കൊടുവായൂർ: സ്ത്രീകളെ ശാക്തീകരിക്കുന്നതിന്റെ ഭാഗമായി കൊടുവായൂർ ഗ്രാമപഞ്ചായത്ത് ലക്ഷ്യമിട്ട വനിതാ ജിംനേഷ്യം യാഥാർഥ്യമായി.
ഗ്രാമപഞ്ചായത്തിന്റെ 2025-26 വാർഷിക പദ്ധതിയിൽ ഉൾപ്പെടുത്തി നിർമിച്ച ജിംനേഷ്യം കൊടുവായൂർ ചന്തപ്പെട്ടക്ക് സമീപമുള്ള പഞ്ചായത്ത് ഷോപ്പിംഗ് കോംപ്ലക്സിലാണ് പ്രവർത്തനം ആരംഭിച്ചത്. കെ. ബാബു എംഎൽഎ ഉദ്ഘാടനം ചെയ്തു.
ഗ്രാമപഞ്ചായത്ത് പ്രസിഡന്റ് വി. പ്രേമ സുകുമാരൻ അധ്യക്ഷത വഹിച്ചു. വനിതാ ഘടകപദ്ധതിയിൽ ഉൾപ്പെടുത്തി 16 ലക്ഷംരൂപ ചെലവഴിച്ചാണ് ജിംനേഷ്യം സജ്ജീകരിച്ചിട്ടുള്ളത്. ഗ്രാമ പഞ്ചായത്ത് വൈസ് പ്രസിഡന്റ് എം. ആറുമുഖൻ, സ്റ്റാൻഡിംഗ് കമ്മിറ്റി ചെയർമാന്മാർ, സെക്രട്ടറി കെ. നാരായണൻ പങ്കെടുത്തു.
Tags : local