ബാലരാമപുരം ഉപജില്ലാ കലോത്സവം; ചിത്രരചന മത്സരങ്ങളില്‍ പെണ്‍തിളക്കം
1467859
Sunday, November 10, 2024 2:40 AM IST
നെയ്യാറ്റിന്‍കര : ബാലരാമപുരം വിദ്യാഭ്യാസ ഉപജില്ലാ കലോത്സവത്തില്‍ ആദ്യ ദിനം നടന്ന യുപി, എച്ച് എസ്, എച്ച്എസ്എസ് വിഭാഗം ചിത്രരചന മത്സരങ്ങളില്‍ പെണ്‍കുട്ടികള്‍ ജേതാക്കള്‍.
യുപി വിഭാഗത്തില്‍ എണ്ണഛായം ചിത്രരചന മത്സരത്തില്‍ നെല്ലിമൂട് ന്യൂ എച്ച്എസ്എസിലെ എ.എസ്.ദേവികയും പെന്‍സില്‍ ഡ്രോയിംഗില്‍ നേമം വിക്ടറി ഗേള്‍സ് എച്ച്.എസിലെ എസ്. ആര്യയും ജില്ലാ തലത്തില്‍ മത്സരിക്കാന്‍ യോഗ്യത നേടി.
എച്ച്എസ് വിഭാഗത്തില്‍ എണ്ണഛായം മത്സരത്തില്‍ വെങ്ങാനൂര്‍ ഗവ.മോഡല്‍ എച്ച്എസ്എസിലെ ബി.എ.ഭദ്രയും ജലഛായത്തില്‍ നെല്ലിമൂട് സെന്‍റ് ക്രിസോസ്റ്റംസ് ജിഎച്ച്എസിലെ അബിയ ബിനോദും പെന്‍സില്‍ ഡ്രോയിംഗില്‍ സെന്‍റ് ക്രിസോസ്റ്റംസിലെ എസ്.ആര്‍.വൈഗയും കാര്‍ട്ടൂണില്‍ സെന്‍റ് ക്രിസോസ്റ്റംസിലെ സയീഫ ഫാത്തിമയും എ .ഗ്രേഡും അഞ്ച് പോയിന്‍റും കരസ്ഥമാക്കി.
എച്ച്എസ്എസ് വിഭാഗത്തില്‍ കൊളാഷില്‍ നെല്ലിമൂട് ന്യൂ എച്ച്എസ്എസിലെ എ.എസ്.അനന്യയും ചിത്രരചന എണ്ണഛായത്തില്‍ നെല്ലിമൂട് സെന്‍റ് ക്രിസോസ്റ്റംസിലെ കെ.വി.അലീനയും പെന്‍സില്‍ ഡ്രോയിംഗില്‍ കോട്ടുകാല്‍ ഗവ. വിഎച്ച്എസ്എസിലെ എ.എസ് അപര്‍ണയും ജില്ലാ തല മത്സരങ്ങളില്‍ ബാലരാമപുരം ഉപജില്ലയെ പ്രതിനിധീകരിക്കും.