നെ​ന്മാ​റ: അ​മൂ​ല്യ​മാ​യ കു​ടി​വെ​ള്ളം ന​ഷ്ട​പ്പെ​ടാ​തെ സൂ​ക്ഷി​ക്കാ​ൻ വാ​ട്ട​ർ അ​ഥോ​റി​റ്റി താ​ത്പ​ര്യം കാ​ണി​ക്കു​ന്നി​ല്ല. കു​ടി​വെ​ള്ളവി​ത​ര​ണ​ത്തി​നു​ള്ള പൈ​പ്പു​ക​ൾ ഇ​ടു​വാ​നാ​യി കേ​ര​ളാ വാ​ട്ട​ർ അ​ഥോ​റി​റ്റി ചാ​ത്ത​മം​ഗ​ലം അ​ടി​പ്പെ​ര​ണ്ട പൊ​തു​മ​രാ​മ​ത്ത് റോ​ഡി​ന്‍റെ വ​ശ​ങ്ങ​ളി​ലു​ട​നീ​ളം ചാ​ലു​കീ​റി​യി​രു​ന്നു.

ഇ​ക്കാ​ര​ണ​ത്താ​ൽ റോ​ഡി​ന് സാ​ര​മാ​യ കേടു​പാ​ടു​ക​ൾ സം​ഭ​വി​ച്ചി​ട്ടു​ള്ള​തി​നാ​ൽ പ​ല​യി​ട​ത്തും റോ​ഡി​ന്‍റെ പ​കു​തി​യി​ൽ കൂ​ടു​ത​ലും ന​ശി​ച്ച സാ​ഹ​ച​ര്യ​മാ​ണ്.

മാ​സ​ങ്ങ​ൾ​ക്ക് മു​ന്പ് കു​ഴി​ച്ച കു​ഴി​ക​ൾ അ​ടു​ത്ത കാ​ല​ത്താ​ണ് മ​ണ്ണു​മാ​ന്തി യ​ന്ത്രം ഉ​ൾ​പ്പ​ടെ​യു​ള്ള സാ​മ​ഗ്രി​ക​ൾ ഉ​പ​യോ​ഗി​ച്ചു നി​ക​ത്തി​യ​ത്. പ​ണി​പൂ​ർ​ത്തി​യാ​ക്കു​ന്ന​തി​നി​ട​യി​ൽ ക​ല്ലും മ​റ്റും മൂ​ർ​ച്ച​യേ​റി​യ വ​സ്തു​ക്ക​ൾ ഉ​ൾ​പ്പെ​ടു​ത്തി​യു​ള്ള മി​ശ്രി​തം കൊ​ണ്ടു​ള്ള കു​ഴി​യ​ട​ക്ക​ൽ പ്ര​ക്രി​യ​യി​ൽ മ​ണ്ണി​ന​ടി​യി​ലെ പി​വി​സി പൈ​പ്പു​ക​ൾ​ക്ക് കേ​ടു​പാ​ടു​ക​ൾ സൃ​ഷ്ടി​ക്കാ​ൻ കാ​ര​ണ​മാ​യി. ചെ​ട്ടി​കു​ള​മ്പ് റേ​ഷ​ൻകടയ്ക്കു സ​മീ​പ​വും ത​ളി​പ്പാ​ടം, ച​ക്രാ​യി റോ​ഡ്, പ​റ​യ​മ്പ​ളം തു​ട​ങ്ങി നി​ര​വ​ധി സ്ഥ​ല​ങ്ങ​ളി​ൽ പൊ​ട്ടി​യ പൈ​പ്പി​ൽ നി​ന്നും വെ​ള്ളം ഒ​ഴു​കി റോ​ഡി​ലേ​ക്ക് ക​യ​റു​ന്നു​ണ്ട്.

റോ​ഡി​ന്‍റെ വ​ശ​ങ്ങ​ൾ ന​ന​ഞ്ഞ് വെ​ള്ള​മൊ​ഴു​കു​ന്ന​തി​നാ​ൽ വ​ലി​യ വാ​ഹ​ന​ങ്ങ​ൾ ഓ​ടു​ന്ന​തോ​ടെ റോ​ഡി​ന്‍റെ വ​ശ​ങ്ങ​ൾ ഇ​ടി​യു​ക​യും കു​ഴി​ക​ളും രൂ​പ​പ്പെ​ടു​ന്നു. വെ​ള്ള​ത്തി​ന്‍റെ പ​ണം കൃ​ത്യ​മാ​യി ഈ​ടാ​ക്കു​ന്ന കാ​ര്യ​ത്തി​ൽ അ​ല്ലാ​തെ വെ​ള്ളം പാ​ഴാ​യി പോ​കു​ന്ന​ത് ത​ട​യാ​ൻ പ​ല​പ്രാ​വ​ശ്യം വി​ളി​ച്ചു പ​റ​ഞ്ഞി​ട്ടും ന​ട​പ​ടി സ്വീ​ക​രി​ക്കു​ന്നി​ല്ല. ജ​ല​ക്ഷാ​മം നേ​രി​ടു​ന്ന ഈ ​കാ​ല​ഘ​ട്ട​ത്തി​ലും കെ​ഡ​ബ്ല്യു​എ യു​ടെ ഭാ​ഗ​ത്തു നി​ന്നു ത​ന്നെ ഇ​ത്ത​ര​ത്തി​ലു​ള്ള വീ​ഴ്ച​യു​ണ്ടാ​കു​ന്ന​ത്. കു​ടി​വെ​ള്ളം പാ​ഴാ​കു​ന്ന സ്ഥ​ല​ങ്ങ​ളി​ലെ കേ​ടു​പാ​ടു​ക​ൾ ക​ണ്ടെ​ത്തുകയും റോ​ഡു​ക​ളു​ടെ നാ​ശം ഒ​ഴി​വാ​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും പ്രാ​ദേ​ശ​നി​വാ​സി​ക​ൾ ആ​വ​ശ്യ​പ്പെ​ട്ടു.