അ​മ്പ​ല​ത്ത​റ: പ​റ​ക്ക​ളാ​യി ബ​ലി​പ്പാ​റ​യി​ൽ പു​ലി​യു​ടെ കാ​ൽ​പ്പാ​ടു​ക​ളും മൃ​ഗ​ങ്ങ​ളെ കൊ​ന്നു​തി​ന്ന​തി​ന്‍റെ അ​വ​ശി​ഷ്ട​ങ്ങ​ളും ക​ണ്ടെ​ത്തി. അ​ങ്ങി​ങ്ങാ​യി ചോ​ര​പ്പാ​ടു​ക​ളു​മു​ണ്ട്. ആ​ഴ്ച​ക​ളാ​യി പ്ര​ദേ​ശ​ത്തി​ന്‍റെ ഉ​റ​ക്കം കെ​ടു​ത്തു​ന്ന പു​ലി ക​ഴി​ഞ്ഞ ദി​വ​സ​ങ്ങ​ളി​ൽ ഇ​വി​ടെ ത​മ്പ​ടി​ച്ചി​രി​ക്കാ​മെ​ന്നാ​ണ് സൂ​ച​ന. നാ​ട്ടു​കാ​രു​ടെ​യും വ​നം​വ​കു​പ്പ് ഉ​ദ്യോ​ഗ​സ്ഥ​രു​ടെ​യും നേ​തൃ​ത്വ​ത്തി​ൽ സ​മീ​പ​പ്ര​ദേ​ശ​ങ്ങ​ളി​ൽ തെ​ര​ച്ചി​ൽ ന​ട​ത്തു​ന്നു​ണ്ട്. നേ​ര​ത്തേ പു​ലി​യെ ക​ണ്ട വെ​ള്ളൂ​ട, ബ​ർ​മ​ത്ത​ട്ട് തു​ട​ങ്ങി​യ സ്ഥ​ല​ങ്ങ​ളും ഇ​തി​ന​ടു​ത്താ​ണ്.

ദി​വ​സ​ങ്ങ​ൾ​ക്കു മു​മ്പ് ഇ​രി​യ മു​ട്ടി​ച്ച​ര​ലി​ൽ സം​സ്ഥാ​ന​പാ​ത​യ്ക്ക് സ​മീ​പം പു​ലി​യെ ക​ണ്ട​താ​യി വി​വ​രം ല​ഭി​ച്ചി​രു​ന്നു. മ​ടി​ക്കൈ, കോ​ടോം-​ബേ​ളൂ​ർ, പു​ല്ലൂ​ർ-​പെ​രി​യ പ​ഞ്ചാ​യ​ത്തു​ക​ളി​ലെ ഉ​ൾ​പ്ര​ദേ​ശ​ങ്ങ​ളി​ൽ ഏ​ക്ക​റു​ക​ളോ​ളം സ്ഥ​ല​ത്ത് വ്യാ​പി​ച്ചു​കി​ട​ക്കു​ന്ന കു​റ്റി​ക്കാ​ടു​ക​ളും വി​ജ​ന​മാ​യ സ്ഥ​ല​ങ്ങ​ളും ഉ​ള്ള​താ​ണ് പു​ലി​ക്ക് മ​റ​ഞ്ഞി​രി​ക്കാ​ൻ അ​നു​കൂ​ല​മാ​കു​ന്ന​ത്. പ​ല​യി​ട​ങ്ങ​ളി​ൽ മാ​റി​മാ​റി കാ​ണു​ന്ന​തി​നാ​ൽ വ​നം​വ​കു​പ്പി​ന് കൂ​ട് സ്ഥാ​പി​ക്കാ​ൻ​പോ​ലും ക​ഴി​യാ​ത്ത നി​ല​യാ​ണ്.