ഒ​ല​വ​ക്കോ​ട്: വീ​ണ്ടു​മൊ​രു ദീ​പാ​വ​ലി​ക്കാ​ലം വ​ന്ന​തോ​ടെ ബേ​ക്ക​റി​ക​ളി​ൽ മ​ധു​ര പ​ല​ഹാ​ര വി​പ​ണി​ക്കൊ​പ്പം പ​ട​ക്കവി​പ​ണി​യും സ​ജീ​വ​മാ​യി. സം​സ്ഥാ​ന​ത്ത് വി​ഷു ക​ഴി​ഞ്ഞാ​ൽ പി​ന്നെ പ​ട​ക്ക വി​പ​ണി​യി​ൽ കാ​ര്യ​മാ​യ ക​ച്ച​വ​ടം ന​ട​ക്കു​ന്ന​ത് ദീ​പാ​വ​ലി​ക്കാ​ല​ത്താ​ണ്.

എ​ന്നാ​ൽ മ​ധു​ര​വി​പ​ണി​യി​ലാ​ണ് കൂ​ടു​ത​ലാ​യും വ്യാ​പാ​ര​മെ​ന്നി​രി​ക്കെ ബേ​ക്ക​റി​ക​ളെ​ല്ലാം സ​ജീ​വ​മാ​ണ്. നി​ര​വ​ധി സ്വീ​റ്റ്സു​ക​ൾ നി​റ​ഞ്ഞ ബോ​ക്സു​ക​ളി​ലാ​ണ് ദീ​പാ​വ​ലി​ക്കാ​ല​ത്തെ വി​പ​ണി ത​യ്യാ​റാ​വു​ന്ന​ത്. 120, 240, 300 രൂ​പ​യു​ടെ ബോ​ക്സു​ക​ളുണ്ട്.

ത​മി​ഴ്നാ​ട് ആ​സ്ഥാ​ന​മാ​യു​ള്ള പ്ര​മു​ഖ ബേ​ക്ക​റി​ക​ൾ ഓ​ഫ​റു​ക​ളു​മാ​യി രം​ഗ​ത്തു​ണ്ട്. ദീ​പാ​വ​ലി സ്പെ​ഷൽ ഓ​ഫ​റു​മു​ണ്ട്. സാ​ധാ​ര​ണ സ്വീ​റ്റ്സു​ക​ൾ​ക്കു പു​റ​മെ സ്പെ​ഷ്യ​ൽ പാ​ൽ​ഗോ​വ, പേ​ഡ, ല​ഡു എ​ന്നി​വ​യു​ടെ നി​ര​വ​ധി മോ​ഡ​ലു​ക​ളും വി​പ​ണി​യി​ലു​ണ്ട്.

ഓ​ണ്‍​ലൈ​നു​ക​ളി​ൽ വ്യാ​പാ​രം ന​ട​ക്കു​മെ​ങ്കി​ലും ദീ​പാ​വ​ലി​ക്കാ​ല​ത്ത് ബേ​ക്ക​റി​ക​ളി​ലെ​ത്തി വാ​ങ്ങു​ന്ന​വ​രു​ടെ എ​ണ്ണ​ത്തി​ന് കു​റ​വി​ല്ല.

ബ്രാ​ഹ്മ​ണ അ​ഗ്ര​ഹാ​ര​ങ്ങ​ളി​ൽ ദീ​പാ​വ​ലി​ക്കാ​ല​ത്ത് വീ​ടു​ക​ളി​ൽ സ്വ​ന്ത​മാ​യി മധുരപലഹാരങ്ങൾ ഉ​ണ്ടാ​ക്കു​ന്ന​വ​രു​മേ​റെ​യാ​ണ്.

ബേ​ക്ക​റി​ക​ളി​ൽ എ​ക്കാ​ല​ത്തും മ​ധു​ര പ​ല​ഹാ​ര​ങ്ങ​ൾ​ക്ക് ആ​വ​ശ്യ​ക്കാ​രേ​റെ​യാ​ണെ​ങ്കി​ലും ദീ​പാ​വ​ലി​ക്കാ​ലം മ​ധു​ര വി​പ​ണി​ക​ൾ പ്ര​തീ​ക്ഷ​യു​ള്ള കാ​ല​മാ​ണ്.

മ​ഹാ​ന​വ​മി ക​ഴി​ഞ്ഞ​തോ​ടെ ആ​ഘോ​ഷ​ങ്ങ​ളും സ​ജീ​വ​മാ​കു​ന്ന വേ​ള​യി​ൽ ദീ​പാ​വ​ലി​യു​മെ​ത്തു​ന്ന​തോ​ടെ മ​ധു​ര​പ​ല​ഹാ​ര വി​പ​ണി​യി​ൽ മ​ധു​ര പ്ര​തീ​ക്ഷ​യി​ലാ​ണ് വ്യാ​പാ​രി​ക​ൾ.