മു​ണ്ട​ക്ക​യം ടൗ​ണി​ൽ സീ​ബ്രാ​ലൈ​നു​ക​ൾ മാ​ഞ്ഞു​തു​ട​ങ്ങി
Monday, October 14, 2024 3:13 AM IST
മു​ണ്ട​ക്ക​യം: ടൗ​ണി​ൽ സീ​ബ്രാ​ലൈ​നു​ക​ളു​ടെ അ​ഭാ​വ​വും അ​ശാ​സ്ത്രീ​യ​ത​യും അ​പ​ക​ട​ങ്ങ​ൾ​ക്കു വ​ഴി​വ​യ്ക്കു​ന്നു. ടൗ​ണി​ൽ ദേ​ശീ​യ​പാ​ത മു​റി​ച്ചു​ക​ട​ക്കു​മ്പോ​ൾ കാ​ൽ​ന​ട​യാ​ത്ര​ക്കാ​ർ അ​പ​ക​ട​ത്തി​ൽ​പ്പെ​ടു​ന്ന​ത് പ​തി​വാ​യി മാ​റു​ക​യാ​ണ്.

ടൗ​ണി​ൽ ഏ​റ്റ​വും കൂ​ടു​ത​ൽ കാ​ൽ​ന​ട​യാ​ത്ര​ക്കാ​ർ റോ​ഡ് മു​റി​ച്ചുക​ട​ക്കു​ന്ന പ്ര​ധാ​ന ഭാ​ഗം കൂ​ട്ടി​ക്ക​ൽ ജം​ഗ്ഷ​നും ബ​സ് സ്റ്റാ​ൻ​ഡി​നും ഇ​ട​യി​ലാണ്. മു​ന്പ് ഈ ​ഭാ​ഗ​ത്ത് സീ​ബ്രാ​ലൈ​നു​ണ്ടാ​യി​രു​ന്നു. എ​ന്നാ​ൽ, പ​തി​വാ​യി ഇ​വി​ടെ റോ​ഡ് ത​ക​രാ​റി​ലാ​യ​തോ​ടെ ന​വീ​ക​ര​ണ​ത്തി​ന്‍റെ ഭാ​ഗ​മാ​യി ടൈ​ൽ പാ​കി. ഇ​തോ​ടെ നി​ല​വി​ലു​ണ്ടാ​യി​രു​ന്ന സീ​ബ്രാ​ലൈ​നു​ക​ൾ മാ​ഞ്ഞു.

കാ​ൽ​ന​ട​യാ​ത്ര​ക്കാ​ർ​ക്ക് റോ​ഡ് മു​റി​ച്ചു​ക​ട​ക്കാ​ൻ ഈ ​ഭാ​ഗ​ത്ത് ഡി​വൈ​ഡ​റു​ക​ൾ മാ​ത്ര​മാ​ണ് സ്ഥാ​പി​ച്ചി​രി​ക്കു​ന്ന​ത്. കാ​ൽ​ന​ട യാ​ത്ര​ക്കാ​ർ റോ​ഡ് മു​റി​ച്ചു​ക​ട​ക്കു​മ്പോ​ൾ വാ​ഹ​ന​ങ്ങ​ൾ വ​ള​രെ വേ​ഗ​ത്തി​ൽ വ​രി​ക​യും അ​പ​ക​ട​ങ്ങ​ൾ സം​ഭ​വി​ക്കു​ന്ന​തും പ​തി​വാ​ണ്.

അ​ശാ​സ്ത്രീ​യ​മാ​യി ഡി​വൈ​ഡ​റു​ക​ൾ സ്ഥാ​പി​ച്ചി​രി​ക്കു​ന്ന​തു​മൂ​ലം ഒ​രേ​സ​മ​യം മൂ​ന്നോ നാ​ലോ ആ​ളു​ക​ൾ​ക്ക് മാ​ത്ര​മാ​ണ് ഒ​രു​മി​ച്ച് റോ​ഡ് മു​റി​ച്ചു​കട​ക്കാ​ൻ ക​ഴി​യു​ന്ന​ത്. പ​ല സ​മ​യ​ങ്ങ​ളി​ലും റോ​ഡ് മു​റി​ച്ചു​ക​ട​ക്കാ​ൻ ക​ഴി​യാ​തെ റോ​ഡി​ന്‍റെ മ​ധ്യ​ഭാ​ഗ​ത്ത് കൂ​ട്ട​മാ​യി ആ​ളു​ക​ൾ നി​ൽ​ക്കു​ന്ന കാ​ഴ്ച​യു​മു​ണ്ട്.

