തൃ​ക്ക​രി​പ്പൂ​ർ: പൗ​ര​സ്ത്യ ഉ​പ​ക​ര​ണ​ങ്ങ​ളാ​യ ചെ​ണ്ട​യും ഇ​ട​ക്ക​യും തി​മി​ല​യും ത​ബ​ല​യും പാ​ശ്ചാ​ത്യ വാ​ദ്യോ​പ​ക​ര​ണ​ങ്ങ​ളാ​യ ഗി​റ്റാ​റും വ​യ​ലി​നും ജാ​സ് ഡ്രം​സും കൂ​ടെ കീ​ബോ​ർ​ഡും ഹാ​ർ​മോ​ണി​യ​വും ചേ​രു​മ്പോ​ൾ ക​ഥ എ​ന്താ​വും. ഇ​വ​യൊ​ക്കെ ഒ​രു​മി​ച്ച് ചേ​ർ​ത്തു​ള്ള തൃ​കാ​യ മ്യൂ​സി​ക് ഫ്യൂ​ഷ​ൻ രാ​മ​വി​ല്യം ക​ഴ​കം പെ​രു​ങ്ക​ളി​യാ​ട്ട മ​ഹോ​ത്സ​വ ന​ഗ​രി​യി​ൽ സം​ഗീ​ത പെ​രു​മ​ഴ പെ​യ്യി​ച്ചു.

മ​ട്ട​ന്നൂ​ർ ശ​ങ്ക​ര​ൻ​കു​ട്ടി​യും നാ​ദ​പ്ര​തി​ഭ പ്ര​കാ​ശ് ഉ​ള്ളി​യേ​രി​യും ചേ​ർ​ന്ന് ഒ​രു​ക്കി​യ തൃ​കാ​യ മ്യൂ​സി​ക് ബാ​ൻ​ഡൊ​രു​ക്കി​യ ഫ്യൂ​ഷ​ൻ സം​ഗീ​ത ആ​സ്വാ​ദ​ക​രെ ഇ​ള​ക്കി​മ​റി​ച്ചു. പാ​ട്ട് ആ​വ​ശ്യ​പ്പെ​ട്ട് സെ​ക്ക​ൻ​ഡു​ക​ൾ​ക്ക​കം അ​തു മെ​ല​ഡി​യെ​ന്നോ സെ​മി​ക്ലാ​സി​ക്ക​ലെ​ന്നോ നാ​ട​ക ഗാ​ന​മെ​ന്നോ അ​തി​ല​പ്പു​റം നാ​ട​ൻ പാ​ട്ടു​ക​ൾ പോ​ലും ഹാ​ർ​മോ​ണി​യം ഉ​പ​യോ​ഗി​ച്ച പ്ര​കാ​ശ് ഉ​ള്ളി​യേ​രി ആ​സ്വാ​ദ​ക​രെ വി​സ്മ​യി​പ്പി​ച്ചു.

ഫ്യൂ​ഷ​ൻ അ​വ​ത​ര​ണ​ത്തി​ൽ മ​ട്ട​ന്നൂ​ർ ശ​ങ്ക​ര​ൻ​കു​ട്ടി,മ​ക്ക​ളാ​യ ശ്രീ​രാ​ജ്, ശ്രീ​കാ​ന്ത് എ​ന്നി​വ​ർ​ക്കൊ​പ്പം ഒ​റ്റ​പ്പാ​ലം ഹ​രി തി​മി​ല​യുംമ​ഹേ​ഷ് മ​ണി ത​ബ​ല​യും ഋ​ഷി​കേ​ശ് ഡ്രം​സും വാ​യി​ച്ചു. ആ​യി​ര​ങ്ങ​ളാ​ണ് മ്യൂ​സി​ക് ഫ്യൂ​ഷ​ൻ ആ​സ്വ​ദി​ക്കാ​നെ​ത്തി​യ​ത്.