എ​സ്. രാ​ജേ​ന്ദ്ര​കു​മാ​ർ

വി​ഴി​ഞ്ഞം: മാ​സ​ങ്ങ​ൾ നീ​ണ്ട അ​നി​ശ്ചി​ത​ത്വ​ത്തി​നു വി​രാ​മം, കേ​ര​ള​ത്തി​ന്‍റെ സ്വ​പ്ന പ​ദ്ധ​തി​യാ​യ വി​ഴി​ഞ്ഞം അ​ന്താ​രാ​ഷ്ട്ര തു​റ​മു​ഖം മേ​യ് രണ്ടിനു ​രാ​ജ്യ​ത്തി​ന് സ​മ​ർ​പ്പി​ക്കും. മേയ് രണ്ടിനു രാ​വി​ലെ 11നു തു​റ​മു​ഖ​ത്തു ന​ട​ക്കു​ന്നച​ട​ങ്ങി​ൽ പ്ര​ധാ​ന​മ​ന്ത്രി​ ന​രേ​ന്ദ്രമോ​ദി​സമർപ്പണ പ്ര​ഖ്യാ​പ​നം ന​ട​ത്തും. ഇ​തോ​ടെ ​ദ​ക്ഷി​ണേ​ഷ്യ​യി​ലെ ആ​ദ്യ സെ​മി ഓ​ട്ടോ​മേ​റ്റ​ഡ് തു​റ​മു​ഖ​മാ​യ വി​ഴി​ഞ്ഞം ഇ​ന്ത്യ​യു​ടെ വാ​ണി​ജ്യ ക​വാ​ട​മാ​യി മാ​റു​മെ​ന്ന വി​ശ്വാ​സ​ത്തി​ലാ​ണ് അ​ധി​കൃ​ത​ർ.

2024 ജൂ​ലൈ 13 മു​ത​ൽ ട്ര​യ​ൽ റ​ണ്ണും ഡി​സം​ബ​ർ മൂ​ന്നു മു​ത​ൽ വാ​ണി​ജ്യാ​ടി​സ്ഥാ​ന​ത്തി​ൽ പ്ര​വ​ർ​ത്ത​നവും തു​ട​ങ്ങി​യെ​ങ്കി​ലും ക​മ്മീഷ​നിം​ഗ് അ​ന​ന്ത​മാ​യി നീ​ളുകയായിരുന്നു. അ​ധി​കൃ​ത​രു​ടെ പ്ര​തീ​ക്ഷ​കൾ മ​റി​ക​ട​ന്നു ക​പ്പ​ൽ വ​ര​വി​ലും ക​ണ്ടെയ്ന​ർ ക​യ​റ്റി​റ​ക്കി​ലും വ​ൻ വ​ർ​ധ​ന​വു​ണ്ടായി. സ​ർ​ക്കാ​രി​ന്‍റെ ഖ​ജ​നാ​വി​ൽ ജി​എ​സ്ടി ​ഇ​ന​ത്തി​ൽ മാ​ത്രം കോ​ടി​ക​ൾ വ​ന്നെ​ങ്കി​ലും ക​മ്മീ​ഷ​നിം​ഗ് പ്ര​ഖ്യാ​പ​ത്തി​ന് ആ​രു​മു​ണ്ടാ​യി​ല്ല.​
കേ​ര​ള​വും കേ​ന്ദ്ര​വും ത​മ്മി​ലു​ള്ള അ​ഭി​പ്രാ​യ​വ്യ​ത്യാ​സ​മാ​ണ് പ്ര​ഖ്യാ​പ​നം നീ​ണ്ടു പോ​കാ​ൻ കാ​ര​ണ​മെ​ന്ന ആ​രോ​പ​ണ​വും ഇ​തി​നകം ഉ​യ​ർ​ന്നി​രു​ന്നു.

