എന്നാല്, ദാരിദ്ര്യത്തോടു പടവെട്ടി ഡല്ഹി ജെഎന്യുവില്നിന്നും പഠനം പൂര്ത്തിയാക്കിയ മാതാപിതാക്കളുടെ ജീവിതം പുലരിക്കു നന്നായി അറിയാമായിരുന്നു. കോമണ് ആപ്പ് എന്ന ഓണ്ലൈന് ആപ്പ് വഴി അമേരിക്കയിലെ 20 സര്വകലാശാലകളിലേക്ക് അപേക്ഷ അയച്ചു. അവര് ആവശ്യപ്പെട്ടപ്രകാരം തന്നെക്കുറിച്ചും ഇഷ്ടപ്പെട്ട ഒരു വിഷയത്തെക്കുറിച്ചും പ്രബന്ധം തയാറാക്കി നല്കി.
ഒടുവില് വിര്ജിനിയയിലെ ഹോളിന്സ് യൂണിവേഴ്സിറ്റിയില്നിന്നു വിളിയെത്തി. ബുക്കര് പ്രൈസ് ജേതാവ് കിരണ് ദേശായി അടക്കം നിരവധി പ്രഗല്ഭര് പഠിച്ച യൂണിവേഴ്സിറ്റിയാണിത്. ഇവിടത്തെ നാലുവര്ഷ ഡിഗ്രി കോഴ്സിന് ഒരു കോടിയിലേറെ രൂപ ചെലവു വരും.
ഒരു സ്വപ്നവും അതു നേടിയെടുക്കാനുള്ള നിതാന്ത പരിശ്രമവുമുണ്ടെങ്കില് ആഗ്രഹിക്കുന്ന സ്ഥാനത്ത് നിങ്ങള് എത്തിയിരിക്കുമെന്നു പറഞ്ഞതുപോലെ, അഡ്മിഷനൊപ്പം 1.19 കോടി രൂപ സ്കോളര്ഷിപ്പും പുലരിയെ തേടിയെത്തി.
പഠനകാലത്തു ചെയ്ത ഹ്രസ്വചിത്രങ്ങള് ഏറെ ശ്രദ്ധിക്കപ്പെട്ടു. ഹോളിവുഡ് കാലാവസ്ഥാ ഉച്ചകോടിയില് ക്ഷണം ലഭിച്ചു. ഇവിടെവച്ച് സംവിധായികയും ഫാഷന് ഡിസൈനറുമായ ക്ലമന്റിന മാര്ട്ടിനസ് മസാര്വെയെ പരിചയപ്പെട്ടത് വഴിത്തിരിവായി.
പുലരിയുടെ ഹ്രസ്വചിത്രങ്ങള് കണ്ട് ഇഷ്ടപ്പെട്ട ക്ലമന്റിന മൂന്നുദിവസത്തെ യംഗ് ഓസ്കര് ചിത്രീകരിക്കാന് ക്ഷണിക്കുകയായിരുന്നു. ചടങ്ങില് പുലരിക്ക് ധരിക്കാനുള്ള വസ്ത്രവും ക്ലമന്റിനയാണു ഡിസൈന് ചെയ്തത്.