വിസിയുടെ പകരം ചുമതല നൽകിയ പ്രഫ. പി.സി. ശശീന്ദ്രൻ ചുമതലയേറ്റ ശേഷമാകും ഡീനിനും അസിസ്റ്റന്റ് വാർഡനുമെതിരേ നടപടി സ്വീകരിക്കുകയെന്നു മൃഗസംരക്ഷണ മന്ത്രിയുടെ ഓഫീസ് അറിയിച്ചു. ഇവർക്കെതിരേ നടപടി സ്വീകരിക്കാൻ മുൻ വൈസ് ചാൻസലർ തയാറായിരിക്കേയാണ് അദ്ദേഹത്തിനെ ഗവർണർ സസ്പെൻഡ് ചെയ്തതെന്നാണ് മന്ത്രിയുടെ ഓഫീസ് പറയുന്നത്.
ഡീനിന്റെ ഭാഗത്തു വീഴ്ച സംഭവിച്ചുവെന്നും വാർഡൻ എന്ന നിലയിൽ ഡീൻ ഹോസ്റ്റലിൽ ഉണ്ടാകേണ്ടതായിരുന്നുവെന്നും മന്ത്രി ജെ. ചിഞ്ചുറാണി പറഞ്ഞു.