കോ​ട്ട​യം: ട്രെ​യി​നി​ന്‍റെ ഫു​ട് ബോ​ർ​ഡി​ൽ ഇ​രു​ന്നു യാ​ത്ര​ചെ​യ്യു​ന്ന യാ​ത്ര​ക്കാ​രു​ടെ മൊ​ബൈ​ൽ വ​ടി​ക്ക് അ​ടി​ച്ച് വീ​ഴ്ത്തി​യും കൈ​കൊ​ണ്ട് ത​ട്ടി​പ്പ​റി​ച്ചും ക​വ​ർ​ന്ന​കേ​സി​ൽ അ​സം സ്വ​ദേ​ശി കോ​ട്ട​യം റെ​യി​ൽ​വേ പോ​ലീ​സി​ന്‍റെ പി​ടി​യി​ൽ. അ​സം ഗു​വാ​ഹ​ത്തി സ്വ​ദേ​ശി ജോ​ഹ​ർ അ​ലി (24) യെ​യാ​ണ് കോ​ട്ട​യം റെ​യി​ൽ​വേ പോ​ലീ​സ് സ്റ്റേ​ഷ​ൻ ഹൗ​സ് ഓ​ഫി​സ​ർ റെ​ജി പി. ​ജോ​സ​ഫി​ന്‍റെ നേ​തൃ​ത്വ​ത്തി​ലു​ള്ള സം​ഘം പി​ടി​കൂ​ടി​യ​ത്.

കോ​ട്ട​യം- എ​റ​ണാ​കു​ളം റൂ​ട്ടി​ൽ ട്രെ​യി​ൻ വേ​ഗം കു​റ​യു​ന്ന ഭാ​ഗ​ങ്ങ​ളി​ൽ​നി​ന്നാ​ണ് ഇ​യാ​ൾ മൊ​ബൈ​ൽ ഫോ​ണു​ക​ൾ ത​ട്ടി​യെ​ടു​ത്തി​രു​ന്ന​തെ​ന്ന് പൊ​ലീ​സ് പ​റ​ഞ്ഞു. ക​ഴി​ഞ്ഞ നാ​ലു ദി​വ​സ​ത്തി​നി​ടെ കോ​ട്ട​യം-​എ​റ​ണാ​കു​ളം റൂ​ട്ടി​ൽ യാ​ത്ര ചെ​യ്ത നാ​ലു യാ​ത്ര​ക്കാ​രു​ടെ മൊ​ബൈ​ൽ ഫോ​ണു​ക​ളാ​ണ് പ്ര​തി ത​ട്ടി​യെ​ടു​ത്ത​ത്.

ഏ​റ്റു​മാ​നൂ​ർ റെ​യി​ൽ​വേ സ്റ്റേ​ഷ​നു സ​മീ​പ​ത്തു​നി​ന്നു മൊ​ബൈ​ൽ ഫോ​ൺ മോ​ഷ​ണം പോ​യ​ത് സം​ബ​ന്ധി​ച്ച് യാ​ത്ര​ക്കാ​ര​ൻ എ​റ​ണാ​കു​ളം റെ​യി​ൽ​വേ പോ​ലീ​സ് സ്റ്റേ​ഷ​നി​ൽ പ​രാ​തി ന​ൽ​കു​ക​യാ​യി​രു​ന്നു. എ​റ​ണാ​കു​ളം റെ​യി​ൽ​വേ പോ​ലീ​സ് കേ​സ് അ​ന്വേ​ഷി​ക്കു​ന്ന​തി​നാ​യി കോ​ട്ട​യം റെ​യി​ൽ​വേ പോ​ലീ​സി​ന് കൈ​മാ​റി. 20 ഫോ​ണു​ക​ൾ മോ​ഷ്‌​ടി​ച്ച​ശേ​ഷം നാ​ട്ടി​ലേ​ക്ക് ര​ക്ഷ​പ്പെ​ടു​ന്ന​തി​നാ​ണ് പ്ര​തി പ​ദ്ധ​തി​യി​ട്ടി​രു​ന്ന​തെ​ന്ന് പോ​ലീ​സ് പ​റ​ഞ്ഞു.