ചു​രു​ങ്ങി​യ കാ​ല​യ​ള​വി​നു​ള്ളി​ൽ എ​ത്തി​ച്ചേ​ർ​ന്ന 263 കൂ​റ്റ​ൻ ക​പ്പ​ലു​ക​ളി​ൽ നി​ന്നാ​യി 5.36 ല​ക്ഷം ടിഇയു ക​ണ്ടെ​യ്ന​റുകൾ കൈ​കാ​ര്യം ചെ​യ്ത് ലോ​ക​ത്തെ വി​സ്മ​യി​പ്പി​ച്ചു മു​ന്നേ​റു​ക​യാ​ണു വി​ഴി​ഞ്ഞം. ക​ഴി​ഞ്ഞ മൂ​ന്നു മാ​സ​ങ്ങ​ളി​ൽ ഇ​ന്ത്യ​യി​ലെ ദ​ക്ഷി​ണ, പ​ശ്ചി​മ തീ​ര​ത്തെ തു​റ​മു​ഖ​ങ്ങ​ളി​ലെ ച​ര​ക്കു നീ​ക്ക​ത്തി​ൽ ഒ​ന്നാം സ്ഥാ​നം നേ​ടി​യാ​ണ് വി​ഴി​ഞ്ഞ​ത്തി​ന്‍റെ ജൈ​ത്ര​യാ​ത്ര. പ്ര​തി​മാ​സം ഒരു ല​ക്ഷം ടി​ഇ​യു കൈ​കാ​ര്യം ചെ​യ്യു​ക എ​ന്ന നേ​ട്ട​വും വി​ഴി​ഞ്ഞം സ്വ​ന്ത​മാ​ക്കി.

ഇ​ന്ത്യ​യി​ൽ ഇ​തു​വ​രെ എ​ത്തി​യ ക​പ്പ​ലു​ക​ളി​ൽ ഏ​റ്റ​വും വ​ലു​തെ​ന്നു പ​റ​യാ​വു​ന്ന എം​എ​സ്‌​സി - തു​ർ​ക്കി ഉ​ൾ​പ്പെ​ടെ​യു​ള്ള​വ ​സു​ഗ​മ​മാ​യി ബെ​ർ​ത്ത് ചെ​യ്തും വി​ഴി​ഞ്ഞ​ത്തി​ന്‍റെ ക​ഴി​വ് ലോ​ക​ത്തെ ബോ​ധ്യപ്പെ​ടു​ത്തി.​ യൂ​റോ​പ്പി​ലേ​ക്കു​ള്ള എം​എ​സ്‌സി​യു​ടെ പ്ര​തി​വാ​ര സ​ർ​വീ​സ് ആ​യ ജേ​ഡ് സ​ർ​വീ​സും വി​ഴി​ഞ്ഞ​ത്തുനി​ന്ന് ആ​രം​ഭി​ച്ച​തും യ​ശ​സ് കൂ​ടാ​ൻ വ​ഴി​തെ​ളി​ച്ചു.

