സു​സു​ക (ജ​പ്പാ​ന്‍): 2025 സീ​സ​ണി​ലെ മൂ​ന്നാം എ​ഫ് വ​ണ്‍ കാ​റോ​ട്ട മ​ത്സ​ര​മാ​യ ജാ​പ്പ​നീ​സ് ഗ്രാ​ന്‍​പ്രീ​യി​ല്‍ റെ​ഡ്ബു​ള്ളി​ന്‍റെ ഡ​ച്ച് ഡ്രൈ​വ​ര്‍ മാ​ക്‌​സ് വെ​ര്‍​സ്റ്റ​പ്പ​ന്‍ ജേ​താ​വ്. 2024 ചാ​മ്പ്യ​നാ​യ വെ​ര്‍​സ്റ്റ​പ്പ​ന്‍ ഈ ​സീ​സ​ണി​ല്‍ നേ​ടു​ന്ന ആ​ദ്യ ഒ​ന്നാം സ്ഥാ​ന​മാ​ണ്. പോ​ള്‍ പൊ​സി​ഷ​നി​ല്‍ മ​ത്സ​രം ആ​രം​ഭി​ച്ച വെ​ര്‍​സ്റ്റ​പ്പ​നെ വെ​ല്ലാ​ന്‍ മ​ക്‌ലാ​ര​ന്‍റെ ലാ​ന്‍​ഡോ നോ​റി​സി​നും ഓ​സ്‌​ക​ര്‍ പി​യാ​സ്ട്രി​ക്കും സാ​ധി​ച്ചി​ല്ല.

പി​യാ​സ്ട്രി​യു​ടെ 24-ാം ജ​ന്മ​ദി​ന​മാ​യി​രി​ന്നു ഇ​ന്ന​ലെ. സീ​സ​ണി​ലെ ആ​ദ്യ പോ​രാ​ട്ട​മാ​യ ഓ​സ്‌​ട്രേ​ലി​യ​ന്‍ ഗ്രാ​ന്‍​പ്രീ​യി​ല്‍ ജേ​താ​വാ​യ നോ​റി​സ് ര​ണ്ടാ​മ​തും ചൈ​നീ​സ് ഗ്രാ​ന്‍​പ്രീ വി​ജ​യി​യാ​യ പി​യാ​സ്ട്രി മൂ​ന്നാ​മ​തും ഫി​നി​ഷ് ചെ​യ്തു. ഓ​സ്‌​ട്രേ​ലി​യ​യി​ല്‍ ര​ണ്ടാം സ്ഥാ​ന​ത്താ​യി​രു​ന്ന വെ​ര്‍​സ്റ്റ​പ്പ​ന്‍ ഈ ​സീ​സ​ണി​ല്‍ നേ​ടു​ന്ന ര​ണ്ടാം പോ​ഡി​യം ഫി​നി​ഷാ​ണ്.


വെ​ര്‍​സ്റ്റ​പ്പ​ന്‍റെ 64-ാം ഗ്രാ​ന്‍​പ്രീ ജ​യ​മാ​ണ് ജ​പ്പാ​നി​ല്‍ ന​ട​ന്ന​ത്. ഫെ​രാ​രി​യു​ടെ ലൂ​യി​സ് ഹാ​മി​ല്‍​ട്ട​ണ്‍ ഏ​ഴാം സ്ഥാ​ന​ത്താ​ണ് ഫി​നി​ഷ് ചെ​യ്ത​ത്. ഡ്രൈ​വേ​ഴ്‌​സ് ചാ​മ്പ്യ​ന്‍​ഷി​പ്പി​ല്‍ ഒ​ന്നാ​മ​തു​ള്ള നോ​റി​സി​ന്‍റെ (62 പോ​യി​ന്‍റ്) തൊ​ട്ടു​പി​ന്നി​ല്‍ എ​ത്തി വെ​ര്‍​സ്റ്റ​പ്പ​ന്‍ (61). സീ​സ​ണി​ലെ അ​ടു​ത്ത ഫോ​ര്‍​മു​ല വ​ണ്‍ പോ​രാ​ട്ട​മാ​യ ബെ​ഹ്‌​റി​ന്‍ ഗ്രാ​ന്‍​പ്രീ 13ന് ​ന​ട​ക്കും.