ക​രു​മാ​ലൂ​ർ: ക്ഷേ​ത്ര മൈ​താ​നി​യി​ൽ ഫു​ട്ബോ​ൾ ക​ളി​ക്കു​മ്പോ​ൾ കൂ​ട്ടു​കാ​രു​ടെ ഇ​ട​യി​ൽ ഗോ​ളി​യാ​കാ​ൻ അ​ഭി​ന​വ് ഇ​നി​യി​ല്ല. ഇ​ന്ന​ലെ ഉ​ച്ച​യോ​ടെ പെ​ട്ടെ​ന്നു​ണ്ടാ​യ കാ​റ്റി​ൽ ആ​ൽ​മ​രം ഒ​ടി​ഞ്ഞ് വീ​ണാ​ണ് അ​ഭി​ന​വി​ന്‍റെ ജീ​വ​ൻ ന​ഷ്ട​മാ​യ​ത്. ആ​ൽ​മ​രം വീ​ഴു​ന്ന​തു ക​ണ്ട് കൂ​ടെ ക​ളി​ച്ച കൂ​ട്ടു​കാ​ർ നി​സാ​ഹ​യ​രാ​യി നോ​ക്കി നി​ൽ​ക്കാ​നേ സാ​ധി​ച്ചു​ള്ളു.

അ​വ​ന് ഓ​ടി മാ​റാ​ൻ ക​ഴി​ഞ്ഞി​ല്ലെ​ന്നും അ​വ​ൻ നി​ന്നി​രു​ന്ന സ്ഥ​ല​ത്തേ​ക്കാ​ണ് ആ​ൽ​മ​ര​ത്തി​ന്‍റെ ചി​ല്ല വ​ന്ന​ടി​ച്ച​തെ​ന്നും കൂ​ടെ ക​ളി​ച്ചി​രു​ന്ന കൂ​ട്ടു​കാ​ർ പ​റ​യു​ന്പോ​ഴും അ​വ​രു​ടെ മു​ഖ​ത്ത് ഭീ​തി​യും ദുഃ​ഖ​വും പ്ര​ക​ടം. സം​ഭ​വം ന​ട​ന്ന ഉ​ട​ൻ കു​ട്ടി​ക​ളു​ടെ കൂ​ട്ട​ക്ക​ര​ച്ചി​ൽ മാ​ത്ര​മേ മൈ​താ​ന​ത്ത് കേ​ട്ടി​രു​ന്നു​ള്ളു​വെ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു.

വെ​ളി​യ​ത്തു​നാ​ട് വെ​ള്ളാം ഭ​ഗ​വ​തി ക്ഷേ​ത്ര​മൈ​താ​നി​യി​ലാ​ണു ഇ​വ​ർ ഒ​ത്തു​കൂ​ടി സ്ഥി​ര​മാ​യി ക​ളി​ക്കാ​റ്.

ഇ​ന്ന​ലെ അ​വ​ധി ദി​ന​മാ​യ​തി​നാ​ൽ പ​തി​വു​പോ​ലെ എ​ല്ലാ​വ​രും രാ​വി​ലെ ത​ന്നെ ഒ​ത്തു​കൂ​ടി​യി​രു​ന്നു. മ​ഴ മാ​റി​യ​തോ​ടെ ഫു​ട്ബോ​ൾ ക​ളി​യാ​രം​ഭി​ച്ചു. എ​ന്നാ​ൽ പെ​ട്ടെ​ന്നു ശ​ക്ത​മാ​യ കാ​റ്റു വീ​ശി​യ​ടി​ക്കു​ക​യും ആ​ൽ​മ​ര​ത്തി​ന്‍റെ ഒ​രു വ​ലി​യ​ഭാ​ഗം ഒ​ടി​ഞ്ഞു​വീ​ഴു​ക​യു​മാ​യി​രു​ന്നു.

അ​ഭി​ന​വ് ആ​ൽ​മ​ര​ത്തി​നു സ​മീ​പ​ത്താ​യി ഗോ​ൾ കീ​പ്പ​റാ​യാ​ണു നി​ന്നി​രു​ന്ന​ത്. അ​തി​നാ​ൽ ഓ​ടി ര​ക്ഷ​പ്പെ​ടാ​ൻ ശ്ര​മി​ക്കു​ന്ന​തി​നു മു​ന്നേ ശ​രീ​ര​ത്തി​ലേ​ക്കു മ​രം ഒ​ടി​ഞ്ഞു വീ​ണു. കൂ​ടാ​തെ തൊ​ട്ട​ടു​ത്തു നി​ന്ന ആ​ദി​ദേ​വി​നും സ​ച്ചി​നുംസ​ര​മാ​യി പ​രി​ക്കേ​ൽ​ക്കു​ക​യും ചെ​യ്തു.