ഇ​തോ​ടെ റോ​ഡി​ന്‍റെ പ​ല ഭാ​ഗ​ങ്ങ​ളി​ലൂ​ടെ​യും ആ​ളു​ക​ൾ മ​റി​ക​ട​ന്ന് സ​ഞ്ച​രി​ക്കു​മ്പോ​ൾ ഗ​താ​ഗ​ത​ക്കു​രു​ക്കി​നും ഒ​പ്പം അ​പ​ക​ട​ങ്ങ​ൾ​ക്കും ഇ​ട​യാ​കു​ന്നു​ണ്ട്. കൂ​ടു​ത​ൽ ആ​ളു​ക​ൾ​ക്ക് ഒ​രേ​സ​മ​യം റോ​ഡ് മു​റി​ച്ചു​കി​ട​ക്കാ​വു​ന്ന രീ​തി​യി​ൽ ഡി​വൈ​ഡ​റു​ക​ൾ സ്ഥാ​പി​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു​ണ്ട്.


മു​ണ്ട​ക്ക​യം സ​ർ​ക്കാ​ർ ആ​ശു​പ​ത്രി ജം​ഗ്ഷ​നി​ൽ ദേ​ശീ​യ​പാ​ത​യി​ൽ കാ​ൽ​ന​ട യാ​ത്ര​ക്കാ​ർ​ക്ക് റോ​ഡ് മു​റി​ച്ചു ക​ട​ക്കാ​ൻ സീ​ബ്രാ​ലൈ​നു​ക​ൾ സ്ഥാ​പി​ച്ചി​ട്ടു​ണ്ട്. എ​ന്നാ​ൽ, അ​ശാ​സ്ത്രീ​യ​മാ​യി ഇ​വി​ടെ സീ​ബ്രാ​ലൈ​നു​ക​ൾ വ​ര​ച്ചി​രി​ക്കു​ന്ന​തു​മൂ​ലം കി​ഴ​ക്കുഭാ​ഗ​ത്തു​നി​ന്നു വ​രു​ന്ന വാ​ഹ​ന യാ​ത്ര​ക്കാ​രു​ടെ ശ്ര​ദ്ധ​യി​ൽ ഇ​ത് പെ​ടി​ല്ല.

തൊ​ട്ട​ടു​ത്തെ​ത്തി​ക്ക​ഴി​യു​മ്പോ​ൾ മാ​ത്ര​മാ​ണ് യാ​ത്ര​ക്കാ​ർ റോ​ഡ് മു​റി​ച്ചു ക​ട​ക്കു​ന്ന​ത് ഡ്രൈ​വ​ർ​മാ​രു​ടെ ശ്ര​ദ്ധ​യി​ൽ​പ്പെ​ടു​ക. അ​പ്പോ​ഴേ​ക്കും അ​പ​ക​ടം സം​ഭ​വി​ച്ചു​ക​ഴി​യും. കൂ​ടാ​തെ കാ​ല​പ്പ​ഴ​ക്ക​ത്താ​ൽ സീ​ബ്രാ​ലൈ​നു​ക​ൾ മാ​ഞ്ഞു തു​ട​ങ്ങി​യ​ത് അ​പ​ക​ട​ങ്ങ​ൾ വ​ർ​ധി​പ്പി​ക്കു​ന്നു​ണ്ട്.

‌ടി​ബി ജം​ഗ്ഷ​നും മു​ണ്ട​ക്ക​യം ബ​സ് സ്റ്റാ​ൻ​ഡി​നു​മി​ട​യി​ലാ​യി മ​റ്റൊ​രു സീ​ബ്രാ​ലൈ​നു​ണ്ടെ​ങ്കി​ലും ഇ​തി​നോ​ടു ചേ​ർ​ന്ന് ബാ​രി​ക്കേ​ഡു​ക​ൾ വ​ച്ചി​രി​ക്കു​ന്ന​തു​മൂ​ലം കാ​ൽ​ന​ട യാ​ത്ര​ക്കാ​ർ​ക്ക് ഒ​ന്നി​ച്ച് റോ​ഡ് മു​റി​ച്ചു​ക​ട​ക്കാ​ൻ ക​ഴി​യി​ല്ല. ഇ​വി​ടെ​യും കാ​ല​പ്പ​ഴ​ക്ക​ത്താ​ൽ സീ​ബ്രാ​ലൈ​നു​ക​ൾ പാ​തി​ഭാ​ഗം മാ​ഞ്ഞ നി​ല​യി​ലാ​ണ്. കൂ​ടാ​തെ ദേ​ശീ​യ​പാ​യു​ടെ ഇ​രു​വ​ശ​ങ്ങ​ളി​ലെ​യും സീ​ബ്രാ​ലൈ​നു​ക​ൾ​ക്കും കാ​ല​പ്പ​ഴ​ക്ക​ത്താ​ൽ മ​ങ്ങ​ൽ സം​ഭ​വി​ച്ചി​ട്ടു​ണ്ട്.