സ​വും ന​ട​ത്തു​ന്ന പ​ട്രോ​ളിം​ഗി​ല്‍ ഈ ​വീ​ടു​ക​ളെ​യും ഉ​ള്‍​പ്പെടു​ത്തി. ലോ​ക്ക്​ഡ് ഹൗ​സ് വി​ഭാ​ഗ​ത്തി​ല്‍​പ്പെ​ടു​ത്തി​യ സ്റ്റേ​ഷ​ന്‍ പ​രി​ധി​യി​ലെ വീ​ടു​ക​ളി​ല്‍ ദി​വ​സ​വും രാ​ത്രി​ പ​ട്രോ​ളിം​ഗ് പോ​ലീ​സ് സം​ഘ​മെ​ത്തി ഇ​വി​ടെ വ​ച്ചി​രി​ക്കു​ന്ന ബു​ക്കി​ല്‍ ഒ​പ്പി​ടാറുണ്ട്..

​ക​ഴി​ഞ്ഞ​മാ​സം കുറുപ്പന്തറയിലും കോതനല്ലൂരും മോഷണം നടന്നത് സ​മാ​ന​രീ​തി​യി​ല്‍

കടു​ത്തു​രു​ത്തി: ക​ഴി​ഞ്ഞ​മാ​സം ഒ​മ്പ​തി​നാ​ണ് സ​മാ​ന​രീ​തി​യി​ല്‍ കു​റു​പ്പ​ന്ത​റ, കോ​ത​ന​ല്ലൂ​ര്‍ പ്ര​ദേ​ശ​ങ്ങ​ളി​ല്‍ ആ​റ് വീ​ടു​ക​ളി​ല്‍ മോ​ഷ​ണം ന​ട​ന്ന​ത്. കോ​ത​ന​ല്ലൂ​രി​നും മു​ട്ടു​ചി​റ​യ്ക്കും ഇ​ട​യി​ലു​ള്ള റെ​യി​ല്‍​വേ ലൈ​നി​നോ​ട് ചേ​ര്‍​ന്നി​രി​ക്കു​ന്ന വീ​ടു​ക​ളി​ലാ​ണ് അ​ന്നും മോ​ഷ​ണം ന​ട​ന്ന​ത്. എ​ല്ലാ​യി​ട​ത്തെ​യും മോ​ഷ​ണ​രീ​തി സ​മാ​ന​മാ​യി​രു​ന്നു. ഒ​രേ സം​ഘംത​ന്നെ​യാ​ണ് മോ​ഷ​ണ​ത്തി​ന് പി​ന്നി​ലെ​ന്നാ​ണ് പോ​ലീ​സ് ക​രു​തു​ന്ന​ത്.

കു​റു​പ്പ​ന്ത​റ-​മു​ട്ടു​ചി​റ റോ​ഡി​ലു​ള്ള റെ​യി​ല്‍​വേ മേ​ല്‍​പ്പാ​ല​ത്തി​നു സ​മീ​പ​മു​ള്ള ന​മ്പ്യാ​മ​ഠ​ത്തി​ല്‍ ചാ​ക്കോ​ച്ച​ന്‍, ആ​ക്കാ​പ്പ​റ​മ്പി​ല്‍ സാ​ബു, മ​റ്റ​ത്തി​ല്‍ ജോ​യി, മാ​ഞ്ഞൂ​ര്‍ റെ​യി​ല്‍​വേ മേ​ല്‍​പ്പാ​ല​ത്തി​നു സ​മീ​പം താ​മ​സി​ക്കു​ന്ന ഐ ​സ്പെ​ഷലി​സ്റ്റ് നാ​രാ​യ​ണീ​യം(​പ്ര​ശാ​ന്തി) വീ​ട്ടി​ല്‍ ഡോ. ​ഷീ​ലാ​കു​മാ​രി, കോ​ത​ന​ല്ലൂ​ര്‍ റെ​യി​ല്‍​വേ ഗേ​റ്റി​നു സ​മീ​പം പ​റ​പ്പ​ള്ളില്‍ മേ​രി ലൂ​ക്കോ​സ്, ക​ണ്ണീ​റ്റു​മ്യാ​ലീ​ല്‍ ത്രേ​സ്യാ​മ്മ എ​ന്നി​വ​രു​ടെ വീ​ടു​ക​ളി​ലാ​ണ് ക​ഴി​ഞ്ഞ​മാ​സം മോ​ഷ​ണം ന​ട​ന്ന​ത്.

പു​ല​ര്‍​ച്ചെ മൂ​ന്നി​ന് മാ​ഞ്ഞൂ​ര്‍ ശ്രീ​വി​ലാ​സ​ത്തി​ല്‍ ശ്രീ​കു​മാ​റി​ന്‍റെ വീ​ട്ടി​ലെ​ത്തി​യ മോ​ഷ്ടാ​ക്ക​ള്‍ ജ​ന​ല്‍ പാ​ളി​യു​ടെ വി​ട​വി​ലൂ​ടെ മു​റി​ക്ക​ക​ത്തേ​ക്ക് ലൈ​റ്റ​ടി​ച്ച​തോ​ടെ വീ​ട്ടു​കാ​ര്‍ എ​ഴു​ന്നേ​റ്റ് ബ​ഹ​ളം വച്ച​തി​നാ​ല്‍ ക​വ​ര്‍​ച്ചാ​സം​ഘം ക​ട​ന്നു​ക​ള​യു​ക​യാ​യി​രു​ന്നു. ആ​റു വീ​ടു​ക​ളി​ലാ​യി നി​ര​വ​ധി വാ​തി​ലു​ക​ള്‍​ക്കും അ​ല​മാ​ര​ക​ള്‍​ക്കും മേ​ശ​ക​ള്‍​ക്കും കേ​ടു​വ​രു​ത്തി​യ​ ശേ​ഷ​മാ​ണ് മോ​ഷ്ടാ​ക്ക​ള്‍ പോ​യ​ത്.

ക​ടു​ത്തു​രു​ത്തി പോ​ലീ​സ് സ്ഥ​ല​ത്തെ​ത്തി പ​രി​ശോ​ധ​ന​ക​ള്‍ ന​ട​ത്തി​യി​രു​ന്നു. റെ​യി​ല്‍​വേ പാ​ള​ത്തി​ലൂ​ടെ​യാ​ണ് ഇ​വി​ടെ​യും മോ​ഷ്ടാ​ക്ക​ള്‍ വ​ന്നു​പോ​യ​തെ​ന്നാ​ണ് ക​രു​തു​ന്ന​ത്. റെ​യി​ല്‍​വേ ലൈ​നു സ​മീ​പ​മു​ള്ള വീ​ടു​ക​ളി​ല്‍ മോ​ഷ​ണം ന​ട​ത്തി​യ​തി​നു പി​ന്നി​ല്‍ ഒ​ന്നി​ല​ധി​കം​പേ​ര്‍ ഉ​ള്‍​പ്പെ​ട്ടി​ട്ടു​ണ്ടാ​കാ​മെ​ന്നാ​ണ് പോ​ലീ​സും ക​രു​തു​ന്ന​ത്. ഇ​ട​വേ​ള​യ്ക്കു ശേ​ഷം വീ​ണ്ടും മോ​ഷ​ണം തു​ട​ങ്ങി​യ​ത് നാ​ട്ടു​കാ​രെ ആ​ശ​ങ്ക​യി​ലാ​ക്കി​യി​ട്ടു​ണ്ട്.