കു​ന്നും​കൈ: കേ​ര​ള​ത്തി​ലെ ഏ​റ്റ​വും വ​ലി​യ കാ​വാ​യ ക​മ്മാ​ടം കാ​വി​ൽ ജൈ​വ​വൈ​വി​ധ്യ പ​ഠ​ന​ത്തി​നും വി​നോ​ദ​സ​ഞ്ചാ​ര​ത്തി​നും കൂ​ടു​ത​ൽ അ​വ​സ​ര​മൊ​രു​ക്ക​ണ​മെ​ന്ന് ആ​വ​ശ്യ​മു​യ​രു​ന്നു. പ​ശ്ചി​മ​ഘ​ട്ട​ത്തി​ലെ അ​പൂ​ർ​വ​മാ​യ മി​റി​സ്റ്റി​ക്ക ച​തു​പ്പു​നി​ല​ങ്ങ​ള​ട​ക്ക​മു​ള്ള വൈ​വി​ധ്യ​മാ​ർ​ന്ന വ​ന​ഘ​ട​ന​യാ​ണ് 54.76 ഏ​ക്ക​ര്‍ വി​സ്തൃ​തി​യു​ള്ള കാ​വി​ന​ക​ത്തു​ള്ള​ത്.

ക​മ്മാ​ടം കാ​വി​ലെ 3.94 ഏ​ക്ക​ര്‍ സ്ഥ​ലം മാ​ത്ര​മാ​ണ് ദേ​വ​സ്വ​ത്തി​ന്‍റേ​താ​യി​ട്ടു​ള്ള​ത്. ബാ​ക്കി​യു​ള്ള സ്ഥ​ല​ത്തി​ല​ധി​ക​വും നേ​ര​ത്തേ റ​വ​ന്യൂ​വ​കു​പ്പി​ന്‍റെ കൈ​വ​ശ​മാ​യി​രു​ന്നു. ഇ​പ്പോ​ൾ ഇ​തി​ലേ​റെ​യും വി​വി​ധ പ​ദ്ധ​തി​ക​ളു​മാ​യി ബ​ന്ധ​പ്പെ​ട്ട് വ​നം​വ​കു​പ്പി​ന് കൈ​മാ​റാ​ൻ തീ​രു​മാ​നി​ച്ചി​രി​ക്കു​ക​യാ​ണ്.

ഇ​രൂ​ള്‍, ഈ​ട്ടി, വൈ​നാ​വ്, വെ​ണ്‍​തേ​ക്ക്, ചോ​ര​പ്പാ​ലി, വെ​ണ്‍​കൊ​ട്ട, കാ​ട്ടു​ജാ​തി​ക്ക എ​ന്നി​വ​യ​ട​ക്ക​മു​ള്ള മ​ര​ങ്ങ​ളും ഈ​റ്റ​ക്കാ​ടു​ക​ളും മ​ല​യ​ണ്ണാ​ന്‍, വേ​ഴാ​മ്പ​ല്‍ എ​ന്നി​വ​യു​ള്‍​പ്പെ​ടെ​യു​ള്ള ജ​ന്തു​ജാ​ല​ങ്ങ​ളും കാ​വി​ന​ക​ത്തു​ണ്ട്. ഇ​ട​തൂ​ര്‍​ന്ന മ​ര​ങ്ങ​ള്‍​ക്കി​ട​യി​ൽ മൂ​ന്നേ​ക്ക​റോ​ളം സ്ഥ​ല​ത്ത് വ്യാ​പി​ച്ചു​കി​ട​ക്കു​ന്ന മി​റി​സ്റ്റി​ക്ക ച​തു​പ്പു​നി​ല​ങ്ങ​ൾ കു​ളി​രും ദൃ​ശ്യ​ഭം​ഗി​യും ജൈ​വ​വൈ​വി​ധ്യ​ങ്ങ​ളും കൊ​ണ്ട് ശ്ര​ദ്ധേ​യ​മാ​ണ്. ക​ണ്ട​ൽ​ക്കാ​ടു​ക​ളെ​പ്പോ​ലെ വെ​ള്ള​ത്തി​ൽ വ​ള​രു​ന്ന ഉ​യ​രം കു​റ​ഞ്ഞ മ​ര​ങ്ങ​ളാ​ണ് ഈ ​ച​തു​പ്പു​നി​ല​ങ്ങ​ളി​ലു​ള്ള​ത്.

ജ​ലോ​പ​രി​ത​ല​ത്തി​നു മു​ക​ളി​ൽ വ​ള​ഞ്ഞു​നി​ൽ​ക്കു​ന്ന വേ​രു​ക​ളു​ടെ ശൃം​ഖ​ല​യും ഇ​വ​യെ വേ​റി​ട്ട​താ​ക്കു​ന്നു. തേ​ജ​സ്വി​നി പു​ഴ​യു​ടെ കൈ​വ​ഴി​ക​ളാ​യി മാ​റു​ന്ന അ​ഞ്ച് അ​രു​വി​ക​ള്‍ കാ​വി​ല്‍​നി​ന്നും ഉ​ത്ഭ​വി​ക്കു​ന്നു​ണ്ട്. വ​നം​വ​കു​പ്പും ദേ​വ​സ്വം ബോ​ർ​ഡും സ​ഹ​ക​രി​ച്ചാ​ൽ ക​മ്മാ​ടം കാ​വി​ലും കോ​ട്ട​ഞ്ചേ​രി​യി​ലെ വ​ന​വി​ദ്യാ​ല​യ​ത്തി​ന്‍റെ മാ​തൃ​ക​യി​ൽ വി​ദ്യാ​ർ​ഥി​ക​ളെ​യ​ട​ക്കം പ​ങ്കെ​ടു​പ്പി​ച്ച് ക്യാ​മ്പു​ക​ൾ ന​ട​ത്താ​നാ​കു​മെ​ന്ന് നാ​ട്ടു​കാ​ർ ചൂ​ണ്ടി​ക്കാ​ട്ടു​ന്നു. വ​ന​ഭൂ​മി​ക്കൊ​പ്പം റ​വ​ന്യൂ​ഭൂ​മി​യും ഉ​ള്ള​തി​നാ​ൽ വി​നോ​ദ​സ​ഞ്ചാ​ര വി​ക​സ​ന​ത്തി​നാ​യി കൂ​ടു​ത​ൽ അ​ടി​സ്ഥാ​ന​സൗ​ക​ര്യ​ങ്ങ​ളൊ​രു​ക്കാ​നും ബു​ദ്ധി​മു​ട്ടു​ണ്ടാ​വി​ല്ല.