നെ​ന്മാ​റ: ര​ണ്ടാം​വി​ള നെ​ൽ​കൃ​ഷി​ക്കാ​യി ഉ​ഴു​തു പാ​ക​പ്പെ​ടു​ത്തി​യ നെ​ൽ​പ്പാ​ട​ങ്ങ​ളി​ൽ ആ​ഫ്രി​ക്ക​ൻ​ച​ണ്ടി പെ​രു​കു​ന്നു.

കൊ​യ്ത്തു​ക​ഴി​ഞ്ഞ സ​മ​യ​ത്ത് നെ​ൽ​പ്പാ​ട​ത്ത് ചെ​റി​യ​തോ​തി​ൽ ക​ണ്ടി​രു​ന്ന ച​ണ്ടി​ക​ൾ ഉ​ഴു​തു​മ​റി​ച്ച് പാ​ക​പ്പെ​ടു​ത്തി വെ​ള്ളം​കെ​ട്ടി നി​ർ​ത്തി​യ​തോ​ടെ​യാ​ണ് ദി​വ​സ​ങ്ങ​ൾ​ക്ക​കം പെ​രു​കി ക​ണ്ടം മു​ഴു​വ​ൻ വ്യാ​പി​ച്ച​ത്.തു​റ​ന്ന സൂ​ര്യ​പ്ര​കാ​ശ​വും ആ​വ​ശ്യ​ത്തി​ന് വെ​ള്ള​വും ല​ഭി​ച്ച​തോ​ടെ​യാ​ണ് ദി​വ​സ​ങ്ങ​ൾ കൊ​ണ്ടാ​ണ് വ്യാ​പ​ക​മാ​യി പെ​രു​കി​യ​ത്.

അ​ക​ലെ​യു​ള്ള ഉ​പ​യോ​ഗ​ശൂ​ന്യ​മാ​യ കു​ള​ത്തി​ൽ നി​ന്ന് മ​ഴ​വെ​ള്ള​ത്തി​ലൂ​ടെ വി​ത്തു​ക​ൾ ഒ​ഴു​കി വ​ന്ന​താ​വാം കാ​ര​ണ​മെ​ന്നു ക​ർ​ഷ​ക​ർ പ​റ​യു​ന്നു. അ​യി​ലൂ​ർ കൃ​ഷി​ഭ​വ​ൻ പ​രി​ധി​യി​ലെ ചെ​ട്ടി​കു​ള​മ്പ് നെ​ൽ​പ്പാ​ട​ങ്ങ​ളി​ലാ​ണ് വ്യാ​പ​ക​മാ​യി ആ​ഫ്രി​ക്ക​ൻ ച​ണ്ടി പെ​രു​കി​യ​ത്. ക​ർ​ഷ​ക​നാ​യ ചെ​ട്ടി​കു​ള​മ്പ് എ. ​സേ​തു​മാ​ധ​വ​ൻ ര​ണ്ടു​ദി​വ​സ​ങ്ങ​ളാ​യി തൊ​ഴി​ലാ​ളി​ക​ളെ ഉ​പ​യോ​ഗി​ച്ച് ച​ണ്ടി എ​ടു​ത്ത് വ​ര​മ്പി​ലേ​ക്ക് മാ​റ്റു​ക​യാ​ണ്. ഞാ​റു പാ​കാ​നോ, വി​ത​യ്ക്കാ​നോ പ​റ്റാ​ത്ത രീ​തി​യി​ൽ ദി​വ​സ​ങ്ങ​ൾ​ക്ക​കം നെ​ൽ​പ്പാ​ടം മു​ഴു​വ​ൻ വ്യാ​പി​ച്ച​ത് ക​ർ​ഷ​ക​ർ​ക്ക് ബു​ദ്ധി​മു​ട്ടാ​യി.

ഈ ​ച​ണ്ടി നീ​ക്കു​ന്ന​തി​ന് അ​ധി​ക സാ​മ്പ​ത്തി​ക ചെ​ല​വും ക​ർ​ഷ​ക​ർ​ക്ക് വ​രു​ന്ന​താ​യി സേ​തു​മാ​ധ​വ​ൻ പ​റ​ഞ്ഞു.വി​ത്തി​റ​ക്കാ​ത്ത ക​ർ​ഷ​ക​ർ ക​ള​നാ​ശി​നി ത​ളി​ച്ച് ന​ശി​പ്പി​ക്കാ​ൻ പ​രീ​ക്ഷ​ണം ന​ട​ത്തു​ന്നു​ണ്ട്. വെ​ള്ള​ത്തി​ൽ പൊ​ങ്ങി​ക്കി​ട​ക്കു​ന്ന ക​ള​യാ​യ​തി​നാ​ൽ ട്രാ​ക്ട​ർ ഉ​പ​യോ​ഗി​ച്ച് ഉ​ഴു​തു​മ​റി​ക്കു​മ്പോ​ഴും ര​ക്ഷ​യി​ല്ലെ​ന്നു ക​ർ​ഷ​ക​ർ പ​റ​യു​ന്നു.

Tags : local