പേ​രൂ​ര്‍​ക്ക​ട: ച​ന്ദ്ര​ശേ​ഖ​ര​ന്‍ നാ​യ​ര്‍ സ്റ്റേ​ഡി​യ​ത്തി​നു സ​മീ​പ​ത്തെ വ ണ്‍​വേ റോ​ഡി​ല്‍ സൂ​ച​നാ ബോ​ര്‍​ഡു​ക​ള്‍ സ്ഥാ​പി​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു. കേ​ര​ള സ​ര്‍​വ​ക​ലാ​ശാ​ല റോ​ഡി​ല്‍നി​ന്നു തി​രി​ഞ്ഞു സ്റ്റേ​ഡി​യ​ത്തി​നു പി​റ​കി​ലെ വണ്‍​വേ റോ​ഡി​ലൂ​ടെ​യാ​ണു പ​ട്ടം ഭാ​ഗ​ത്തേ​ക്കും വെ​ള്ള​യ​മ്പ​ലം ഭാ​ഗ​ത്തേ​ക്കും വാ​ഹ​ന​ങ്ങ​ള്‍ പോ​കു​ന്ന​ത്.

എ​തി​ര്‍​വ​ശ​ത്തു​നി​ന്നു വാ​ഹ​ന​ങ്ങ​ള്‍ വ​രി​ല്ലെ​ന്ന ധാ​ര​ണ​യി​ല്‍ വ​ണ്‍​വേ റോ​ഡി​ലൂ​ടെ സാ​ധാ​ര​ണ​ഗ​തി​യി​ല്‍ വാ​ഹ​ന​ങ്ങ​ള്‍ ന​ല്ല വേ​ഗ​ത്തി​ലാ​യി​രി​ക്കും സ​ഞ്ച​രി​ക്കു​ന്ന​ത്. വെ​ള്ളി​യാ​ഴ്ച രാ​ത്രി 10 മ​ണി​യോ​ട​ടു​ത്ത് എ​ന്‍​ഫീ​ല്‍​ഡ് ബൈ​ക്കും ആ​ര്‍15 ബൈ​ക്കും കൂ​ട്ടി​യി​ടി​ച്ച് അ​പ​ക​ട​മു​ണ്ടാ​യിരുന്നു. എ​ന്‍​ഫീ​ല്‍​ഡ് ഓ​ടി​ച്ചി​രു​ന്ന​യാ​ള്‍ ഒ​ണ്‍​വേ തെ​റ്റി​ച്ച് സ്റ്റേ​ഡി​യ​ത്തി​നു പി​റ​കു​വ​ശ​ത്തെ റോ​ഡി​ലൂ​ടെ യൂ​ണി​വേ​ഴ്‌​സി​റ്റി ഭാ​ഗ​ത്തേ​ക്കു സ​ഞ്ച​രി​ച്ച​താ​ണ് അ​പ​ക​ട​ത്തി​നിട​യാ​ക്കി​യ​ത്.

ആ​ര്‍15 ബൈ​ക്കി​ല്‍ സ​ഞ്ച​രി​ച്ചി​രു​ന്ന യു​വാ​വിനു ഗു​രു​ത​ര​മാ​യി പ​രി​ക്കേ​റ്റു. ഇയാൾ തി​രു​വ​ന​ന്ത​പു​രം മെ​ഡി​ക്ക​ല്‍​ കോ​ള​ജ് ആ​ശു​പ​ത്രി​യി​ല്‍ ചി​കി​ത്സ​യി​ലാ​ണ്. എ​തി​ര്‍​വ​ശ​ത്തു​നി​ന്നു വാ​ഹ​നം വ​രു​ന്ന​തു​ക​ണ്ടു വാ​ഹ​നം നി​യ​ന്ത്ര​ണം വി​ട്ട​താ​ണ് അ​പ​ക​ട​മു​ണ്ടാ​കാ​ന്‍ കാ​ര​ണം.

ബൈ​ക്ക് എ​ന്‍​ഫീ​ല്‍​ഡി​ന്‍റെ ഒ​രു​വ​ശ​ത്ത് ഇ​ടി​ച്ച​ശേ​ഷം സ​മീ​പ​ത്തെ ഡി​വൈ​ഡ​റി​ലും മ​തി​ലി​ലു​മാ​യി ഇ​ടി​ക്കു​ക​യാ​യി​രു​ന്നു. ഇ​ടി​യു​ടെ ആ​ഘാ​ത​ത്തി​ല്‍ യു​വാ​വ് സ​ഞ്ച​രി​ച്ച ബൈ​ക്ക് പൂ​ര്‍​ണ​മാ​യും ത​ക​ര്‍​ന്നി​രു​ന്നു. മു​ന്‍​വ​ശ​ത്തെ വീ​ല്‍ ഇ​ള​കി മാ​റി. തി​രി​ച്ച​റി​യാ​നാ​കാ​ത്ത നി​ല​യി​ലാ​യി​രു​ന്നു വാ​ഹ​ന​മെ​ങ്കി​ലും യു​വാ​വി​ന് സാ​ര​മാ​യ പ​രി​ക്കു​ണ്ടാ​യി​ല്ല.

വ​ണ്‍​വേ റോ​ഡി​ല്‍ അ​ജ്ഞത​മൂ​ലം ബൈ​ക്കു​ക​ള്‍ മു​മ്പും ഇ​തു​പോ​ലെ എ​ത്തി​യി​ട്ടു​ണ്ടെ​ങ്കി​ലും ഇ​ത്ര​യും വ​ലി​യ അ​പ​ക​ട​മൊ​ന്നും ഉ​ണ്ടാ​യി​ട്ടി​ല്ല. വണ്‍​വേ തി​രി​ഞ്ഞു​വ​രു​മ്പോ​ള്‍ വ​ള​വി​ലാ​ണ് സാ​ധാ​ര​ണ​ഗ​തി​യി​ല്‍ അ​പ​ക​ട​ങ്ങ​ള്‍ ഉ​ണ്ടാ​കാ​റു​ള്ള​ത്. ഇതോ ടെയാണ് സ്റ്റേ​ഡി​യ​ത്തി​നു പി​റ​കു​വ​ശ​ത്തേ​ക്കു തി​രി​യു​ന്ന ഭാ​ഗ​ത്തു ബോ​ര്‍​ഡു​ക​ള്‍ സ്ഥാ​പി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി​ട്ടു​ള്ളത്. വ​ണ്‍​വേ റോ​ഡ് സൂ​ചി​പ്പി​ക്കു​ന്ന റി​ഫ്‌​ള​ക്ട​റു​ക​ള്‍ സ്ഥാ​പി​ക്കു​ക​യോ പ​രി​ശോ​ധ​ന​ക​ള്‍ ശ​ക്ത​മാ​ക്കു​ക​യോ ചെയ്യണം.