അ​പ​ക​ട​ത്തി​നു ശേ​ഷം പി​ന്നീ​ട് തി​രി​കെ​യെ​ത്തി​യ​പ്പോ​ഴാ​ണ് ഉ​റ്റ​സു​ഹൃ​ത്തി​നെ ന​ഷ്ട​പ്പെ​ട്ട കാ​ര്യം കൂ​ട്ടു​കാ​ർ മ​ന​സി​ലാ​ക്കു​ന്ന​തും. പ​ത്തു​പേ​രാ​യി​രു​ന്നു ക​ളി​ക്കാ​ൻ ഉ​ണ്ടാ​യി​രു​ന്ന​ത്. മൈ​താ​ന​ത്തി​ന്‍റെ സ​മീ​പ​ത്താ​ണ് അ​ഭി​ന​വി​ന്‍റെ വീ​ട്. അ​ഭി​ന​വ് ഗോ​ളി​യാ​യി നി​ന്നി​രു​ന്ന സ്ഥ​ല​ത്ത് ഒ​രു വ​ശ​ത്ത് വീ​ടും മ​റു​വ​ശ​ത്ത് വീ​ടി​ന്‍റെ മ​തി​ൽ കെ​ട്ടു​മാ​ണ്.

കരച്ചിൽ കേട്ട് ഓടിയെത്തിയ നാട്ടുകാർ കണ്ടത് ശിഖരങ്ങൾക്കിടയിൽപ്പെട്ട കുട്ടികളെ

ക​രു​മാ​ലൂ​ർ: മ​ര​മൊ​ടി​ഞ്ഞു​വീ​ഴു​ന്ന ശ​ബ്ദ​വും കു​ട്ടി​ക​ളു​ടെ നി​ല​വി​ളി​യും കേ​ട്ടാ​ണ് മി​ല്ലു​പ​ടി​യി​ലെ നാ​ട്ടു​കാ​ർ ഓ​ടി​യെ​ത്തി​യ​ത്. മി​ല്ലു​പ​ടി വെ​ള്ളാം​ഭ​ഗ​വ​തി ക്ഷേ​ത്ര​ത്തി​ന്‍റെ മൈ​താ​ന​ത്തി​ൽ ചി​ത​റി​ക്കി​ട​ക്കു​ന്ന ശി​ഖ​ര​ങ്ങ​ൾ​ക്കി​ട​യി​ൽ ഒ​രു​ജീ​വ​നും പെ​ട്ടി​ട്ടു​ണ്ടാ​ക​രു​തേ​യെ​ന്നാ​യി​രു​ന്നു ഇ​വ​രു​ടെ പ്രാ​ർ​ഥ​ന. പ​ക്ഷേ, വീ​ണു​കി​ട​ന്ന ശി​ഖ​ര​ങ്ങ​ൾ​ക്ക​ടി​യി​ൽ മൂ​ന്നു​കു​ട്ടി​ക​ളാ​ണ് കു​ടു​ങ്ങി​യ​ത്. ഇ​വ​രെ ഉ​ട​ൻ ത​ന്നെ എ​ടു​ത്ത് ആ​ശു​പ​ത്രി​യി​ലേ​ക്ക് എ​ത്തി​ച്ചെ​ങ്കി​ലും അ​ഭി​ന​വി​ന്‍റെ ജീ​വ​ൻ ര​ക്ഷി​ക്കാ​നാ​യി​ല്ല.

കു​റ്റ​ൻ ആ​ൽ​മ​രം ആ​യ​തി​നാ​ൽ ര​ക്ഷാ​പ്ര​വ​ർ​ത്ത​നം വ​ള​രെ പ്ര​യാ​സ​മാ​യി​രു​ന്നു. കൂ​ടു​ത​ൽ കു​ട്ടി​ക​ൾ മ​ര​ത്തി​ന​ടി​യി​ൽ പെ​ട്ടി​ട്ടു​ണ്ടോ​യെ​ന്ന സം​ശ​യ​വും നാ​ട്ടു​കാ​ർ​ക്ക് ഉ​ണ്ടാ​യി​രു​ന്നു. ഉ​ട​ൻ ത​ന്നെ അ​ഗ്നി​ര​ക്ഷാ​സേ​ന​യേ​യും വി​വ​ര​മ​റി​യി​ച്ചു. ആ​ലു​വ​യി​ൽ നി​ന്നെ​ത്തി​യ അ​ഗ്നി​ര​ക്ഷാ സേ​നാ ഉ​ദ്യോ​ഗ​സ്ഥ​രാ​ണു മ​രം മു​റി​ച്ചു നീ​ക്കി ര​ക്ഷാ​പ്ര​വ​ർ​ത്ത​നം ഊ​ർ​ജി​ത​മാ​ക്കി​യ​ത്. അ​സി​സ്റ്റ​ന്‍റ് സ്റ്റേ​ഷ​ൻ ഓ​ഫി​സ​ർ ടി.​ടി. സു​രേ​ഷ് ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്കു നേ​തൃ​ത്വം ന​ൽ​കി.