റോ​ഡ്, റെ​യി​ൽ ക​ണ​ക്റ്റി​വി​റ്റി പ്രാ​വ​ർ​ത്തി​ക​മാ​ക്കി ച​ര​ക്ക് ഗ​താ​ഗ​തം സു​ഗ​മ​മാ​കു​മ്പോ​ൾ വി​ഴി​ഞ്ഞം അ​ന്താ​രാ​ഷ്ട്ര തു​റ​മു​ഖം കേ​ര​ള​ത്തി​നു മു​ൻ​പി​ൽ വ​ലി​യ വി​ക​സ​ന സാ​ധ്യ​ത​ക​ൾ തു​റ​ന്നി​ടുമെ​ന്നാ​ണ് അ​ധി​കൃ​ത​രു​ടെ വി​ല​യി​രു​ത്ത​ൽ. എ​ന്നാ​ൽ ഇ​വ പൂ​ർ​ത്തി​യാ​ക്കി ക​ര​മാ​ർ​ഗ​മു​ള്ള വി​ക​സ​നം ജ​ന​ത്തി​ന് അ​നു​ഭ​വി​ച്ച​റി​യ​ണ​മെ​ങ്കി​ൽ ഇ​നി​യും വ​ർ​ഷ​ങ്ങ​ൾ വേ​ണ്ടി വ​രും. 2001 ഡി​സം​ബ​ർ അ​ഞ്ചി​നാ​ണ് വി​ഴി​ഞ്ഞം അ​ന്താ​രാ​ഷ്ട്ര തു​റ​മു​ഖ​ത്തി​നു തു​ട​ക്കം കു​റി​ച്ച​ത്. മു​ഖ്യ​മ​ന്ത്രി​യാ​യി​രു​ന്ന ഉ​മ്മ​ൻ ചാ​ണ്ടി ഉ​ൾ​പ്പെ​ടെ​യു​ള്ള​വ​രെ സാ​ക്ഷി​യാ​ക്കി മൂ​വാ​യി​രം ദി​വ​സ​ത്തി​നു​ള്ളി​ൽ തു​റ​മു​ഖ​ത്തി​ന്‍റെ ഒ​ന്നാം ഘ​ട്ടം പൂ​ർ​ത്തി​യാ​ക്കി ആ​ദ്യ ക​പ്പ​ല​ടു​പ്പി​ക്കു​മെ​ന്ന പ്ര​ഖ്യാ​പ​നം ഗൗതം ​അ​ദാ​നി ന​ട​ത്തി.

എ​ന്നാ​ൽ പി​ന്നീടുണ്ടാ​യ ഓ​ഖി​യെ​ന്ന പ്ര​കൃ​തി ദു​ര​ന്ത​വും മ​ത്സ്യ​ത്തൊ​ഴി​ലാ​ളി​ക​ളു​ടെ അ​തിജീ​വ​ന സ​മ​ര​വും നി​ർ​മാ​ണ ത്തെ ​പി​ന്നോ​ട്ട​ടി​ച്ചെ​ങ്കി​ലും പാ​റ ഉ​ൾ​പ്പെ​ടെ​യു​ള്ള​വ​യു​ടെ കാ​ര്യ​ത്തി​ൽ സ​ർ​ക്കാ​രി​ന്‍റെ മെ​ല്ലെ​പ്പോ​ക്കും വ​ലി​യ തി​രി​ച്ച​ടി​യാ​യി. അ​ഞ്ചു വ​ർ​ഷം കൊ​ണ്ട് അ​ദാ​നി പൂ​ർ​ത്തി​യാ​ക്കി​യ കൊ​ളം​ബോ പോ​ർ​ട്ട് ടെ​ർ​മി​ന​ൽ ഒ​രാ​ഴ്ച മു​ൻ​പ് ശ്രീ​ല​ങ്ക​ൻ സ​ർ​ക്കാ​ർ ക​മ്മീഷ​ൻ ചെ​യ്തെ​ങ്കി​ലും ഒ​ൻ​പ​ത് വ​ർ​ഷ​മാ​യി നി​ർ​മാ​ണം തു​ട​രു​ന്ന അ​ദാ​നി​യു​ടെ ത​ന്നെ വി​ഴി​ഞ്ഞം തു​റ​മു​ഖ​ത്തി​ന്‍റെ കാ​ര്യ​ത്തി​ൽ തീ​രു​മാ​ന​മു​ണ്ടാ​യി​രു​ന്നി​ല്ല.

ഒ​ടു​വി​ൽ ര​ണ്ടു ദി​വ​സം മു​ൻ​പ് പ്ര​ധാ​ന​മ​ന്ത്രി​യു​ടെ ഓ​ഫീ​സി​ൽനി​ന്നു​ള്ള അ​റി​യി​പ്പ് സ​ർ​ക്കാ​രി​ന് ല​ഭി​ച്ച തോ​ടെ​യാ​ണ് അ​നി​ശ്ചി​ത​ത്വ​ം നീങ്ങിയത്.