ചിറ്റൂർ: താലൂക്കിൽ 27, 28 തിയതികളിൽ ശുരസസംഹാര മഹോത്സവം ആഘോഷിക്കാൻ സുബ്രഹ്്മണ്യസ്വാമി ക്ഷേത്രങ്ങളിൽ ഒരുക്കങ്ങൾ സജീവം.
കൊടുവായൂർ, നല്ലേപ്പിള്ളി, ചിറ്റൂർ, കൊല്ലങ്കോട്, തത്തമംഗലം, നന്ദിയോട് ഉൾപ്പെടെ ക്ഷേത്രങ്ങളിലാണ് താലൂക്കിൽ ആഘോഷം വിപുലമായി നടക്കുന്നത്.
ഇതിനു മുന്നോടിയായി ക്ഷേത്രങ്ങളിൽ സ്കന്ദഷഷ്ടി പാരായണവും നടന്നുവരികയാണ്. സംഹാര ചടങ്ങിൽ പങ്കെടുപ്പിക്കാൻ അസുരരൂപങ്ങളുടെ നിർമാണ ജോലികളും അവസാന ഘട്ടത്തിലെത്തി. 27നാണ് ശൂരസംഹാരം.28ന് വൈകുന്നേരം സുബ്രമണ്യസ്വാമി തിരുകല്യാണചടങ്ങും തുടർന്നു നടക്കുന്ന എഴുന്നള്ളത്തോടെ ഉത്സവത്തിനു സമാപനമാവും.
താലൂക്കിൽ തമിഴ് വംശജർ കൂടുതലായി വസിക്കുന്നയിടങ്ങളിലാണ് നൂറ്റാണ്ടുകളായി ശൂരസംഹാരചടങ്ങ് നടത്തിവരുന്നത്.
Tags : local