വന്യമൃഗ ശല്യം: കേരള കോൺഗ്രസ്-എം പാർലമെന്‍റ് മാർച്ച് നടത്തി
Friday, March 28, 2025 12:36 AM IST
ന്യൂഡൽഹി: വന്യമൃഗത്തെ ഉപകരണമായി ഉപയോഗിച്ച് കർഷകരെ കുടിയൊഴിപ്പിക്കാൻ ശ്രമം നടക്കുന്നുവെന്ന് കേരള കോണ്ഗ്രസ്-എം ചെയർമാൻ ജോസ് കെ. മാണി എംപി. വന്യമൃഗങ്ങൾ എപ്പോൾ വേണമെങ്കിലും വന്ന് ആക്രമിക്കാമെന്ന ഭീതിയിലാണുകർഷകരെന്നും അവരുടെ മക്കൾക്ക് സ്കൂളുകളിൽപ്പോലും പോകാൻ ഭയമാണെന്നും എംപി പറഞ്ഞു.
1972ലെ കേന്ദ്ര വന്യജീവി സംരക്ഷണ നിയമവും വന്യജീവി ആക്രമണങ്ങൾ തടയുന്നതിന് ദേശീയ ദുരന്തനിവാരണ നിയമവും ഭേദഗതി ചെയ്യണമെന്നാവശ്യപ്പെട്ട് കേരള കോണ്ഗ്രസ്-എം ന്യൂഡൽഹി ജന്തർ മന്ദറിൽ നടത്തിയ മാർച്ചും ധർണയും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കേന്ദ്രത്തിന്‍റെ കണ്ണ് തുറപ്പിക്കുന്നതുവരെ സമരപരിപാടികളുമായി മുന്നോട്ടുപോകുമെന്നും എംപി വ്യക്തമാക്കി.
മുൻ എംപി തോമസ് ചാഴികാടന്‍റെ അധ്യക്ഷതയിൽ നടന്ന ധർണയ്ക്ക് എൽഡിഎഫ് എംപിമാരായ കെ. രാധാകൃഷ്ണൻ, പി. സന്തോഷ് കുമാർ, ജോണ് ബ്രിട്ടാസ്, എ.എ. റഹീം, പി.പി. സുനീർ എന്നിവർ ഐക്യദാർഢ്യം അറിയിച്ചു.
ചീഫ് വിപ്പ് ഡോ. എൻ. ജയരാജ്, എംഎൽഎമാരായ സെബാസ്റ്റ്യൻ കുളത്തുങ്കൽ, ജോബ് മൈക്കിൾ, പ്രമോദ് നാരായണൻ, മുൻ എംഎൽഎമാരായ സ്റ്റീഫൻ ജോർജ്, ജോണി നെല്ലൂർ, നേതാക്കളായ റെജി കുന്നങ്കോട്, ജോസ് പുത്തൻകാല, സിറിയക് ചാഴികാടൻ, ബ്രൈറ്റ് വട്ടനിരപ്പേൽ എന്നിവർ പ്രസംഗിച്ചു.
ബേബി ഉഴുത്തുവാൽ, ജോർജ്കുട്ടി ആഗസ്തി, മുഹമ്മദ് ഇക്ബാൽ, സാജൻ തൊടുകയിൽ, ജോസ് പാലത്തിനാൽ, സജി അലക്സ്, രാരിച്ചൻ നീറണാക്കുന്നേൽ, തോമസ്കുട്ടി വട്ടക്കാട്ട്, മാത്യൂസ് കെ. ലൂക്കോസ്, ജോസ് പാറേക്കാട്ട്, സുമേഷ് ആൻഡ്രൂസ്, ടോബിൻ കെ. അലക്സ്, മാത്യു ലൂക്ക്, സഹായദാസ് നാടാർ, വഴുതാനത്ത് ബാലചന്ദ്രൻ, ടി.എം. ജോസഫ്, ബെന്നി കക്കാട്, ജെന്നിംഗ്സ് ജേക്കബ്, വി.ടി. ജോസഫ്, കെ. കുശലകുമാർ, സജി സെബാസ്റ്റ്യൻ, ചെറിയാൻ പോളച്ചിറക്കൽ, ജോയി കൊന്നക്കൽ, സജി ജോസഫ്, ബാബു ജോസഫ്, ടോമി ജോസഫ്, സജി കുറ്റ്യാനിമറ്റം, ടോമി കെ. തോമസ്, ഉഷാലയം ശിവരാജൻ, ജോമോൻ വരന്പേൽ, ഡൊമിനിക് ജോസഫ്, ഷാജി ഓട്ടപ്പള്ളിൽ, ടെഡി എം.തോമസ്, ഉണ്ണിക്കൃഷ്ണൻ ഈച്ചേരത്ത്, പി.എം. തോമസ് തുടങ്ങിയ മുതിർന്ന നേതാക്കൾ പാർലമെന്‍റ് മാർച്ചിനും ധർണയ്ക്കും നേതൃത്വം നൽകി.