പുറത്ത് ആഞ്ഞടിക്കുന്നുവെന്നു മാധ്യമങ്ങൾ പറഞ്ഞ സിപിഐ സെക്രട്ടറി അകത്ത് എന്തു ചെയ്തുവെന്ന് അറിയില്ല. യോഗം കഴിഞ്ഞപ്പോൾ സിപിഐയേക്കാൾ സ്വാധീനം ആർഎസ്എസിനാണെന്നു വ്യക്തമായി. മര്യാദയ്ക്കിരുന്നാൽ മതിയെന്ന സന്ദേശമാണു ഘടകകക്ഷികൾക്കു സിപിഎം നൽകുന്നത്.
എൽഡിഎഫ് കണ്‍വീനറെ പ്പോലുള്ള പാവങ്ങൾക്ക് ഇതിൽ ഒരു കാര്യവുമില്ല. തൃപ്തിയോടെയല്ല, നിവൃത്തിയില്ലാത്തതുകൊണ്ടു സംസാരിക്കുന്നു എന്നാണു സിപിഎം സംസ്ഥാന സെക്രട്ടറി പറഞ്ഞത്. ഇടതുപക്ഷ സഹയാത്രികർ പോലും ഈ സർക്കാരിനെ വെറുക്കുകയാണെന്നും സതീശൻ പറഞ്ഞു.
മണ്ണിടിച്ചിൽ ദുരന്തമുണ്ടായതിനു ശേഷം വയനാട്ടിലെത്തിയപ്പോൾ ശ്രുതിയെയും ജെൻസണെയും കണ്ടിരുന്നു. ജെൻസന്‍റെ വിയോഗത്തോടെ ശ്രുതി ഒറ്റയ്ക്കല്ല. മകളെപ്പോലെ ആവശ്യമായ എല്ലാ സഹായവും നൽകും. ശ്രുതിക്കു സർക്കാർ ജോലി നൽകുന്നതു മുഖ്യമന്ത്രിയുടെ ശ്രദ്ധയിൽപ്പെടുത്തുമെന്നും അദ്ദേഹം പറഞ്ഞു.