ന്യൂ​യോ​ര്‍​ക്ക്: അ​ര്‍​ജ​ന്‍റൈ​ന്‍ സൂ​പ്പ​ര്‍ താ​രം ല​യ​ണ​ല്‍ മെ​സി​യു​ടെ ഇ​ര​ട്ട ഗോ​ള്‍ ബ​ല​ത്തി​ല്‍ ലോ​സ് ആ​ഞ്ച​ല​സ് എ​ഫ്‌​സി​യെ കീ​ഴ​ട​ക്കി ഇ​ന്‍റ​ര്‍ മ​യാ​മി കോ​ണ്‍​കാ​കാ​ഫ് ചാ​മ്പ്യ​ന്‍​സ് ക​പ്പ് ഫു​ട്‌​ബോ​ള്‍ സെ​മി ഫൈ​ന​ലി​ല്‍.

ആ​ദ്യ​പാ​ദ ക്വാ​ര്‍​ട്ട​റി​ല്‍ 1-0ന്‍റെ ​തോ​ല്‍​വി വ​ഴ​ങ്ങി​യ ഇ​ന്‍റ​ര്‍ മ​യാ​മി, ര​ണ്ടാം​പാ​ദ​ത്തി​ല്‍ 3-1ന്‍റെ ​ജ​യം സ്വ​ന്ത​മാ​ക്കി. ഇ​രു​പാ​ദ​ങ്ങ​ളി​ലു​മാ​യി 3-2ന്‍റെ ​ജ​യ​ത്തോ​ടെ​യാ​ണ് ഇ​ന്‍റ​ര്‍ മ​യാ​മി സെ​മി ബു​ക്ക് ചെ​യ്ത​ത്.

ര​ണ്ടാം​പാ​ദ ക്വാ​ര്‍​ട്ട​റി​ല്‍ ഒ​മ്പ​താം മി​നി​റ്റി​ല്‍ ആ​രോ​ണ്‍ ലോം​ഗി​ലൂ​ടെ ലോ​സ് ആ​ഞ്ച​ല​സ് എ​ഫ്‌​സി​യാ​ണ് ആ​ദ്യ ഗോ​ള്‍ നേ​ടി​യ​ത്. അ​തോ​ടെ ലോ​സ് ആ​ഞ്ച​ല​സ് എ​ഫ്‌​സി​ക്ക് ഇ​രു​പാ​ദ​ങ്ങ​ളി​ലു​മാ​യി 2-0ന്‍റെ ​ലീ​ഡ്. 35-ാം മി​നി​റ്റി​ല്‍ ല​യ​ണ​ല്‍ മെ​സി ഇ​ന്‍റ​ര്‍ മ​യാ​മി​ക്കു​വേ​ണ്ടി ഒ​രു ഗോ​ള്‍ മ​ട​ക്കി. 61-ാം മി​നി​റ്റി​ല്‍ ഫെ​ഡെ​റി​ക്കോ റെ​ഡോ​ന്‍​ഡോ ഇ​ന്‍റ​ര്‍ മ​യാ​മി​യു​ടെ ര​ണ്ടാം ഗോ​ളും നേ​ടി​യ​തോ​ടെ മ​ത്സ​രം മു​റു​കി. നോ​ഹ് അ​ല​ന്‍റെ അ​സി​സ്റ്റി​ലാ​യി​രു​ന്നു ഗോ​ള്‍.


തു​ട​ര്‍​ന്നു വി​ജ​യ​ഗോ​ളി​നാ​യു​ള്ള പോ​രാ​ട്ട​ത്തി​നി​ടെ 84-ാം മി​നി​റ്റി​ല്‍ ഇ​ന്‍റ​ര്‍ മ​യാ​മി​ക്ക് അ​നു​കൂ​ല​മാ​യി പെ​നാ​ല്‍​റ്റി കി​ക്ക്. മാ​ര്‍​ലോ​ണി​ന്‍റെ ഹാ​ന്‍​ഡ് ബോ​ളി​നാ​യി​രു​ന്നു റ​ഫ​റി വി​എ​ആ​റി​ലൂ​ടെ പെ​നാ​ല്‍​റ്റി വി​ധി​ച്ച​ത്.

സ്‌​പോ​ട്ട് കി​ക്കെ​ടു​ത്ത മെ​സി​ക്കു പി​ഴ​ച്ചി​ല്ല. അ​തോ​ടെ ഇ​ന്‍റ​ര്‍ മ​യാ​മി കോ​ണ്‍​കാ​കാ​ഫ് ചാ​മ്പ്യ​ന്‍​സ് ക​പ്പി​ന്‍റെ സെ​മി​യി​ലേ​ക്കും.